LUKASI 1

Pontepuʼu ncura

1:1-4

1Teopilu anu pande mporaya,

Mariamo tau anu maʼuki pai madedewaka kono nunjaa anu mewalimo ri oyota. 2Tau seʼe maʼuki malulu totoraka waʼa ntau ri kita tau seʼe anu mangkita mata pewalinya pura-pura setu ungka ri pontepuʼunya, pai tau seʼe woʼu anu mampobambarika bambari setu. 3Roomo kuparesa ri gori ngkatimamanya pura-pura setu, ungka ri tepuʼunya, inceʼe painaka kuepe madago ane kuʼukika komi ewambeʼi podedenya. 4Incetu kupowia da naka yonto paincanimi anu roo ndapaguruka komi manoto monco kojo.

Pompetumbu malaʼeka kono da pampoana i Yohane Topopariu

1:5-25

5 # 1 Taw. 24:10 Sindara i Herode mewali Mokole ri tana Yudea, reʼe sambaʼa tadumpanyomba i Sakaria toʼonya, siʼa sambaʼa muli i Abia. Rongonya i Elisabe toʼonya, siʼa seʼe woʼu muli ntadu mpanyomba. 6Tau samboko setu mepoʼinaya ri Pue Ala pai timama kojo pelulunya ri songka i mPue ri raya ngkatuwunya. 7Paikanya tau seʼe bereʼe ananya i Elisabe tamana matuʼamo raduamo seʼe.

8Ri anu sandeme, tempo to Abia kono gilira, i Sakaria mawianaka tetala ntadu mpanyomba ri suara mPue Ala. 9Ua pampakanoto dadu anu biasa nawia naka waʼa ntadu mpanyomba, i Sakaria ndatuju da mesua ri Banua i mPue pai mantunju dupa. 10Sindara mpawianaka upacara mpantunju dupa waʼa ntau sondo njau mopea pai mekakai ri sambalikunya. 11Sindara setu mepatongawamo ri siʼa sambaʼa malaʼeka i mPue Ala, mekakore ri tondo kana lampaʼani pantunju dupa. 12Lingu raya i Sakaria mangkita malaʼeka setu, maeka rayanya. 13Paikanya mompau malaʼeka setu natoʼo, “Neʼe maeka siko Sakaria! Maka ndapedongekamo i mPue Ala pekakaimu. Rongomu i Elisabe da mampoana sambaʼa ana tuama pai da nupapotoʼoka i Yohane. 14Da maʼai kawongko ndayamu pai da maria woʼu tau anu da mawongko rayanya ane ndapoanamo ananggodi setu! 15#Pai. 6:3 Siʼa da mewali tau bangke ri pangkita mPue Ala, bareʼe da nainu anggoro pai panginu anu mampakayangu. Ungka pampoana siʼa da naponinika Inosa mPue Ala. 16Maria to Isaraeli anu da nakeni muni ri Pue Ala Puenya. 17#Mal. 4:5-6 Siʼa da mewali Suro i mPue Ala anu maroso pai makuasa ewa i Elia. Siʼa da mampasimadago papa pai ana, pai tau anu bareʼe tumoro da naponinika muni ri jaya anu monco. Ua ka ewanceʼenya siʼa da mampatoka waʼa ntau anu mepoʼinaya ri Pue.”

18Meoasi i Sakaria ri malaʼeka setu natoʼo, “Ewambeʼi da kupaincani pewalinya pura-pura setu? Yaku matuʼamo pai rongoku woʼu matuʼamo?”

19 # Dan. 8:16, 9:21 Mesono malaʼeka setu natoʼo, “Yaku seʼi i Jabaraeli, yaku mamporiokoi i Pue Ala, pai Sira anu mampokau yaku da mampetumbuka siko bambari anu madago seʼi. 20Nunjaa anu kutoʼo seʼi, da mewali ane jelamo temponya. Paikanya ua bareʼe nuaya, montepuʼu seʼi-seʼi siko da bobo rantani rata ri tempo da pewalinya anu kutoʼo seʼi.”

21Sindara setu, waʼa ntau mampopea mpaliu i Sakaria. Napojingki ntau seʼe masae gaga siʼa ri raya Banua i mPue. 22Ri tempo mpesuwunya bareʼemo sowa mompau ri tau seʼe. Siʼa jamo mobasa ri pale pai bobomo. Ungka lairia naincanimo waʼa ntau sondo, ka-siʼanya mangkitamo sangaya pepatongawa ri raya Banua i mPue.

