Zep. 1
1
1 #
2Rim. 22:1–23:30; 2Taw. 34:1–35:27 Si Zepanya iate togat Kusyi. Tiboitubunia barania ka simaepe' iei ka simabuak iate Kusyi, Gedalya, Amazia samba Rimata Hizkia. Nene le sikuat Tuhan kamatat Zepanya kateteret Rimata Josia togat Amon masiparenta tai Jehuda.
Gogoi Pasiukuman Tuhan
2Kuanangan si Tuhan, “Kususubuake' le geti sangamberi sibabara ka polak, 3sangamberi sirimanua samba leiti', samba leu uma samba iba, kumamatei ake leu sirimanua sikatai. Sangamberi sirimanua kumateiake beri sia sara mulegei murimanua. Kise te ngangan Tuhan.
4Kuukum ake tai Jerusalem samba sangalio Jehuda. Sipulelegei katukelat masipanindogi sabulungan Baal kutataake kakudduat nenda. Imam-imam sipasikeli sabulungan Baal bulat tairepdeprangan sia sirimanua. 5Kusappruake le kasei pa situsasakai ka teitei lalep sipanindogi sulu, laggo samba panyanyat. Kutataake leu sia sipanindogi Aku samba sipususuppa sim ariuriu katubukku, tapoi musuppa leunia ka onin bulungan Milkon. 6Kusubuake le sia sitaiooi katubukku ele masitiddou pasopoatKu samba sikaddiuake Aku samba taan araoba masitut Aku.” 7Amalegerengan gogoi Tuhan. Kagogoi nenda Taikamanua masiukum geti simasele. Lulut nenda putangoan kam kamataNia. Amatarekngan te' si Tuhan masipamatei paamianNia kele buluakenen pusurakat samba aisogaian sisaggangi tai Jehuda kagogoi pasijajakat nenda. 8Kuanangan si Tuhan, “Kuukum le siabeu tiboi tubu, sia tatogat Rimata samba sangamberi sirimanua situt katukelat puririmanuanda siooiake.” 9Kuukum le sangamberi sirimanua sipususuru kele sirimanua sitaiagai Aku, samba sirimanua sipananangkou sioba pamatei bule rasut ake lalep tuandra bibilet siraurau. 10Aikua si Tuhan, “Kagogoi nenda kise' aikua si Tuhan, maarepnangan pusosou Kagugurukat Iba. Kalaggai sibau maarep geri, samba nau karaganan simakope' ailounangan leu patinambu-tinambu. 11Pureureu kam baga samba mugeri bagei ke' nuarep kam nenda, kam sikuuduiji laggai ka su'su', aipoi sangamberi sirimanua sipasisasakiake' samba sipasibabaleake' bulagat amateian sia!
12Kateteret nenda, “Kuala te tutugan samba pulelekkungan laggai Jerusalem. Kuukum le' geti sia sipulaggai sitaimaletcei samba sisegeake' puririmanua ka siobat bagania, samba sipaatu aipoi Aku Tuhan ta'anai akugalai kele' kisene ele kisedda. 13Pukaioatdra turaurau samba lalepdra leu tupakatai. Ragagalai lalep tapoi tak rakukudduiji. Rabesiake' leu ragalai monen anggur, tapoi tak ralo anggurnia.”
14Amalegrengan gogoi pasiukuman Tuhan, bulania amalegrengan, itcoat babaranga le simaruei. Kagogoi nenda sarat besit patuat, bailiu tai saladdu simagege leu muaile' kalulut belet bagadda! 15Gogoi nenda, gogoi pugolukat te, puokkiman samba gejat baga, gogoi katuraganan samba katukataikat, gogoi pugepgeman samba sikatai, gogoi simagepgep samba simatinobut, 16kasanganantat gogoi nenda maarep ngangan pipiau samba katsiddra sipasasaggak sisaggangi laggai sibara kekre bukku samba sibara kudduat pujagoat simabuak.
17Kuanangan si Tuhan, “Kubabaraake' te geti maigi gejat baga kasangamberi sirimaua ka polak, bule' ibailiu patuptupakenendra kele' sirimanua simapeset. Aipoi amajongan sia ka tubukKu. Kineneiget mapilinangan geti logaura kele' oinan, samba mabute'nangan akkula'ra ka uddut polak.”
18Kagogoi pulotokat nenda ipatoila goluNia si Tuhan, iageti sangamberi mas samba perakdra tamomoi irimanuaake' sia. Sangalioat polak katai ilabonia oloi golut Tuhan. Sinulut alanangan geti si Tuhan engan sirimanua ka palak nene.
Currently Selected:
Zep. 1: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
