2Taw. 10
10
Kararagatnia purimataat nenda
(1Rim. 12:1-24)
1Iageti si Rehabeam mei ka Sikhem, kalulut sangamberi tai Israel ka bare aparuruan sia sedda rauddetakenia sibailiu rimata. 2Kateteret nenda si Jerobeam togat Nebat aipeilenia ka Misir kalulut aiputuitui katubut Rimata Salomo. Kele aiarep pagalaiat si Rehabeam toilinia ka Israel. 3Iageti muntogat sibara ka bare sogairangan si Jerobeam, lepa ei si Jerobeam samba ei sia pasambatda masiailiake si Rehabeam, kuarangan, 4“Si Salomo ukkuinu aiakean bairanen simasane kakai. Ke noba nunangkaake bairanen samba nupagoiso pangoringanmai, kuoba kai mureddet katubum.
5Aleginangannia si Rehabeam, “Kupaatunia boiki, aile nuoi kam telu ngagogoi sibabara.” Iageti toili sia samuntogat nenda. 6Lepa tiddounangan si Rehabeam nganturat katubutda sikebbukat laggai sipangantru si Salomo, ukkuinia, kuanangan, “Kipa kugagalai masialegi sia nenda” Aponia nganturatmui?” 7Alegirangannia sikebbukat laggai, “Ke nuoba masigalai simaeru katubutda siberikabaga samba masiangkaake bagatda, kau le alegiat simakolou katubutda bailiu mareddetrangan katubum teret buruburu. 8Tapoi panganturat sikebbukat laggai nenda ta aireddet si Rehabeam. Amei le ka sibau tubu kele pauraugatda, sipasiroropakenia. 9Kuanangan katubutda, “Aponia panganturatmui katubukku, kualegi siberikabaga sipasititiddou bule kunangkaake bairanenda?” 10Alegirangannia sibau tubu nenda, “Kise le nukukua katubutda, “Kenanen kipapa gulaiku, tapoi aku peile maron ka ukkuiku! 11Ukkuiku masiake bairanen simasane katubumui, tapoi aku kutuppai peile sanet bairanennmui. Ukkuiku masiliso kam liliso, tapoi aku masiliso kam pasamba liliso sibara rui laba.”
12Telu ngagogoi atusabau ei si Jerobeam pasamba siberikabaga nenda masiailiake Rimata Rehabeam siripot sipaleleknia. 13Ta kele panganturat sikebbukat laggai, siberikabaga siailiakenia nenda iteka sia pasamba tiboiet simapekpek. 14Kuanangan katubutda siripot panganturatda sibau tubu nenda, “Ukkuiku masiake kakam bairanen simasane, tapoi kaku kutuppai peile sanet bairanenmui. Ukkuiku masiliso kam pasamba liliso, tapoi aku masiliso kam pasamba liliso laba sibara rui!” 15Oto panindougatda siberikabaga nenda ta aiarepi, tapoi, kalulut nenda teu bagat Tuhan Taikamanua le, siripot sikuat Tuhan kai nabi Ahia ka Silo pagalaiat si Jerobeam togat Nebat.
16Kele araitconia tai Israel taiobana rimata masiarepi sia, pugereirangan, “Apananta tapuuku si David samba ka muntogatnia, taanai aragalai aponia pa katubutta. Tai Israel, sita kam tatoili! Eddangan ipasikeli tubunia sarania si Rehabeam!”
Iageti toili sia tai Isael, 17bailiu si Rehabeam ibailiu rimata sarat ka kupkumen Jehuda. 18Kenanen kisedda rimata Rehabeam aipeile ikokoiniake si Adoniram, sara siuteake sipugagalai simasane, masipusumi siberikabaga. Tapoi baijukrangannia bukku pat mateinia. Oto ka sia si Rehabeam amoi aibela ka sia samba olaakenangan itusakai ka keretania samba tuituinia ka Jerusalem. 19Barania gogoi nenda siberikabaga ka rubeiat ka bare purimataat Israel sarat mukela patuat ka tai rimata sibara ka muntogat David.
Currently Selected:
2Taw. 10: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