23Pusamo eo da mpotetalanya ri Banua i mPue mewalilimo siʼa ri banuanya. 24Bareʼe masae ungka lairia maneemo koro ndongonya i Elisabe, mesambunimo siʼa ri banuanya alima mbuya kasaenya. 25Maka natoʼo, “Kapusanya ndatulungi i mPue yaku pai, ndapalisimo ea mataku.”

Pompetumbu malaʼeka kono pampoana i Yesu

1:26-38

26Aono mbuyamo kanee ngkoro i Elisabe, ndapokau woʼu i mPue Ala malaʼeka Jabaraeli njoʼu ri lipu Nasare sambaʼa kota ri daera Galilea. 27#Mat. 1:18 I Jabaraeli ndapokau njoʼu ri anaweʼa sambaʼa i Maria toʼonya. Anaweʼa setu motengeamo pai tuama sambaʼa i Yusu toʼonya, muli i Mokole Daudi. 28Kajela malaʼeka ri Maria natoʼo, “Tabea, siko anu ndadonco i mPue Ala anu bereʼe kasiwianya! I Pue sangkani-ngkani pai siko!”

29Tesaluntengku i Maria madonge pau malaʼeka setu, painaka napepewoloka nunjaa posokinya petabea setu. 30Mompau malaʼeka setu ri siʼa natoʼo, “Neʼe maeka Maria, maka siko marata puru ndaya mPue Ala. 31#Mat. 1:21 Peole siko da manee koromu, ana tuama anu da nupoana pai da nupapotoʼoka i Yesu. 32#2 Sem. 7:12, 13, 16, Yes. 9:7 Siʼa da bangke pai da ndatoʼo Ana mPue Ala Anu Ndate ri Peawanya. I Pue Ala da mampapewali siʼa mokole ewa ngkainya i Mokole Daudi. 33Pai siʼa da moparenta ewa mokole ri muli i Yako rantani masae-sae. Poparentanya bareʼe da reʼe kapusanya.”

34Natoʼo i Maria ri malaʼeka setu, “Ewambeʼi da pewalinya maka yaku seʼi ntongo anaweʼapa?”

35Mesono malaʼeka setu natoʼo, “Inosa mPue Ala da tudu ri siko, pai kuasa i mPue Ala da maleruni siko. Inceʼe puʼunya ananggodi anu da nupoana setu ndatoʼo Magali, Ana mPue Ala. 36Peole, potumu i Elisabe, aono mbuyamo kanee koronya seʼi tuʼamo, i wungkaeo siʼa natoʼo ntau tanama. 37#Pal. 18:14 Maka ri Pue Ala bereʼe anu bareʼe da mewali.”

38Natoʼo i Maria, “Yaku seʼi watua i mPue: mbolimo da napewalimo ri yaku ewa anu nditoʼo.” Roo setu napalaikamo malaʼeka i Maria.

I Maria mampesidoeki i Elisabe

1:39-45

39Bareʼe masae ungka njairia malaimo i Maria ndeku ri kota sambaʼa ri Yudea ri daera buyu mongkodo. 40Njoʼu siʼa ri banua i Ncakaria, pesuanya ri banua setu metabea siʼa ri Elisabe. 41Butu nadonge i Elisabe petabea i Maria, molengkomo ananggodi anu ri raya komponya, pai siʼa nakuasai Inosa mPue Ala. 42Nepa meboo natoʼo, “Sikomo tau anu maʼai ndapadonco i mPue Ala ri oyo waʼa mbeʼa! Ndadoncomo ananggodi anu da nupoana setu! 43Ara isema pindongo yaku seʼi painaka maʼi Ine mPueku ri yaku? 44Peole, jabutu kudonge oni ngangamu mantabea yaku, molengkomo ananggodi anu ri raya ngkompoku nakeni ngkawongko ndayanya. 45Morasimo siko maka nuaya anu ndatoʼo i mPue Ala ri siko, sangaya-ngaya da mewali!”

Peunde i Maria ri Pue Ala

1:46-56

46 # 1 Sem. 2:1-10 Natoʼo i Maria,

“Rayaku mabangkei i Pue,

47pai napokawongko ntanoanaku,

maka i Pue Ala Toponcorepakaku.

48 # 1 Sem. 1:11 Ndapetiromo i mPue, kakapuru rayaku maka montepuʼu seʼi-seʼi

pura-pura lemba da mantoʼo yaku tau marata dago.

49Maka i Pue Ala Makuasa

mampowiamo anu meawa ri yaku,

Magalimo toʼo-A.

50Tuwu salapi-tuwu salapi,

ndapokapuru i mPue

tau anu mampokaeka Sira.

51Pai pale-A anu makuasa,

Sira mawuraga tau mekiunde

pai maguretosi tangara ndaya ntau seʼe.

