MATIU 19
19
Totoraka i Yesu kono pogaʼa
19:1-12
(Mrk. 10:1-12)
1Karoonya mompau i Yesu ewanceʼe, malaimo Sira ungka ri Galilea njoʼu ri tana Yudea anu ri sambote ngkoro Yarade. 2Maria tau anu melulu ri Sira, pai ndapakaʼosa tau seʼe.
3Maʼimo woʼu waʼa nto Parisi da mampebutuka Sira, natoʼo ntau seʼe, “Malulu padika agamata, bara maya tau da mampogaʼaka rongonya, mau bara podo nunjaamo seʼe puʼunya?”
4 #
Pal. 1:27, 5:2 Mesono i Yesu ndatoʼo, “Bara bareʼepa ndibasa, Sira anu mampapewali tolino ri uyu-uyunya tuama pai weʼa? 5#Pal. 2:24 Pai roo setu ndatoʼo, ‘Inceʼe puʼunya tuama da mampalaika inenya pai papanya pai da tuwu sangkani-ngkani pai rongonya, ua ewanceʼe tau radua mewali sambaʼa.’ 6Mewali tau seʼe banyamo radua paikanya sambaʼa-mbaʼamo. Inceʼe puʼunya nunjaa anu roomo ndapasambaʼa-mbaʼa i mPue Ala, bareʼe maya nagaʼati ntolino.”
7 #
Paw. 24:1-4, Mat. 5:31 Meoasi waʼa nto Parisi ri Sira natoʼo, “Ane ewanceʼe nunjaa puʼunya painaka nasongka i Musa tau da mawai sura mpogaʼa ane reʼe tau anu da mampogaʼaka rongonya?”
8Mesono i Yesu ndatoʼoka tau seʼe, “Ua pangkita i Musa kapeni ndayami painaka nawai komi da mampogaʼaka rongomi, paikanya ungka ri tepuʼunya banya ewanceʼe kareʼenya. 9#Mat. 5:32, 1 Kor. 7:10-11 Mewali ndipedongeka anu da Kutoʼo seʼi, tau anu mampogaʼaka rongonya banya ua mosalara pai naporongo woʼu weʼa ntaninya, siʼamo anu mosalara.”
10Natoʼo waʼa anaguru-A ri Sira, “Ane ewanceʼe katedikanakanya tuama pai weʼa moruana neʼemo morongo.”
11Mesono i Yesu ndatoʼo, “Bareʼe pura-pura tau marata ndaya pau-Ku seʼi, podo tau anu ndapakanoto i mPue Ala. 12Reʼe tau anu bayasa, lawi ewanceʼemo ungka ri pampoana, reʼe woʼu tau anu bayasa ua nabayasa ntau ntaninya, pai reʼe woʼu tau anu nabayasa ngkalionya koronya da naka mamporiokoi i Pue Ala. Isema anu marata ndaya da naparata ndayamo.”
I Yesu madonco waʼa ananggodi
19:13-15
(Mrk. 10:13-16, Luk. 18:15-17)
13Jelamo tau mangkeni ananggodi anu kodi-kodipa ri Yesu da naka ndadonco tanoananya pai da ndapampekakaika; paikanya napokarau waʼa anaguru-A tau seʼe. 14Ungka lairia ndatoʼo i Yesu ri waʼa anaguru-A, “Ndipapaliuka waʼa ananggodi setu maʼi ri Yaku! Neʼe ndipetangani tau seʼe, maka waʼa ntau ewanceʼemo anu da mewali tau i mPue Ala.” 15Nepa ndadonco tanoana waʼa ananggodi setu. Roo setu malaimo Sira ungka njairia.
I Ngalitau koreʼe
19:16-30
(Mrk. 10:17-31, Luk. 18:18-30)
16Ri anu sandeme jelamo sambaʼa tuama mompeoasi ri Yesu natoʼo, “Pue, nunjaa powia anu madago da kuwianaka, da naka kurata katuwu anu bareʼe reʼe kapusanya?”
17Mesono i Yesu ndatoʼo, “Makuja nupeoasi ri yaku kono powia anu madago? Podo sambaʼa anu madago. Paikanya ane da rayamu mesua ri katuwu, da nululumo waʼa ncongka i mPue Ala.”
18 #
Pa. 20:13-16, Paw. 5:17-20 Natoʼo ntau setu ri Sira, “Songka anu ambeʼi?” Mesono i Yesu, ndatoʼo, “Neʼe mepepate, neʼe mosalara, neʼe melima, neʼe nusabi mbamba, 19#Pa. 20:12, Paw. 5:16, Tad. 19:18 tubunaka papamu pai inemu pai da nupotowe kasitaumu ewa pampotowemu koromu.”
20Mesono ingalitau setu natoʼo, “Pura-puranya setu kululumo, nunjaa woʼu anu makura ri yaku?”
21Ndatoʼo i Yesu ri siʼa, “Ane da rayamu kojo bareʼemo reʼe kakuranya, palaimo pobalu aga-agamu pura-pura. Olinya tilakamo waʼa ntau kaasi-asi, nepa da nurata aga-aga ri suruga. Roo setu, maʼimo malulu Yaku!”
22Padonge ngalitau setu pompau i Yesu, malaimo siʼa mapari rayanya maka maria aga-aganya.
23Ndatoʼo i Yesu ri anaguru-A, “Monco Kutoʼoka komi mapari tau koreʼe da mewali tau i mPue Ala. 24Pai seʼipa woʼu anu Kutoʼoka komi; saru-sarupa sambaʼa onta mesua ri talinga njaru painaka sambaʼa tau koreʼe mesua ri Lino Dawoʼu i mPue Ala.”
25Padonge waʼa anaguru-A totoraka anu ewanceʼe, jingki raya ntau seʼe, natoʼo, “Ane ewanceʼe isema ntano anu da tesorepaka?”
26Ndapapowawo i Yesu tau seʼe ndatoʼo, “Ane nawa-nawa ntolino inceʼi bareʼe da ndakoto, paikanya ri Pue Ala bereʼe anu bareʼe ndakoto.”
27Nepa natoʼo i mPeturu, “Ndipeolemo, kapalaikamo pura-puranya ua da malulu Komi. Pai nunjaamo anu da karata?”
28 #
Mat. 25:31, Luk. 22:30 Ndatoʼo i Yesu ri tau seʼe, “Monco Kutoʼoka komi ri Lino Dawoʼu, ane motundamo i Ana Manusia ri gadera mpoparentanya anu meawa komi anu malulu Yaku da motunda ri gadera mpoparenta anu sampuyu pai radua da mabotusi huku ri sampuyu pai radua lemba nto Isaraeli. 29Pai isema anu mampalaikamo banuanya, bara kasangkomponya, anu tuama pai anu weʼa, bara papanya pai inenya, bara waʼa ananggodi. Bara pojamaanya ua toʼo-Ku, tau setu da mangarata saatu ngkani karianya. Pai siʼa da mampopanta katuwu anu bareʼe da reʼe kapusanya. 30#Mat. 20:16, Luk. 13:30 Paikanya maria tau anu kaʼisa wawaseʼi da mewali anu kapusanya, pai maria tau anu kapusanya wawaseʼi da mewali anu kaʼisa.”
Currently Selected:
MATIU 19: LAIPMF
Highlight
Share
Compare
Copy
Want to have your highlights saved across all your devices? Sign up or sign in
