YONA 3
3
1Liji lia Yehova yiliza kuli Yona chisuho chamuchiali ngwenyi, 2Katuka uye ku Ninive, lie limbo linene, ukakololoke chize ngunakutumu. 3Kashika Yona yakatuka, yaya ku Ninive nikulita ni liji lia Yehova. Ninive liapwile limbo linene kuhiana, lia kwenda matangwa atatu. 4Yona yaputuka kunjila mu limbo kwenda cha tangwa limuwika, nikukololoka ngwenyi, Kwasala makumi awana a matangwa mba manunguna Ninive. 5Akwa Ninive afulielele Zambi. Yasela matangwa a kulitwamina kulia. Yazala yikeleyi chize kuli anene hakachi ko ndo kuli akepe.
6Lusango wahetele kuli mwanangana wa Ninive, mba yakatuka ha ngunja yenyi, yachiza hina lienyi lia ngungu, yalijika ni chikeleyi, yatwama mu uto. 7Yatuma liji nikuliambujola mu Ninive nikulita ni shimbi ya mwanangana ni yilolo jenyi ngwenyi, Niumwe kanda alia nichimwe, apwe mutu, apwe chimuna, apwe ngombe, hanji pembe, hanji panga, kanda alia, kanda anwa. 8Alioze akalifuke ni chikeleyi, ni mutu ni chimuna, akatete kuli Zambi ni tachi. Akakatuke mweswe ku jila yenyi yipi ni ku upupilo uze uli mu moko jenyi. 9Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.
10Zambi yamona yitanga yo, ngwenyi, Kanakatuka ku ndako jo jipi. Mba Zambi yalikonyeka ha che chuma chikalu chize ambile kwalinga. Kachilingile.
Currently Selected:
YONA 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