52 # Ayu. 5:11, 12:19 Waʼa datu ndapapenaʼu ungka ri gadera mpoparentanya,

tau anu kapururaya katuwunya ndatanderaka.

53Tau anu maoro ndawaika anu gana-gana,

tau anu koreʼe ndairi napalai soe-soe pale.

54Sira mampelae waʼa ntau-A to Isaraeli

malulu pojanji-A anu ndapareʼe

pai waʼa ntau piamota.

55 # Pal. 17:7 I Pue bareʼe mangkalingani janji-A

Sira pande mporaya ri Burahima,

pai waʼa mulinya rantani masae-sae.”

56Mosu tatogo mbuya kasaenya i Maria maroo-roo pai i Elisabe, nepa mewalili siʼa ri banuanya.

Pampoana i Yohane Topopariu

1:57-66

57Jelamo ri tempo da poana i Elisabe, napoanamo kojo sambaʼa ana tuama. 58Butu tedonge ri waʼa ntau samposori banuanya pai waʼa njaʼinya kapande ndaya mPue Ala ri Elisabe, tau seʼe woʼu mamposipokawongko.

59 # Tad. 12:3 Kagananya uayu ndeme tinuwu ongaa setu, jelamo waʼa ntau setu da masuna siʼa. Pampokono ntau seʼe ongaa setu da ndapapotoʼoka i Sakaria malulu toʼo mpapanya. 60Paikanya mompau inenya natoʼo, “Banya inceʼe! Siʼa sangaya-ngaya da ndapapotoʼoka i Yohane.”

61Natoʼo ntau seʼe ri siʼa, “Ri waʼa njaʼimu bereʼe anu ewanceʼe toʼonya.” 62Napobasaka ri pale, napeoasi ntau seʼe ri Sakaria bara isema da ndapapotoʼoka ananya.

63Naperapi i Ncakaria watu mpoʼuki, naʼuki, “Yohane toʼonya.” Jingki raya ntau seʼe pura-pura. 64Ri tempo setu seʼe sowamo muni mompau i Sakaria, naunde i Pue Ala. 65Maekamo raya waʼa ntau anu ri samposori banuanya, painaka bambari setu tolelemo ri sambawo buyu mongkodo ntana Yudea. 66Pura-pura tau anu madonge bambari setu mompeoasi ri rayanya natoʼo, “Nunjaa da pewalinya ananggodi setu raneonya?” Maka i Pue mangkariani siʼa.

Peunde i Ncakaria ri Pue Ala

1:67-80

67Papa ananggodi setu i Sakaria napesuamo Inosa Magali painaka mampasowamo nuntu i mPue natoʼo,

68“Maʼimo kita maunde i Pue,

Pue Ala nto Isaraeli!

Sira ratamo mampelae waʼa ntau-A,

pai malapasaka tau seʼe.

69Ndawaimo ri kita toponcorepaka anu maroso,

muli mbatua-A i Daudi.

70Ungka ipiamo mampoliu nguju waʼa nabi-A anu ndapilisi,

I Pue mawai janji-A

71da malapasaka kita ungka ri pale iwalita,

pai ungka ri pale waʼa ntau anu mampobanciika kita.

72Mampatongawa kapurundaya-A ri tau piamota,

janji-A anu magali setu sangaya-ngaya da ndabangani.

73-74Mojanji mampake sumpa ri ngkaita i Burahima,

pai mojanji da malapasaka kita ungka ri pale iwali,

da naka kita mamporiokoi Sira ri kabareʼenya maeka.

75Bareʼe bali-bali manyomba ri Sira,

mampakawongko raya-A,

sangkarate ngkatuwuta.

76 # Mal. 3:1 Pai siko ee anaku da ndatoʼo nabi

i mPue Ala Anu Ndate ri Peawanya.

Siko ndapokau mampesindiuka i Pue,

da mampatokaka Sira jaya-A,

77da mampobambarika ri waʼa ntau-A

katauseʼenya da ndasorepaka,

ane bareʼemo ndakitanaka i mPue Ala waʼa ncalaa ntau seʼe.

78I Pue buke puru pai towe ndaya

kajela-A ua mancorepaka kita.

Daʼewa reme

mebete mpowuro.

79 # Yes. 9:2 Da marara pura-pura anu tuwu ri raya mbani pai ri kaeka ndaya.

Sira da mamponinika kita ri jaya

anu da njoʼu ri karodo ndaya.”

80Kakobangke-bangke ana i Ncakaria setu, pai kakomaroso-roso rayanya. Siʼa maroo-roo ri pada bone, rantani jelamo ri temponya siʼa da mepapamara ri waʼa nto Isaraeli.

Currently Selected:

LUKASI 1: LAIPMF

Highlight

Copy