MATIU 10
10
Sampuyu pai radua suro i Yesu
10:1-4
(Mrk. 3:13-19, Luk. 6:12-16)
1Ri anu sandeme, ndapeboo i Yesu anaguru-A sampuyu pai radua mompasambaka. Nepa ndawaika tau seĘĽe kuasa da mangarumba waĘĽa inosa majaĘĽa, pai da mampakaĘĽosa mpengaya-ngaya juĘĽa. 2SeĘĽimo toĘĽonya waĘĽa anaguru-A anu sampuyu pai radua setu, inceĘĽemo: kaĘĽisa, i Simo (anu karua ntoĘĽonya i Peturu) pai kasangkomponya i Andaria, nepa i Yakobu pai kasangkomponya i Yohane, tau seĘĽe ana i Ncebedeu. 3Nepa i Pilipu pai i Batolomeu, pai i Toma, pai i Matiu toponduru asele sangkani pai i Yakobu ana i Alipiu pai i Tadeu; 4nepa kapusanya i Simo tau Makoje setu pai i Yudasi to Karioti anu mampobalu i Yesu.
Tetala waĘĽa ncuro
10:5-15
(Mrk. 6:7-13, Luk. 9:1-6)
5Nepa ndapokau i Yesu suro anu sampuyu pai radua setu; ndatotoraka tau seʼe ewaseʼi, “Neʼe kojo boi njoʼu komi ri lemba anu ri sambaliku ntana nto Yahudi. Pai neʼe woʼu njoʼu komi ri waʼa ngkota nto Samaria. 6Paikanya ndikanjoʼumo ri waʼa nto Isaraeli, tetulabasi ri tau seʼe anu lingu. 7#Luk. 10:4-12 Ndipetumbuka tau seʼe, i Pue Ala ganggaramo da moparenta ewa sambaʼa Mokole. 8Ndipakaʼosa waʼa ntau anu majuʼa, tau mate da ndipatuwu; tau anu ketangga ndipakaʼosa, pai waʼa inosa majaʼa da ndiiri napalai. Kuasa seʼi podo Kuwai ngkabongo ri komi, ewanceʼe seʼe da nditulungika tau ntaninya neʼe boi ndiperapi bayarinya. 9Neʼe ndikeni doi wuyawa pai doi salaka sako doi tambaga. 10#1 Kor. 9:14, 1 Tim. 5:18 Neʼe ndikeni watutu mperapi-rapi, neʼe ndikeni rengko mpepasabo ri raya mpelinjami, bara talupa bara toko. Maka tau anu motetala, kamonconya ndapatokaka anu da nakatuwuka.
11Ane jela komi ri kota bara ri lipu, ndipepalimo tau anu mabuya rayanya da mampolinggona komi. Ane ndiratamo, njairiamo da kareʼemi neʼe melimba-limba rantani malai komi. 12Ane mesua komi ri banua ntau, da nditoʼo, “Mbolimo i Pue da sangkani-ngkani pai komi.” 13Ane nasabe mpodago ntaliwanua komi, da rodomo njairia popadonco mpetabeami, pai ane bareʼe nasabe komi, da mewalili muni ri komi popadonco mpetabeami setu. 14#Pwn. 13:51 Ane reʼe banua bara kota anu bareʼe mampokono mantarima komi, bara bareʼe napokono mampedongeka komi, ndipalaika banua bara kota setu, nditanongkosi awu anu metaka ri payaʼami. 15#Mat. 11:24, Pal. 19:24-28 Da ndipaincani! Ri Eo Kiama, moruanapa da ndapampokapuru i mPue Ala waʼa ntau bangani ngkota Sodomo pai Gumora, painaka waʼa ntau ri kota setu!”
Pejeani anu da ndapomberataka
10:16-25
(Mrk. 13:9-13, Luk. 21:12-17)
16 #
Luk. 10:3
“Da ndipaincani: Komi seʼi kupokau ewa bimba njoʼu ri oyo ncarigala, inceʼe puʼunya painaka komi da moncoro-ncoro ewa ule pai da maruna-runa ewa tonci tokuku. 17#Mrk. 13:9-11, Luk. 12:11-12, 21:12-15 Paikanya da ndisoro-soro maka da reʼe tau anu da mancoko komi nepa da napepombaika ri waʼa majalisi. Komi da ndajeani ri waʼa banua mpekakai. 18Komi da ndakeni ri suara waʼa ntau anu makuasa pai waʼa mokole, ua kakominya anaguru-Ku. Pai njairiamo tempo anu madago ndipangasabi Yaku ri waʼa ntau anu bareʼe maincani Pue Ala. 19Paikanya ane nakeni ntau komi da ndabotusi, neʼe ndipoʼipu ndaya kono nunjaa anu da nditoʼo, ewambeʼi da pesonomi, maka ri tempo setu i Pue anu da mampapaincanika komi nunjaa anu da nditoʼo. 20Maka banya komi anu da mompau ri tempo setu, paikanya Inosa mPapa ri suruga mampoliu komi.
21 #
Mrk. 13:12, Luk. 21:16 Da tepewali, tau da mampepombaika kasangkomponya ngkalionya da ndapepate. InceĘĽe seĘĽe da tepewali ri oyo mpapa pai ananya. WaĘĽa ana da maewa ine papanya, pai mampepombaika tau seĘĽe ndapepate. 22Pai komi da napobanciika ntau pura-pura ua kakominya anaguru-Ku, paikanya tau anu todo rantani rata ri kapusanya inceĘĽe da tesorepaka. 23Ane najeani ntau komi ri kota sambaĘĽa, ndipoloncomo njoĘĽu ri kota anu tondanya. Monco KutoĘĽoka komi ri kabareĘĽepanya silele ndililiwungi waĘĽa ngkota nto Isaraeli, da jelamo i Ana Manusia.
