YONA 2
2
Pekakai i Yona
2:1-10
1Ri raya ngkompo bau setu i Yona mekakai ri Pue Ala puenya, natoʼo,
2“Boo Pue,
ri raya ngkapariku yaku meboo ri Komi
ua Komi da mampedongeka pebooku.
Ungka ri lino ntau mate yaku merapi petulungi,
perapiku ndidonge pai ndisabeka.
3Ri kareʼe anu kayombunya dipantajika yaku,
tudu ri oru ntasi
njairia rumuku ue mantolilimi yaku,
ropo pai balumba ndopo marampesaka yaku.
4Kutoʼo ri rayaku:
I Pue marumbamo yaku seʼi ungka ri suara-A.
Bareʼemo da kuleʼo mangkita
banua ngkareʼe-A anu magali.
5Ue ntasi mempone sawi ri wiwiku
tasi bangke mantampulaka koroku,
ewo ntasi mawesi woʼoku.
6-7Yaku mosompo tudu ri oru buyu mongkodo,
ri lino anu baa-baanya tedampo rantani pusa lino.
Jamo kambui-mbui inosaku,
nepa kono kuendo meboo ri Komi,
Inceʼe painaka towotemo pekakaiku ri Komi,
ri raya banuami anu magali.
Nepa ndisorepaka yaku ungka ri oru ntasi,
boo Pue Ala pueku!
8Waʼa ntau anu manyomba ri lamoa anu bereʼe yowenya,
mampalaika komi pai bareʼemo todo.
9Paikanya yaku da mampongayuka waʼa mpeunde ri Komi
pai kupanyombaka panyomba ri Komi.
Pura-pura janjiku da kubangani.
Komimo Pue anu mancorepaka.”
10Ungka lairia, ua songka i mPue, bau bangke setu malua i Yona ri karatana.
Currently Selected:
YONA 2: LAIPMF
Highlight
Share
Compare
Copy
Want to have your highlights saved across all your devices? Sign up or sign in
