HABAKU 3
3
Pekakai i Habaku
3:1-19
1EwaseĘĽi pekakai i Nabi Habaku:
2Boo Pue Kudonge bambari mpowia-Mi,
painaka kuepe madonde rayaku.
Tuarapa powiami anu bangke setu da Ndiwali ntuju woĘĽu
pai da ndipowia woĘĽu ri sindara kami seĘĽi.
Mbolimo Ndipokapuru kami
mau rapanya mapane raya-Mi.
3Komi Pue Ala Anu Magali rata ungka ri Temani,
Komi rata ungka ri buyu mongkodo Parani.
Yangi nakulamuti mpeawami;
lino buke pai peunde tila-Mi.
4Komi rata pai rara anu mengkido-ngkido,
ungka ri dodo mpale-Mi mesuwu sindi anu makilaya,
njairia kareĘĽe ndipasambanika kuasa-Mi.
5Ndipokau juĘĽa melinja ri suara-Mi
pai kapate melulu ri taliku-Mi.
6Ane meĘĽonto komi mondende lino,
ane meole komi waĘĽa banca guaga.
WaĘĽa buyu anu lawi njaumo mabira;
waĘĽa pongku ntana anu rodo-rodo metaunaka,
ri waĘĽa mpongkuntana setumo pelinja-Mi ungka ipiamo.
7Kukita waĘĽa mpalili Kusani naperata eka,
pai to Mijea kandende-ndene.
8Boo Pue, bara ua katasinya painaka mapane raya-Mi?
Bara waĘĽa ngkoro ue anu mampakarau raya-Mi?
Ndipelamba limu ewa nyara pai kareta mpoĘĽiwali,
ri tempo mpawaimi penangi ri waĘĽa ntau-Mi.
9Ndipatikalimo gorosi mpana,
mata mpanami jamo da ndalapa.
Nepa lino ndibira mewali waĘĽa ngkoro ue.
10Mangkita Komi monjua waĘĽa buyu
ungka ri yangi tudu uja ewa ndabubu.
Ue ri ara ntana mogundu oninya,
roponya mobalumba pai moleke.
11Kampiri-mpiri poyokomata mpanami,
tawalami makilaya kampiri-mpiri,
painaka teĘĽontomo reme pai wuya ri kareĘĽenya.
12Ri kapane ndaya dilinjaki lino;
Ndilanda waĘĽa banca ua kapane ndaya-Mi.
13Komi ndeku ri suara da mangalapasaka waĘĽa ntau-Mi
pai da mangancorepaka mokole anu ndipilisi.
Ndiwombo madungka topombawanaka ntau baleparu,
ndisaewe pura waĘĽa ntaunya.
14WaĘĽa mata mpana-Mi mayosu tadulako ncurodado iwali,
sindara ngkarata ncurodadonya ewa lompiu,
da naka tewuraga kami.
Mogele mawongko raya ntau seĘĽe,
ewa tau anu ri ponjii-njii
mamparini tau anu makura katuwunya.
15Pai nyara-Mi ndilandasi daga
pai tasi bangke anu mowura-wura.
16Madonge incetu tengiri rayaku
kandende-ndende witiku.
Malente wukuku bareĘĽemo reĘĽe rosoku,
ri mbeĘĽi ntano da kanjoĘĽuku torarambe witiku.
Ri karodo ndaya da kupopea
popahuku mPue Ala ri waĘĽa ntau anu mopaungku.
17Mau rapanya puĘĽu ara bereĘĽe wuanya
pai puĘĽu anggoro bereĘĽe anggoronya,
mau ntano saitu bereĘĽe anu ndapota
pai wua gandu ri jamaa mampaka teloo raya,
mau waĘĽa bimba mate pura-pura
pai bonco mpinatuwu soa-soa,
18bareĘĽe da bali kawongkondayaku,
maka Komi Pue Ala toponcorepakaku.
19 #
2 Sem. 22:34, Pol. 18:33 Komi mawaika yaku roso,
ewa witi lagiwa, witiku ndapakaroso.
Komi anu mamponinika yaku naka uono
sindara mpelinja ri buyu mongkodo.
Currently Selected:
HABAKU 3: LAIPMF
Highlight
Share
Compare
Copy
Want to have your highlights saved across all your devices? Sign up or sign in
