Ams. 3
3
Nabi sibailiu sitiboake tiboiet Taikamanua
1Arep kam tiboiet nene, sitiboakenen Tuhan pagalaiat kam, ale tai Israel, pagalaiat sangamberi muntogat sipaluluKu bela ka laggai Misir, ngangania: 2“Sarat kam le' Kuagai
ka sangamberi muntogat ka polak.
Kalulut nenda Kuukum geti kam
kalulut sangamberi puseselemui.
3Mueenung leu pa' simakere rua sirimanua,
ke' ta'pei apalelek sia?
4Murorou leu pa' sangamuneng singa ka leleu,
ke' ta'pei ai sese komennia?
Munanau leu pa togat singa kabagat ngaliunia,
ke'ta'pei ailaba' aponia pa'?
5Bebele' leu pa' sangamuneng uma' ka sesere ka polak
ka'bai ta' tuserenia?
Tubabaubau leu pa' sesere ka polak
ke' taanai sereetnia?
6Ke tuulup bai pipiau ka sara laggai,
ta pa mugegeret tubutda sipulalaggai?
Ke muaili pugejaat baga ka sara laggai,
Ta pa si Tuhan amasigalaiake?
7Bulatnia, Tuhan Taikamanua ta'aigalaiake aponia pa'
ke' ta'aipatoila' siteuakenenNia katubutda sangamberi sapaguguletNia, tai nabi.
8Amurouan singa,
kasei pa' ta' maloto'?
Amanibo si Tuhan Taikamanua,
kasei pa' ta'musisibla?”
Katuareman pagalaiat katuraragat Israel
9Paagai kam ka purimataat ka Asyur
samba ka purimataat ka laggai Misir
kua kise: “Paruru kam ka sangamberi leleu ka bebet Samaria,
samba lelekngake kam pulamaugat sabeu sibabara ka talagania
samba pasirauraugat sibabara laggai nenda.”
10“Ta raagai mugalai puroipoat,” kise te' ngangan Tuhan,
“sia te' sipasitatabbui pugegeat samba paoreat ka purimataatnia.”
11Kalulut nenda kise le' ngangan Tuhan Taikamanua:
“Saggak bara le geti ka sangalio laggai,
puroronnu tugogolok geti le katubum,
samba purimataatnu geti turaraurau le'!”
12Kasene le' ngangan Tuhan:
“Kele sara sirimanua sipasijajago tarimeu masibelaake ka ngungun singa
rua tolat biti ele sangatippu talinga,
kise te' tuobaake geti tai Israel sikukuddu ka Samaria
kele sangarubeiat parate
samba kele sangatippu reret uddenan.”
13“Arepmake, samba parepdep le' muntogat Jakob,”
kise te' ngangan Tuhan Taikamanua, Taikamanua Sebaot,
14 #
2Rim. 23:15
“kateteret Akuukum Israel kalulut sangamberi galaitubunia sikatai,
Kugagalai geti pasiukuman ka sangamberi kuddut pasibuluat ka Betel,
bailiu sangamberi ban kudduat pasibuluat nenda tubakbakngake
samba bele ka polak.
15Kububukkatnake geti uma ka gogoi simaleppet pasamba uma gogoi simaoloi;
pakatai le' sangamberi lalep sikla,
samba sapruake le' sangamberi lalep sabeu,”
kise te' ngangan Tuhan.
Currently Selected:
Ams. 3: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
