Mat. 4
4
Katusiboat Jesus
(Mrk. 1:12-13; Luk. 4:1-13)
1 #
Ibr. 2:18, 4:15 Lepa ambitnangan Jesus Ketsat ka simatangeu bule isibo nia Sanitu. 2Kele aipupuaso epat pulu ngatago epat pulu ngasoibo malajenangan. 3Ia geti oi aioi sipasisibo kuanangan ka matania, “Ke Togat Taikamanua ekeu, kua le ibailiu roti pabukkubukku nene.”
4 #
5Mos. 8:3
Aleginangan nia Jesus, “Atusuratnakean: Ta sarat kan iririmanuaake sirimanua, senen tiboiet sibebela ka ngungun Taikamanua le.”
5Lepa ambitnangan nia Sanitu ka Laggai Sipunenan, rioakenangan nia ka teitei Uman Taikamanua. 6#Psalm. 91:11, 12 Kuanangan ka matania Sanitu, “Ke Togat Taikamanua ekeu, ribbaiake tubum ka polak, atusuratnakean poi,
‘Ikokoiniake te malaikania Taikamanua kalulut ekeu,
ratoddai ekeu ka kabeira,
bui itusoksok rerem ka bukku.’ ”
7 #
5Mos. 6:16
Kuanangan ka matania Jesus, “Atusuratnakean leu, ‘Bui nusibo Tuhan, Taikamanuam.’ ”
8Lepa ambitnangan nia minca Sanitu ka leleu simakope buak. Sausaunangan ka matania sangamberi purimataat polak samba pulatsanannia. 9Kuanangan ka matania, “Sangamberinia nene kuaake kekeu, ke murappo ekeu nupanindogi aku.”
10 #
5Mos. 6:13
Kuanangan ka matania Jesus, “Kenan katuitui Sanitu! Atusuratnakean poi: Tuhan Taikamanuam le panindogietnu, sarania le reddenennu!”
11Lepa kaddiuakenangan nia Sanitu, oirangan leu samalaika masipuuku nia.
Itaddaake Jesus galajetnia ka Galilea
(Mrk. 1:14-15; Luk. 4:14-15)
12 #
Mat. 14:3; Mrk. 6:17; Luk. 3:19, 20 Kele aiarep Jesus atupenjaraakean si Johannes, ei nia ka Galilea. 13#Joh. 2:12 Kaddiuakenangan Natsaret ei nia mukuddu ka Kapernaum ka bebet koat ka polakda tai Sebulon samba Naptali, 14bule ipuaili tiboiet siniboi nabi Jesaya sipasikukua,
15 #
Jes. 8:23
“Polak Sebulon samba Naptali,
enungan sieei ka koat, ka silat Jordan,
Galileat sipuarat sabulungan!
16Bangsa sipukukuddu ka gepgep
araitcoan pato simatoro!
Ka sia sipukukuddu ka laggai iggobiet kamateiat
amutorongan pato!”
17 #
Mat. 3:2
Barania ka teteret nenda taddaakenangan Jesus mungantoman kuanangan, “Bauake kam paatuatmui amalegerengan poi Purimataat Sorga!”
Isogai sipasiuluinia siboiki Jesus
(Mrk. 1:16-20; Luk. 5:1-11)
18Aimugegejek Jesus ka bebet koat Galilea, itconangan rua sipusasaraina, ia te si Simon sipuoni leu si Petrus samba baginia si Andreas, ai sia mujajarik ka koat, sipasiiba poi sia. 19Kuanangan ka matada Jesus, “Konan kam tut kam aku, kubailiuake kam sipasijajalo sirimanua.” 20Kaddiuakerangan leu jarikda, tutrangan Jesus.
21Tui nia barania sedda, itconangan minca rua sipusasaraina si Jakobus samba si Johannes tatogat Sebedeus, ai sia ka abak samba ukkuira si Sebedeus airasusubbai jarikda. Sogainangan sia Jesus. 22Kaddiuakerangan abak samba ukkuira, tutrangan Jesus.
Jesus mungantoman samba masialeake sirimanua
(Luk. 6:17-19)
23 #
Mat. 9:35; Mrk. 1:39 Ia geti gejenginangan sangalio Galilea Jesus, gelaiakenangan sia ka uma parurukatda, paarepnangan Katuareman Simaeru pagalaiat Purimataat Taikamanua samba ialeake sene ngamata besi samba malara. 24Maarepnangan katuaremannia ka sangalio Siria; taroakerangan leu ka matania sangamberi sirimanua simaluluk, sipasioorik sene ngamata besi samba gejat baga: pinasaileu sanitu, siroro samba simasakit; aleakenangan sia sangamberida. 25Tutrangan nia sirimanua simigi sibara ka Galilea, ka Dekapolis, ka Jerusalem, ka Judea samba ka silat Jordan.
Currently Selected:
Mat. 4: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
