Ams. 2
2
1 #
Jes. 15:1–16:14, 25:10-12; Jer. 48:1-47; Jehz. 25:8-11; Zep. 2:8-11 Kasene le' ngangan Tuhan:
Kalulut telu ele epat pukakatai sigalai Moab,
Taan Kutitiktik geti minca siteuakenenKu:
Aipoi kalulut ailaboan sangamberi tolat rimata Edom bailiu kapur,
2Kukakau le geti obengan ka laggai Moab,
bailiu purimataat Keriot labonanngannia itata;
Matei le geti tai Moab kabagat pugaugaupat,
sialei gorat baga kateteret ipunau pipiau;
3Kususubuake geti sibara gege katalagatda
samba masimateiake sangamberi siabeu tiboitubu pasambania,”
ngangan Tuhan.
Pasiukuman ka Jehuda
4Kasene le ngangan Tuhan:
“Kalulut telu ele epat pukakatai sigalai Jehuda,
taan Kutitiktik geti minca siteuakenenKu:
Aipoi kalulut ta'arasilo surukat Tuhan,
samba ta'araukkaake sangamberi siteuakenenNia,
tapoi ipepeake le sia taikamanua sipatajunia,
tunenda taikebbukatnia.
5Kukakau le geti obengan ka laggai Jehuda
bailiu purimataat Jerusalem labonangannia itata.”
Ukuman Taikamanua ka tai Israel
6Kasene le ngangan Tuhan:
Kalulut telu ele epat pukakatai sigalai Israel,
taan geti Kutitiktik minca siteuakenenKu:
Aipoi kalulut arasakiakean sirimanua simaroipo kalulut bulagat
samba sirimanua simageba' kalulut ruangasila' tarangai.
7Rapaperakile' utera' sitaiooi tubu ka abu
samba masipasoip enunganda sirimanua pinaore;
toga samba ukkui mei le masirape sara sinanalep sibau tubu,
bailiu masiputata' pusipupunen oningKu.
8Paiburangan tubutda kasenen bebet kudduat pasibuluat
ka uddut bibilet sialara paneret utak sirimanua,
samba mulo' anggur sialara ka sirimanua sipuutak katubutda
ka uman Taikamanuandra.
9 #
5Mos. 3:8-11
Kenanen kisedda, Aku le' sipasisusubuake kamatda tai Amori,
buaknia kele buak pinilok
samba ronnia kele terbantin;
Akusubuakean buania ka pata
samba ungatnia ka repe'.
10Kenanen kasedda Aku le' sipalulu kam bela ka Misir
samba masiuteake epat pulu ngarura burunia ka susu simatangeu,
bule nukudduiji kam laggaira tai Amori.
11 #
4Mos. 6:1-8
Akusuruakeaan sangarubeiat sibara ka tatogamui ibailiu nabi
samba sangarubeiat sibau tubu ibailiu sapagugulet Tuhan
Ta'pa bulatnia kasedda, ale kam tai Israel?
Kisedda te ngangan Tuhan.
12Tapoi anukau le kam anggur ka sapagugulet Tuhan ralo'nia
samba masiparentaake ka tai nabi:
Bui nupusibla kam!
13Bulatnia te' Kupangeungeu le geti kudduat puriokatmui
kele ngeungeu kele kereta simasut abbinen gandum.
14Sirimanua simaola tubu taan momoi ituituiake tubunia,
sirimanua simaron tubu tamomoi ipakei puroronnia,
samba saladdu tamomoi ituituiake tubunia.
15Sipasiometnake rourou ta'momoi ta'matotom,
sirimanua simaola rere geti ta'momoi ibela
samba sipukukuro' ta' momoi ibela.
16Kasedda leuet sirimanua simagege ka talagatda saladdu
tuituiakenangan tubunia sibulutut ka gogoi nenda,”
kise te ngangan Tuhan.
Currently Selected:
Ams. 2: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
