1Ptr. 5
5
Jago kam biribirit Taikamanua
1Kupanganturu tai baja gareja ka talagamui, aipoi aku leu baja gareja leu et samba sipasimumuneng pangoringan Kristus, samba sipueeneu ka bagat pulatsanan toilaakenen geti. 2#Joh. 21:15-17 Jago kam sabiribirit Taikamanua sigoilik kam, bui siubbuakenen, ka teu baga le sipasesese ka Taikamanua; samba bui kalulut pasigagaba uktuk, ka oba le. 3Ia leu et bui siputuan tubuna ka pasikelietnia, uluiet ka paamian le. 4Amoian geti Sipasijajago Sabeu, silomuian kirit pulatsanan sitaimalalaju.
5 #
Pangt. 3:34
Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan,
“Isasaggangi le poi simabuak paatuat Taikamanua,
simaepe paatuat geti ikikiliu le.”
6 #
Mat. 23:12; Luk. 14:11, 18:14 Oto paepe kam tubumui ka tei kabei Taikamanua simaron, bule ibuakngake kam ka teterenia. 7Sangamberi pukaranan bagamui segeake le kam ka Taikamanua, nia le poi masipasisikeli kam.
8Kau numasikeli samba nupumata kam! Ai le poi mugegejek saggakmui si Sanitu kele singa sipurorou masigaba gungennia. 9Ba pagugulai kam tubumui masisaggangi nia, ka tonem baga simaron, nuagai poi kam, paoreat kele nene ai leu raoorik sasarainamui ka sangalio polak. 10Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso. 11Nia le sibakkat gege teret buruburu! Amen.
Salam pasilepa
12 #
Pugap. 15:22, 40 Surat sitete nene kusuratnake ka kam ka paroman Silwanus, addeakenen saraina simatopit. Ka surat nene kunganturu kam samba masimunengake, sangamberinia nene ia te kiliu bagat Taikamanua sibulatnia. Kau nupurio kam simaron ka bagania.
13 #
Pugap. 12:12, 25, 13:13, 15:37-39; Kol. 4:10; Plm. 1:24 Salam ka kam sibara ka aleimui sipili kele kam leu sikuddu ka Babilon; samba sibara kai Markus, togaku. 14Pasalam kam pasasambamui ka pasiggungan sipunenan. Aban ka kam sangamberimui sikuddu ka bagat Kristus. Amen.
Currently Selected:
1Ptr. 5: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
