JOELE 2
2
1Humunenu chitavwi mu Zaione.
Tambikenu mutambi mu mulundu wami usandu.
Akwa chifuchi eswe achikime,
mumu tangwa lia Yehova kulineza, hihapwa hakamwihi.
2Tangwa lia milima ni kulendama;
tangwa lia malelwa ni milima pwi.
Atu anene, a tachi aneza
ngwe milima ha milundu.
Kanda amoneka akwo a kulifwa no,
chipwe kulutwe kechi kamoneka,
chipwe ku miaka ya yisemuko yinji.
3Kulutwe lio kahia kukanalalisa,
mba kunyima lio milengi yinalengenya.
Kulutwe lio chifuchi chapwa ngwe munda wa Endene;
kunyima lio kwapwa ngwe kango lia hululu,
niumwe mutu momboka kuli ayo.
4Kalifwa ni tuvwalu.
Kakuzomboka ngwe akwa tuvwalu.
5Kutumbuka cho chapwa
ngwe chinumo cha matemba-a-jita ha milundu,
ngwe chinumo cha milengi ya kahia ha kulalisa mwambu umu,
ngwe yitakame mu ngango ja jita.
6Ha kwiza cho mavungu kanapinji,
ku meso ja atu eswe kunatomonoka ni woma.
7Kakuzomboka ngwe akwa ndundo;
kakunyina yipanga ngwe tujita.
Kakwenda ndusu mutu mweswe kumeso jenyi;
keshi kukatuka mu mikana.
8Niumwe keshi kushinjika mukwo;
kakwenda mutu mweswe mwe mu jila.
Kakulokola ndusu hakachi ka yitwa,
ni kulemana ka.
9Kakutumbuka ha chihunda;
kakulundumukina ha yipanga,
kakunyinanyina ku mazuwo
nikunjila ku njanela ngwe eji.
10Kumeso jo hashi kuhakunyika,
ni lilu kunakuchikima.
Tangwa ni kakweji kakulá,
ni matongonoshi kakulitwamina kutemuka.
11Mba Yehova kakuhanjika lundunjila
kulutwe lia tujita twenyi.
Mumu chizavu chenyi cha tujita chinene,
ni waze mamanununa shimbi jenyi akwa tachi.
Mumu tangwa lia Yehova linene; kole ni mwongo!
Iya malihasa?
12Hindu chipwe haliapwila Yehova kanambe ngwenyi,
Tewulukilenu kuli yami ni mbunge jenu jeswe,
ni kulitwamina kulia, ni kulila, ni kulishimwoka.
13Sonyenu mbunge jenu, hi mazalo jenu ko.
Tewulukilenu kuli Yehova Zambi yenu,
mumu iye mukwa vumbi, wa tò ni keke,
makoke kutenuka, mukwa kulumbamisa utu wa zango,
kakulikonyeka ha chuma chikalu.
14Iya kananyingika? Hanji malumuka nikulikonyeka,
nikuhichika chiwape chimwe kunyima yenyi;
chipwe mulambu wa wunga, hanji mulambu wa kunwa
kuli Yehova Zambi yenu.
15Humunenu chitavwi mu Zaione.
Liselenu tangwa lisandu lia kulitwamina kulia.
Tambikenu chikungulwila chilemu.
16Kungululenu e atu;
Selenu chikungulwila ku usandu;
kungululenu makulwana;
kungululenu ana,
hamwe ni akwa kwamwa.
Sandungi akatuke ku chipatulo chenyi,
ni ndungi akatuke ku zuwo lienyi.
17Asasendote, tuvumbi twa Yehova, akalilime
hakachi ka chikolo ni chilumbilo,
nikwamba ngwo, Yehova, vwila keke atu je.
Kanda uhana chihinga che chikasauke
hanga akwa mavungu akachiyule.
Muchiwaha akambe hakachi ka mavungu ngwo,
Zambi yo kulihi ali?
18Henaho Yehova yevwa ukwa wa chifuchi chenyi.
Yavwila keke atu jenyi.
