Popular Bible Verses from USOLWELO 8

Share

Muze apakwile Chijikilo chamuchishimbiali, kwapwile kuhola kulu mwilu ha ngwe chihanda cha hakachi cha ola.

Mutangu wembile chitavwi chenyi, mba kwapwile chiwe ni kahia chinge ni manyinga, ayinyashine hashi: ni chihanda chimuwika cha ku yihanda yitatu ya hashi chawemene wupu, ni chihanda chimuwika cha ku yihanda yitatu ya mitondo chawemene wupu, ni mwambu wisu weswe wawemene wupu.

Mba namwene, nevwile pupa kanahumuka mukachi ka lilu, kanambe ni liji linene ngwenyi, Lamba, Lamba, Lamba, kuli akwa hashi, mumu ha maliji akwo a ku yitavwi ya angelo atatu, waze himemba.

Mungelo wamuchiali wembile chitavwi chenyi, ni ngwe mulundu unene wa kuyila ni kahia aunyashine mu kalunga-lwiji; ni chihanda chimuwika cha ku yihanda yitatu ya ku kalunga-lwiji chalumukine manyinga.

Mungelo wamuchitatu wembile chitavwi chenyi, mba kwaholokele mwilu lutongonoshi munene, wa kuyila ngwe lutemo, waholokelele ha chihanda chimuwika cha ku yihanda yitatu ya njiji, ni ha mafuji ja meya. Kanavuluka lutongonoshi jina ngwo, Musase, ni chihanda chimuwika cha ku yihanda yitatu ya meya chalumukine kusasa, ni malunga anji afwile ni meya, mumu alumukine asasu.

Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.