USOLWELO 8
8
1Muze apakwile Chijikilo chamuchishimbiali, kwapwile kuhola kulu mwilu ha ngwe chihanda cha hakachi cha ola. 2Mba namwene angelo shimbiali waze akumana kumeso ja Zambi: aahele yitavwi shimbiali. 3Mungelo mukwo wakundamine, wamanyine ku chilumbilo, kali ni chikwachilo cha oru; amuhele insensu yinji, hanga akayiweze ku yilemba ya asandu eswe ha chilumbilo cha oru, chize chapwile kulutwe lia ngunja. 4Ni mwishi wa insensu, hamwe ni yilemba ya asandu, yandukile kumeso ja Zambi ku kwoko lia mungelo. 5Ni mungelo yanda chikwachilo, wachizalishile ni kahia ka ha chilumbilo, wachinyashine hashi: mba kwapwile maliji ni kukulunguza, ni mihenyo, ni minyiko.
6Mba angelo shimbiali, waze apwile ni yitavwi shimbiali, alilulikile hanga embe ni yitavwi yo.
7Mutangu wembile chitavwi chenyi, mba kwapwile chiwe ni kahia chinge ni manyinga, ayinyashine hashi: ni chihanda chimuwika cha ku yihanda yitatu ya hashi chawemene wupu, ni chihanda chimuwika cha ku yihanda yitatu ya mitondo chawemene wupu, ni mwambu wisu weswe wawemene wupu.
8Mungelo wamuchiali wembile chitavwi chenyi, ni ngwe mulundu unene wa kuyila ni kahia aunyashine mu kalunga-lwiji; ni chihanda chimuwika cha ku yihanda yitatu ya ku kalunga-lwiji chalumukine manyinga. 9Ni chihanda chimuwika cha ku yihanda yitatu ya tushitu waze apwile mu kalungalwiji, waze apwile ni mwono, afwile; ni chihanda chimuwika cha ku yihanda yitatu ya maulungu aonwene.
10Mungelo wamuchitatu wembile chitavwi chenyi, mba kwaholokele mwilu lutongonoshi munene, wa kuyila ngwe lutemo, waholokelele ha chihanda chimuwika cha ku yihanda yitatu ya njiji, ni ha mafuji ja meya. 11Kanavuluka lutongonoshi jina ngwo, Musase, ni chihanda chimuwika cha ku yihanda yitatu ya meya chalumukine kusasa, ni malunga anji afwile ni meya, mumu alumukine asasu.
12Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.
13Mba namwene, nevwile pupa kanahumuka mukachi ka lilu, kanambe ni liji linene ngwenyi, Lamba, Lamba, Lamba, kuli akwa hashi, mumu ha maliji akwo a ku yitavwi ya angelo atatu, waze himemba.
Currently Selected:
USOLWELO 8: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
