Ams. 6
6
Erut puririmanua siboboi
1Matei le' sangamberi sirimanua simasanang puririmanua ka Sion,
ka sangamberi sirimanua simaeru puririmanua ka leleu Samaria,
ka sangamberi sirimanua sikebbukat laggai sibara ka bangsa sipuboboiki,
siailiakenenda samuntogat Israel!
2Putalipo kam ka Kalne samba paitco le'!
puenung le' barania sedda ka Hamat sabeu nenda,
samba kenan le' ka Gat ka tai Filistin!
Makokope leu pa' erura belepei ka sangamberi purimataat nene
ele makabeunan pei le' kupkumen laggaira belepei ka kupkumen lagaimui?
3Ale kam, sipasiaddeake mareunan pei le' gogoi pugejaatbaga,
Tapoi silegre ake puparentaat pugegeat sikatai;
4sipeperep ka pereman sigalai sibara ka ban
samba masiaroi tubu ka parate;
sipasikokom sangamberi togat biribiri sibara ka mungkuat kambing biribiri
samba sangamberi togat jaui sibara ka talagat mungkuat tarimeu simamo'mo';
5sipuurai masiarep nau gambus,
samba kele igalai si David panaunau ka tubunia;
6sipasilolo' anggur sibara ka pulokat,
samba mutula bulat simaeru,
tapoi ta' mureureubaga kalulut aimakatai muntogat Josep!
7Kalulut nenda kineiget, sia te sipuboboiki tuambit sibailiu sirimanua ribbaiakenen,
samba tukapplunangan leu gau'gau' punen sangamberi sirimanua sipukukuddu sipuaroi tubu.”
8Amusuppangan Tuhan Taikamanua ka tubuNia,
kise te' ngangan Tuhan, Taikamanua Sebaot.
Mangauan Aku pububuak patuat Jakob,
samba malagabagaKu ka uma purimataatnia;
Kukakau le geti laggai pasamba sibabara ka bagania.”
9Ke ai peile bai pulu sia ka bagat sara lalep, mamatei le geti sia.
10Kammannia sipasilabo tubu simamatei nenda moi le geti masiakkatake samba masibelaake tubu simamatei nenda. Parerenangan ka sirimanua sikuddu ka teitei lalep: “Ai pei leu pa' sirimanua pasamba ekeu” samba ialegi: “Ta'anai,” kuanangan: “Mengmengake ekeu!” Aipoi ta' mateu tutiboi onin Tuhan!
11Aipoi bulatnia te', iaake le' si Tuhan parenta,
iageti turagatnake le lalep sabau bailiu siragatat
samba lalep sigoiso bailiu le' sikataikat.
12Pababalau pa' kuro' ka uddut tinambut bukku,
Bulatnia, anusilingan kam katuroipoat ibailiu tuba
samba buat katubulanan bailiu simapongit!
13Ale kam, simaangkabaga kalulut Ladobar,
samba sipasikukua: “Ta' pa' sita pasamba puroronta
ataoppu kam Karnaim ka sita?”
14“Aipoi bulatnia te', Kususuruake le sara bangsa
masisaggangi kam, ale paamian Israel,”
kise te' ngangan Tuhan, Taikamanua Sebaot,
“Samba rapaoreiji le geti kam
barania ka enungan siailiake ka Hamat
teret kabagat oinan Araba.”
Currently Selected:
Ams. 6: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
