MATIU 24
24
I Yesu mampau kono da kagero Banua i mPue
24:1-2
(Mrk. 13:1-2, Luk. 21:5-6)
1Palai i Yesu ungka ri Banua i mPue, jelamo waʼa anaguru-A madadu Sira; waʼa anagurua mantujuka Sira ewambeʼi karoso pai kadolidi Banua i mPue setu. 2Mompau i Yesu ri tau seʼe ndatoʼo, “Ara ndikitamo pura-pura setu? Ndiincanimo, bareʼemo da reʼe mau saogu watu anu da mokenta pai kasiwatunya. Pura-pura setu da magero.”
Kapari pai pejeani
24:3-14
(Mrk. 13:3-13, Luk. 21:7-19)
3Ungka lairia malai i Yesu ri Buyu ngKaju Lana, pai sindara Sira motunda-tunda njairia, jelamo waʼa anaguru-A mompasimbaju pai Sira. Natoʼo ntau seʼe, “Nditoʼoka kami impiamo da pewalinya pura-pura setu. Pai nunjaa waʼa petondoninya da kamaʼimi muni pai kapusa lino.”
4Mesono i Yesu ndatoʼoka tau seʼe, “Ndipakadago, neʼe boi komi ndatengosi! 5Maka maria tau da jela mampake toʼo-Ku, da natoʼo, ‘Yakumo Mokole Tadungkadago!’ Maria tau da natengosi ntau seʼe. 6Da ndidonge oni mpombetoto pai waʼa bambari mpoʼiwali, da mewali, paikanya incetu banya posokinya jelamo eo kiama. 7Tau salemba da mampoʼiwalika tau anu salembanya, pai negara anu sambaʼa da maungku negara anu ntaninya. Ri mbeʼi-mbeʼi da mewali oro pai lindugi. 8Paikanya pura-pura setu nepa pontepuʼunya kapari, ewa kapari naepe mbeʼa anu da moʼongaa.
9 #
Mat. 10:22
Ri tempo setu komi da ndasoko pai ndapepombaika da ndajeani, komi da ndapepate, sambawo lino damampobanciika komi, ua kakominya anaguru-Ku. 10Ri tempo setu maria tau anu da mampesapuka Yaku, tau seʼe da mombenawusaka pai da mombepobanciika. 11Maria nabi kambamba-mbamba da jela, pai maria tau anu da nalinguni. 12Da kakoteranga-rangani kajaʼanya powia ntau painaka bareʼemo da tongawa pombepotowe. 13#Mat. 10:22 Paikanya tau anu todo rantani ri kapusanya da ndasorepaka. 14Pai Nuntu ngKatuwu kono Poparenta i mPue Ala da ndapobambarika ri sambawo lino da naka pura-pura tau mangadonge. Roo setu nepa da kiama.”
Kajaʼa anu mampakagero
24:15-28
(Mrk. 13:14-23, Luk. 21:20-24)
15 #
Dan. 9:27, 11:31, 12:11 “Da ndikitasi ‘Kajaʼa anu mampakagero,’ ewa anu natoʼo i Nabi Danieli, mekakore ri kareʼe anu magali. (Komi anu mabasa da ndipepewoloka posokinya!) 16Ri tempo setu tau anu njau ri Yudea da molonco ndeku ri buyu mongkodo. 17#Luk. 17:31 Tau anu reʼe ri wawo ata banua neʼe menaʼu da mantima bara nunjaa-njaa ri raya banua. 18Pai tau anu njau ri jamaa neʼe mewalili da mantima jubanya. 19Maʼaisa kaparinya ri-eo-eo setu naepe mbeʼa anu manee koronya pai ine anu ntongo mampasusu ongaa! 20Ndipekakaimo da naka neʼe komi da molonco ri tempo mpouja bara ri eo Umapo. 21#Dan. 12:1, Pepat. 7:14 Ri waʼa eo setu da reʼe sangaya kapari anu maʼai ewa anu bareʼepa reʼe pewalinya ungka ri pampapewali lino rantani wawaseʼi, pai bareʼemo da reʼe woʼu pewalinya. 22Ane rapanya bareʼe ndapakaʼede i mPue Ala tempo setu; manoto bareʼe da reʼe mau sambaʼa tau anu da tesorepaka. Paikanya ua tau-A, i Pue Ala mampakaʼede tempo setu.
23Ri tempo setu ane reʼe tau anu mantoʼoka komi, ‘Peole, Mokole Tadungkadago reʼe ireʼi!’ Bara natoʼo, ‘Sira reʼe ri njau!’ – Neʼe boi ndiaya tau setu. 24Maka da rata waʼa ntoponcorepaka anu kambamba-mbamba pai waʼa nabi anu kambamba-mbamba. Tau seʼe da mawianaka waʼa mpowia anu ndapojingki, pai waʼa tanda ngkuasa da napetengosika, sako waʼa ntau i mPue Ala seʼe da natengosi. 25Mewali da ndisoro-soro! Roomo Kutoʼoka komi – ri kabareʼepanya mewali.
26 #
Luk. 17:23-24
Ane reʼe tau anu mantoʼoka komi, ‘Peole, Sira njau ri pada bone!’ Neʼe njoʼu komi njairia. Bara ane natoʼo ntau seʼe, ‘Peole, Sira njau mesambuni ri raya lincu seʼi!’ – neʼe ndiaya. 27Maka karata i Ana Manusia daʼewa pesindi ngkila ungka ri pebetea rata ri kasoyoa.