24 #
Luk. 6:40, Yoh. 13:16, 15:20 Anaguru bareʼe da meruu ungka ri gurunya, bara anamayunu bareʼe da meruu ungka ri puenya. 25#Mat. 9:34, 12:24, Mrk. 3:22, Luk. 11:15 Madagomo ane anagurunya siwia pai gurunya, pai anamayununya siwia pai puenya. Ane sako tadulako ncombori natoʼo ntau seʼe i Belesebu, pagonya jamo waʼa bangani ncomborinya. Tau seʼe da maʼai ngkajaʼa woʼu da napampapotoʼo!”
Ndipokaekamo i Pue Ala
10:26-31
(Luk. 12:2-7)
26 #
Mrk. 4:22, Luk. 8:17 “Neʼemo ndipokaeka tolino. Maka bareʼe da reʼe anu tesambuni anu bareʼe da ndapatongawa, pai bareʼe da reʼe anu ndasambunika anu bareʼe da ndapapamara. 27Nunjaa anu Kutoʼoka komi ri raya mbani, sangaya-ngaya da ndiwali ntoʼo ri katongawanya ntongo ndeme. Pai nunjaa anu Kujawaka komi ri talingami, da ndibaanakamo ri waʼa ntau pura-pura. 28Neʼemo ndipokaeka tau anu mangkoto mampepate koro, paikanya bareʼe nakoto mampepate tanoana. Ndipokaekamo i Pue Ala anu mangkoto magero koro sangkani pai tanoana ri naraka. 29Radua tonci dena ndaleʼo maoli pai doi anu maʼai kakodinya. Paikanya mau ewanceʼe, sako sambaʼa bareʼe da manawu ri tana ane banya pepokono mPapami. 30Wuyua ri woʼomi ndaincani imbanya pura-pura. 31Inceʼe painaka neʼe ipu rayami! Komi meruu kabangke olinya pai naka waʼa dena!”
MaĘĽaku i Yesu ri suara ngkasitau
10:32-33
(Luk. 12:8-9)
32“Bara isema anu mangaʼaku Yaku ri suara ngkasitaunya kasiʼanya anaguru-Ku, Yaku woʼu da mangaʼaku siʼa ri suara mPapa-Ku ri suruga. 33#2 Tim. 2:12 Paikanya bara isema anu mampesapuka Yaku ri suara ngkasitaunya kasiʼanya anaguru-Ku, Yaku seʼe woʼu da mampesapuka siʼa ri suara mPapa-Ku ri suruga.”
Banya kasimadago paikanya pombeewa
10:34-39
(Luk. 12:51-53, 14:26-27)
34“Neʼe ndisarumaka Yaku rata mangkeni pombekadago ri lino seʼi, karata-Ku banya mangkeni kasimadago, paikanya pombeewa. 35#Mi. 7:6 Kamaʼi-Ku da mewali puʼu mposisala ana tuama pai papanya, ana anu weʼa pai inenya pai tau samania da mosisala. 36Mewali, tau anu da mewali iwalimi inceʼemo tau anu kasababanuami.
37Bara isema anu mampotowe papanya pai inenya meruu pai pampotowenya Yaku, tau setu bareʼe sintinaja da mewali anaguru-Ku; ewanceʼe seʼe tau anu mampotowe ananya tuama pai weʼa meruu pai pampotowenya Yaku bareʼe sintinaja da malulu Yaku. 38#Mat. 16:24, Mrk. 8:34, Luk. 9:23 Pai bara isema anu bareʼe napokono mampasaʼa kaju ndapanggonya pai malulu Yaku, tau setu bareʼe sintinaja da mewali anaguru-Ku. 39#Mat. 16:25, Mrk. 8:35, Luk. 9:24, 17:33, Yoh. 12:25 Bara isema anu mampepurungi inosanya, siʼa da paya ngkabongo inosanya, paikanya bara isema anu bareʼe mampepurungi inosanya ua mamponcuruka Yaku siʼa da ndasorepaka.”
Sili mpowia anu madago
10:40-42
(Mrk. 9:41)
40 #
Mrk. 9:37, Luk. 9:48, 10:16, Yoh. 13:20 “Bara isema anu mangkoho komi, kamonconya mangkoho Yaku, anu mangkoho Yaku kamonconya mangkoho Sira anu mampokau Yaku. 41Bara isema anu mangkoho nabi, ua kasiʼanya sambaʼa nabi, siʼa da marata silinya ewa sambaʼa nabi. Pai bara isema anu mangkoho sambaʼa tau anu mayoa rayanya ua kasiʼanya tau anu mayoa rayanya, siʼa da marata silinya ewa sambaʼa tau anu mayoa. 42Pai bara isema anu mawaika tau anu kodi katuwunya seʼi, mau japodo ue mencii sambaʼa ncangkiri ri sindara ngkamaranganganya ua siʼa anaguru-Ku, monco Kutoʼoka komi sangaya-ngaya bareʼe da ndakalingani mawaika sili mpowianya.”
Currently Selected:
MATIU 10: LAIPMF
Highlight
Share
Compare
Copy
Want to have your highlights saved across all your devices? Sign up or sign in
