Popular Bible Verses from 1Ptr. 5

Share

Sangamberi pukaranan bagamui segeake le kam ka Taikamanua, nia le poi masipasisikeli kam.

Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso.

Kau numasikeli samba nupumata kam! Ai le poi mugegejek saggakmui si Sanitu kele singa sipurorou masigaba gungennia. Ba pagugulai kam tubumui masisaggangi nia, ka tonem baga simaron, nuagai poi kam, paoreat kele nene ai leu raoorik sasarainamui ka sangalio polak.

Oto paepe kam tubumui ka tei kabei Taikamanua simaron, bule ibuakngake kam ka teterenia.

Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”