28 #
Luk. 17:37
Ri mbeʼi kareʼe anu oso njairia seʼe da kanjau ntonci topekoni anu oso.”
Karata i Ana Manusia
24:29-31
(Mrk. 13:24-27, Luk. 21:25-28)
29 #
Yes. 13:10, 34:4, Yeh. 32:7, Yo. 2:10,31, 3:15, Pepat. 6:12-13 “Bareʼe masae ungka ri kaliu tempo ngkapari setu, ogu eo bareʼemo da merara ewanceʼe seʼe wuya bareʼemo da merara. Waʼa betuʼe manawu ungka ri yangi, pai da singkapurimo waʼa ngkuasa ri tongo ndaoa. 30#Dan. 7:13, Sak. 12:10-14, Pepat. 1:7 Roo setu da tongawamo petondoni i Ana Manusia ri yangi. Pura-pura tau ri lino da motumangi. Da nakita ntau seʼe i Ana Manusia maʼi ri wawo limu ri kakuasa pai ri peawa anu bangke. 31Surupeta anu bangke da ndatawuisi, pai i Ana Manusia da mampokau waʼa malaʼeka da mampasambaka tau-A ungka ri aoponumo lino, ungka ri tando yangi rata ri tando yangi ntaninya.”
Totoraka ewa katuwu ngkaju ara
24:32-35
(Mrk. 13:28-31, Luk. 21:29-33)
32“Ndipegurumo ri katedikanaka ngkaju ara. Ane waʼa raʼanya damata pai mayuʼu, pai montepuʼu molonde, ndiincani mosumo tempo mporeme. 33Ewanceʼe seʼe ane ndikita pura-pura setu mewali, ndiincani mosumo mpodago temponya. 34Da ndipaincani! Bareʼepa pura mate tau anu tuwu salapi seʼi da mewalimo pura-puranya setu. 35Yangi pai lino da paya, paikanya nuntu-Ku bareʼe da paya rantani masae-sae.”
Bereʼe tau anu maincani eo pai jaanya
24:36-44
(Mrk. 13:32-37, Luk. 17:26-30,34-36)
36“Bereʼe anu maincani eonya pai jaanya, waʼa malaʼeka ri suruga bareʼe naincani, Ana mPue Ala seʼe bareʼe naincani. Podo i Papa anu maincani. 37#Pal. 6:5-8 Da kajela i Ana Manusia, daʼewa pewalinya ri tempo ngkatuwu i Noho. 38Ri tempo ngkabareʼepanya nasambori ue lino seʼi, waʼa ntau mangkoni pai manginu, morongo. Ewanceʼe pewalinya rantani rata ri tempo mpeʼulaya i Noho ri duanga. 39#Pal. 7:6-24 Bareʼepa tekiwoi raya ntau, ri kabareʼepanya malodongi tau seʼe ri raya ue, ewanceʼemo da pewalinya ri karata i Ana Manusia. 40Ri tempo setu radua tau anu motetala ri nawu, sambaʼa da ndatima, sambaʼa da ndapalaika. 41Radua weʼa ntongo mombaju montiwani, sambaʼa da ndatima sambaʼa da ndapalaika. 42Mewali ndiponcoro-ncoromo, maka bareʼe ndiincani impia eonya da kajela mPuemi. 43#Luk. 12:39-40 Neʼe ndikalingani inceʼi! Ane rapanya naincanimo ntumpu banua tempo da kamaʼi nto pelima mposambengi, manoto siʼa bareʼe da yore, da naka to pelima bareʼe mesua ri banuanya. 44Inceʼe painaka komi woʼu ndipompatokamo, maka da karata i Ana Manusia ri tempo anu bareʼe ndisoro-soro.”
Anamayunu anu todo pai anu bareʼe todo
24:45-51
(Luk. 12:41-48)
45Ndatoʼo woʼu ri Yesu, “Isema ntano toporioko anu todo pai manoto rayanya? Siʼamo anu da nadika mpuenya mewali tadulako ri waʼa yununya, siʼamo anu ndasarumaka da mampasilolongani pangkoni waʼa yununya ane jelamo temponya. 46Maʼai kojo porasinya toporioko setu ane ri pewalili mpuenya narata ntongo mamponggaleka tetalanya. 47Ndipoaya moncomo, toporioko setu da nadika mpuenya mamporewu waʼa aga-aganya. 48Paikanya ane toporioko setu majaʼa da natoʼo ri rayanya. 49‘Ntongo masaepa nepa da mewalili i pueku,’ ungka lairia natepuʼumo mabobaki waʼa ntoporioko anu ntaninya, mopancua pai waʼa nto poyangu-yangu. 50Ungka lairia puenya da mewalili ri eo pai jaa anu bareʼe ndasoro-soro. 51Manoto toporioko setu da nabobaki mpuenya, nepa ndatajika ri kareʼe waʼa nto pokira-kira. Tau seʼe da motumangi pai da maepe pari njairia.”
Currently Selected:
MATIU 24: LAIPMF
Highlight
Share
Compare
Copy
Want to have your highlights saved across all your devices? Sign up or sign in
