Mik. 3

Si Mikha masisaggangi sautet Israel

1Arepmake kam, ale sipuute' ka Israel! Siripokatnia nuaagai kam aponia simaroipo, 2tapoi malaga le bagamui ka simaeru samba muangka baga le kam ka sikatai. Pabiritmuian kulitdra sa paamianKu samba akkula ka tolatdra. 3Sappruakemuaian paamianKu kulitdra pabiritmuiannia samba pakataimuian tolatdra. Pagutgutimuian sia, kele nugutgut kam akkula itukau ka koali. 4Ai leu teterenia nupugereikam masitiddou paroman kai Tuhan, tapoi ta aialegi kam. Taan iarepi panindogatmui, kalulut anugalaian kam sikatai.

5Arapajongan sapaamianku tai nabi, sia siagai sipuaaili simeru katubutdra sipasikakau bulagat, masisaggangi samba masipaepe sirimanua sitaipasikakau. Kise te aipanibo si Tuhan katubutdra tai nabi, 6“Kam tai nabi, teterem amalegerengan; bebele'an le sulu. Taan babara katubum pasiitco simakolou siisiakenenKu. Taan momoi nupasitoggaiji apa pa.” 7Sirimanua siagai sipuaaili ka gogoi sibabara bara ailatdra kalulut ta' amuaili kele sikuatda. Maailadrangan sangamberidda, kalulut taaialegi sia Taikamanua.

8Tapoi pagalaiat putubuatku nene, aiuruake'an ketsat samba gegeNia si Tuhan. Katubukku iake' puaagai pagalaiat katuroipoat samba leu et gege masipoiliat jo katubutdra tai Israel. 9Arepake' kam tiboietku nene, ale kam sautet Israel sipulagaki baga simaroipo samba sipasiaake katuroipoat. 10Paerunungan Jerusalem, laggai Taikamanua siripokat pamamatei samba taimaroipo. 11Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

12 # Jer. 26:18 Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Currently Selected:

Mik. 3: MWV

Highlight

Copy

Compare