YONA 2
2
1Mwe mu jimo lia yishi Yona yalemba kuli Yehova Zambi yenyi ngwenyi,
2Mumu ha luyinda wami natambikile kuli Yehova, mba iye wangukumbulwile.
Mwe mu jimo lia Shiole natetele, mba wevwile liji liami.
3Mumu wangunyashine mu jondo, mwe muchima lia kalunga-lwiji;
sanga liangujingilikile.
Mikanya ye yeswe, yikepe ni yinene,
yapalikile hali yami.
4Yingwamba ngwami, Hangumbila kumeso je;
hindu mungutala nawa ku tembele ye yisandu.
5Meya angujingilikile ndo ku alma yami.
Jondo yanguselekele.
Yiputa yanguswikile ku mutwe.
6Napalumukine mushi lia milundu.
Hashi ni njalo jaho janguyikilile ku miaka ya mutolo;
hindu, yena Yehova Zambi yami, hiwachiza mwono wami mu jondo.
7Muze alma yami yalezumukine muchima liami, newulukile Yehova.
Kulemba chami chakuhetele mwe mu tembele ye yisandu.
8Waze akutala ku yuma yamokomoko ya mahuza kakwehuka vumbi lio ene.
9Alioze yami mungukulambula ni liji lia kusakwila;
Mungufweta chize hinalakenya ni shingo.
Ulamwino unakatuka kuli Yehova.
10Mba Yehova wahanjikile ni mwe yishi. Yasajila Yona hashi homu.
Currently Selected:
YONA 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