19Yehova yakumbulula atu jenyi ngwenyi,
Mungunutuma mbuto, ni vinyu, ni maji,
nukakute nayo.
Chichi kutá nukasauke nawa hakachi ka mavungu.
20Alioze munguchiza tujita twa ku Norte kusuku ni yenu
nikwahumina ku chifuchi cha puya ya hululu.
Mungusa maswalale jo a kulutwe ku kalunga-lwiji ku Chivumbuko,
ni akwa kunyima ku kalunga-lwiji ku Chitokelo,
ni kukupuka cho kumuchikafwinda ni vumba lio lipi kumulikafwinda
mumu hanalingi yuma yinene.
21Ena chifuchi, kanda wivwa woma.
Waha nikuwahilila,
mumu Yehova hanalingi yuma yinene.
22Enu tushitu a mu yambu, kanda nwivwa woma,
mumu kelo ja mu puya hijasokoloka,
ni mitondo yinemi mihuko.
Mutondo wa uva ni mukuyu yinahana tachi jayo.
23Enu ana ja Zaione, Wahililenu.
Likwizenu muli Yehova Zambi yenu,
mumu kakunwaha vula musazu nikulita.
Kakunutuma vula,
ni vula musazu, ni vula wa samakwasa ha kakweji mutangu.
24Mazuwo makazala tò ni tiliku,
ni yikwachilo muyikasupwoka ni vinyu ni maji.
25Mungukanwaha miaka yize ayilile kuli makumbi,
ni tuzeze, ni yambi, ni mapasu.
Mbunga yinene ya tujita twami natumine hakachi kenu.
26Munukalia nikulumbama; munukuta,
mba munukahalisa jina lia Yehova Zambi yenu
yoze hanulingila yikomokeso.
Atu jami kechi kevwa nawa sonyi.
27Munukanyingika ngwenu, Zambi kwali hakachi ka A-Izalele.
Munukanyingika ngwenu, Yehova iye Zambi yetu, kukushi mukwo.
Atu jami kechi kevwa nawa sonyi.
28Mba kulutwe mungukazukula Spiritu yami hali atu eswe.
Ana jenu a malunga ni a mapwo makaprofeteza.
Makulwana jenu a malunga makateta yilota,
ni akweze jenu makamona usolwelo.
29Ha matangwa aze mungukazukula Spiritu yami
hali ndungo jenu a malunga ni a mapwo.
30Mungukasolola yipupu mwilu ni hashi; manyinga ni kahia ni malelwa a mwishi. 31Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo. 32Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.
Currently Selected:
JOELE 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
JOELE 2
2
1Humunenu chitavwi mu Zaione.
Tambikenu mutambi mu mulundu wami usandu.
Akwa chifuchi eswe achikime,
mumu tangwa lia Yehova kulineza, hihapwa hakamwihi.
2Tangwa lia milima ni kulendama;
tangwa lia malelwa ni milima pwi.
Atu anene, a tachi aneza
ngwe milima ha milundu.
Kanda amoneka akwo a kulifwa no,
chipwe kulutwe kechi kamoneka,
chipwe ku miaka ya yisemuko yinji.
3Kulutwe lio kahia kukanalalisa,
mba kunyima lio milengi yinalengenya.
Kulutwe lio chifuchi chapwa ngwe munda wa Endene;
kunyima lio kwapwa ngwe kango lia hululu,
niumwe mutu momboka kuli ayo.
4Kalifwa ni tuvwalu.
Kakuzomboka ngwe akwa tuvwalu.
5Kutumbuka cho chapwa
ngwe chinumo cha matemba-a-jita ha milundu,
ngwe chinumo cha milengi ya kahia ha kulalisa mwambu umu,
ngwe yitakame mu ngango ja jita.
6Ha kwiza cho mavungu kanapinji,
ku meso ja atu eswe kunatomonoka ni woma.
7Kakuzomboka ngwe akwa ndundo;
kakunyina yipanga ngwe tujita.
Kakwenda ndusu mutu mweswe kumeso jenyi;
keshi kukatuka mu mikana.
