YONA 3
3
I Yona mepoʼinaya ri Pue
3:1-10
1Karadua ngkaninya i Pue mompau ri Yona. 2Ndatoʼo, “Palaimo njoʼu ri Niniwe, kota anu bangke setu, pai paratamo ri waʼa ntau banganinya, nuntu anu kutoʼoka siko.” 3Nalulu i Yona songka i mPue, njoʼu siʼa ri Niniwe, sambaʼa kota anu bangke kojo, tatogo ndeme kasaenya da napaleleangi raya ngkota setu 4#Mat. 12:41, Luk. 11:32 Nasuaki i Yona kota setu, pai ri kagananya sandeme pelinjanya, natepuʼumo mantuntu natoʼo, “Jamo aopo mpuyu ndeme, Niniwe seʼi da magero!”
5Naaya waʼa ntau ri Niniwe nuntu i mPue setu. Nabotusi ntau seʼe pura-pura da mopuasa, pai pura-pura tau kodi bangke, da mamporengko karu mampatongawa tau seʼe mamponcosoi waʼa ncalaanya.
6Butu nadonge i mokole Niniwe bambari setu, ganggara penaʼunya ungka gadera mpoparentanya. Naosu juba ngkamokolenya, naporengko karu, nepa motunda siʼa ri awu. 7Siʼa woʼu mempapesuwu songka anu ewaseʼi, “Songka seʼi ungka ri Niniwe botusi ungka ri datu pai mantarii: Pura-pura tau, japi, bimba pai waʼa mpinatuwu ntaninya bareʼe maya mangkoni bara manginu. 8Tolino pai pinatuwu sangaya-ngaya da mampake karu. Mewali tanda poncosoi pura-pura tau sangaya-ngaya da mekakai ri gori ngkamonconya ri Pue Ala. Tau seʼe sangaya-ngaya da mabalisaka engkonya anu majaʼa pai powianya anu masalaa. 9Tuarapa i Pue Ala mabalisaka tangaraa pai bareʼemo marau rayaa da naka bareʼe magero kita!”
10I Pue Ala mangkita powia ntau seʼe; ndakita tau seʼe mantajimo engko ntau seʼe anu majaʼa. Inceʼe painaka ndabalisaka botusi bareʼe mewali ndahuku tau seʼe.
Currently Selected:
YONA 3: LAIPMF
Highlight
Share
Compare
Copy
Want to have your highlights saved across all your devices? Sign up or sign in
