Hag. 1

Parentat Tuhan bule tugalai minca Uman Tuhan

1 # Ezra 4:24–5:2, 6:14 Ka rura sika rua pamarentaat rimata Darius ka Persia, ka gogoi siboiki laggo sika enem, panibonangan si Tuhan kai nabi Hagai, bule isisege'akenia kai Zerubabel togat Sealtiel, Gubernur Jehuda, samba ka tubut Josua, Imam Sabeu togat Jozadak.

2Kuanangan Tuhan Sipulugege ka tubut Hagai, “Bangsa nene masikua tapei aiaili teterenia tugalai minca umangKu.” 3Iageti panibonangan si Tuhan kai nabi Hagai, bule isisegeakenia ka paamianNia, 4“Ale sapaamianKu, aiailingan leu pa teterenia ka kam nupukuddu ka lalep simaron samba simaeru, beringan umangKu siragatat pei le” 5Kau le', nulelekngake kam purimanuaiatmui! 6Amaigingan anukarapmake kam karamen, tapoi goiso le numonei kam. Ka kam ai komen, tapoi tasesege ektekmui. Ka kam ai anggur, tapoi ta' isesegeake bagamui. Ka kam ai leppei, tapoi ta' momoi ioloiake' tubumui. Samba upa siloketdra sipugagalai taiaili ituppai purimanuaiadra. 7Ta pa' nuseseake kam, angoi ipuaili kele nenda? 8Kineneiget panatra kam ka sangamberi leleu masiala loina, lepa galaimuian UmangKu. Iageti maangkanangan leu te bagakku samba panindogirangan leu te aku kasibulatnia. Kau le', nulelekngake kam purimanuaiatmui! 9Nubesiake le kam buat siureman simaigi, tapoi goiso le anusilo kam. Abbitmuiannia ka lalepmui, tapoi buat simoneimui nenda ulupakekungannia isapru. Angoi pa akugalaiake nenda? Alegietnia iate: kalulut umangKu poi siragatat pei le, aipoi sangamberimui sarat masibesiake nugalai kam lalepmui pasasaramui. 10Iate lulunia ta ibebele urat, bailiu taioinangan ipututu siureman. 11Akubailiuakean imagarak sangalio polak, samba ka sangamberi tinambu, ka monen gandum samba ka sangamberi monen anggur samba leu et ka sangamberi monen zaitun, samba ka sangamberi siputututu ka polak nene, samba leu et ka tubut sirimanua samba ka tarimeu samba leu ka sangamberi besiakenenmui.”

Tai Israel masireddet parentat Tuhan

12Iageti si Zerubabel samba si Josua samba sangamberi tai Israel sitotoili ka kudduat katuribbaiatdra ka Babilonia, masireddet tiboiet Hagai, pakoiniet Tuhan nenda. Ragalaiake le siripokat siparentaakenen Tuhan katubutda, kalulut loto'ra poi kai Tuhan.

13Lepa segeakenangan patonekat Tuhan si Hagai ka paamian, amupalelekngan si Tuhan ikunemi geti sia.

14Kise te si Tuhan masitubbui paatuat Gubernur Zerubabel, Imam Sabeu Josua samba leu samba sangamberi sirimanua sitotoili ka kudduat katuribbaiatdra, bule sangamberidra masigalai Uman Tuhan Sipulugege, Taikamanuandra. 15Arataddaakean mugalai ka gogoi rua puluh epat, laggo enem ka bagat rura sikarua kateteret pamarentaat Rimata Darius.

Currently Selected:

Hag. 1: MWV

Highlight

Copy

Compare