MALEAKI 4
4
Eo i mPue darata
4:1-6
1Ndatoʼo i mPue Anu Makuasa, “Da rata eonya pura-pura anu mobangke-bangke pai majaʼa da ndapanowa ewa deami. Ri eo setu seʼe da ndapanowa rantani pura, bereʼe mau sambaʼa tau yabinya. 2Paikanya ri komi anu mepoʼinaya ri Yaku, da mebete kuasanya anu mancorepaka ewa eo, pai raranya mangkeni kaʼosa. Komi da lapa pai mawongko rayami da ewa ana japi anu nepa mesuwu ungka ri raya bonco. 3Ri eo setu Yaku da monggale, pai komi da manganangi waʼa ntau majaʼa, painaka tau seʼe ewa awu anu ndaija-ijaki.
4Da ndiendomo waʼa pompaguru mbatua-Ku i Musa, endomo waʼa mpadika pai waʼa ncongka anu Kuwaika komi ri Buyu Sinai anu da nalulu nto Isaraeli pura-pura.
5 #
Mat. 11:14, 17:10-13, Mrk. 9:11-13, Luk. 1:17, Yoh. 1:21 Paikanya ri kabareʼepanya rata eo anu ndapokaeka pai ndapakanoto setu, da Kupokau ri komi i Nabi Elia. 6Siʼa da mampapewali waʼa mpapa pai waʼa ana mampasambaʼa-mbaʼa raya, da naka Yaku bareʼe rata mangagero tanamu.”
Currently Selected:
MALEAKI 4: LAIPMF
Highlight
Share
Compare
Copy
Want to have your highlights saved across all your devices? Sign up or sign in
