USOLWELO 6
6
1Namwene muze mwe Mwana-panga apakwile chimwe cha ku yijikilo shimbiali, nevwile umwe wa kuli akwa mwono awana kanambe ni liji ngwe lia kukulunguza, ngwenyi, Tweya, utale. 2Namwene kavwalu mutoma, ni yoze watwamineho, kali ni uta wa kazenga; amuhele chipangula, iye watuhukile mukukumba, hanga akakumbe.
3Muze apakwile Chijikilo chamuchiali, nevwile mukwa mwono wamuchiali kanambe ngwenyi, Tweya, utale. 4Ni kavwalu mukwo muchila watuhukile: ahanyine kuli yoze watwamineho mukuchiza sambukila hashi, hanga akalishihe umwe ni mukwo ni mukwo; mba amuhele katana munene.
5Muze apakwile Chijikilo chamuchitatu, nevwile mukwa mwono wamuchitatu ngwenyi, Tweya, utale, namwene kavwalu mulá; ni yoze watwamineho kali ni mbalansa mu kwoko lienyi. 6Nevwile ngwe liji mukachi ka akwa mwono awana ngwo, Njongo ya tiliku ha lumbongo, ni njongo jitatu ja sevada ha lumbongo; kanda upinjisa maji ni vinyu.
7Muze apakwile Chijikilo chamuchiwana, nevwile mukwa mwono wamuchiwana ngwenyi, Tweya, utale. 8Namwene, kavwalu watomonoka: ni yoze watwamineho, jina lienyi, Kufwa; ni Heteze yakawile hamwe nenyi; aahele poko ha chihanda chimuwika cha ku yihanda yiwana ya hashi, mukushiha ni katana, ni kapunga, ni kufwa, ni kuli tushitu asasu a hashi.
9Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo. 10O akololokele ni liji linene ngwo, Ndo mwiji muka, Mwata musandu wamwenemwene, yena kushi kupatula, kushi kukala manyinga jetu hali akwa hashi? 11Mba ahanyine kuli ayo, umwe ni umwe, mahina a ngungu atoma; achambile kuli ayo ahwime shimbu likepe, ndo ndungoniakwo nawa ni mandumbu jo, waze maashiha chizechene ngwe ayo, mamanunuka.
12Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga. 13Ni matongonoshi a mwilu aholokelele hashi, chizechene ngwe mukuyu muulukumuna makuyu jawo tulamafwi, muze muutukunga ku fuji yinene. 14Ni lilu liatandulukile ngwe mukanda muze mauvunga; ni milundu yeswe ni matungu eswe yatutulukile kuma kwayo. 15Ni mianangana ja hashi, ni mahando, ni amanjolo, ni pichi, ni yitakame, ni ndungo eswe, ni enya chifuchi eswe, aswamine mu yivwenge ni mu mawe a ku milundu. 16O yamba ku milundu ni ku mawe ngwo, Holokelenu hali yetu, nutusweke ku meso ja yoze watwama ha ngunja, ni ku utenu wa mwe Mwana-panga. 17Mumu tangwa linene lia utenu wenyi hilineza, mba iya mahasa kumana?
Currently Selected:
USOLWELO 6: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