8Niumwe keshi kushinjika mukwo;
kakwenda mutu mweswe mwe mu jila.
Kakulokola ndusu hakachi ka yitwa,
ni kulemana ka.
9Kakutumbuka ha chihunda;
kakulundumukina ha yipanga,
kakunyinanyina ku mazuwo
nikunjila ku njanela ngwe eji.
10Kumeso jo hashi kuhakunyika,
ni lilu kunakuchikima.
Tangwa ni kakweji kakulá,
ni matongonoshi kakulitwamina kutemuka.
11Mba Yehova kakuhanjika lundunjila
kulutwe lia tujita twenyi.
Mumu chizavu chenyi cha tujita chinene,
ni waze mamanununa shimbi jenyi akwa tachi.
Mumu tangwa lia Yehova linene; kole ni mwongo!
Iya malihasa?
12Hindu chipwe haliapwila Yehova kanambe ngwenyi,
Tewulukilenu kuli yami ni mbunge jenu jeswe,
ni kulitwamina kulia, ni kulila, ni kulishimwoka.
13Sonyenu mbunge jenu, hi mazalo jenu ko.
Tewulukilenu kuli Yehova Zambi yenu,
mumu iye mukwa vumbi, wa tò ni keke,
makoke kutenuka, mukwa kulumbamisa utu wa zango,
kakulikonyeka ha chuma chikalu.
14Iya kananyingika? Hanji malumuka nikulikonyeka,
nikuhichika chiwape chimwe kunyima yenyi;
chipwe mulambu wa wunga, hanji mulambu wa kunwa
kuli Yehova Zambi yenu.
15Humunenu chitavwi mu Zaione.
Liselenu tangwa lisandu lia kulitwamina kulia.
Tambikenu chikungulwila chilemu.
16Kungululenu e atu;
Selenu chikungulwila ku usandu;
kungululenu makulwana;
kungululenu ana,
hamwe ni akwa kwamwa.
Sandungi akatuke ku chipatulo chenyi,
ni ndungi akatuke ku zuwo lienyi.
17Asasendote, tuvumbi twa Yehova, akalilime
hakachi ka chikolo ni chilumbilo,
nikwamba ngwo, Yehova, vwila keke atu je.
Kanda uhana chihinga che chikasauke
hanga akwa mavungu akachiyule.
Muchiwaha akambe hakachi ka mavungu ngwo,
Zambi yo kulihi ali?
18Henaho Yehova yevwa ukwa wa chifuchi chenyi.
Yavwila keke atu jenyi.
19Yehova yakumbulula atu jenyi ngwenyi,
Mungunutuma mbuto, ni vinyu, ni maji,
nukakute nayo.
Chichi kutá nukasauke nawa hakachi ka mavungu.
20Alioze munguchiza tujita twa ku Norte kusuku ni yenu
nikwahumina ku chifuchi cha puya ya hululu.
Mungusa maswalale jo a kulutwe ku kalunga-lwiji ku Chivumbuko,
ni akwa kunyima ku kalunga-lwiji ku Chitokelo,
ni kukupuka cho kumuchikafwinda ni vumba lio lipi kumulikafwinda
mumu hanalingi yuma yinene.
21Ena chifuchi, kanda wivwa woma.
Waha nikuwahilila,
mumu Yehova hanalingi yuma yinene.
22Enu tushitu a mu yambu, kanda nwivwa woma,
mumu kelo ja mu puya hijasokoloka,
ni mitondo yinemi mihuko.
Mutondo wa uva ni mukuyu yinahana tachi jayo.
23Enu ana ja Zaione, Wahililenu.
Likwizenu muli Yehova Zambi yenu,
mumu kakunwaha vula musazu nikulita.
Kakunutuma vula,
ni vula musazu, ni vula wa samakwasa ha kakweji mutangu.
24Mazuwo makazala tò ni tiliku,
ni yikwachilo muyikasupwoka ni vinyu ni maji.
25Mungukanwaha miaka yize ayilile kuli makumbi,
ni tuzeze, ni yambi, ni mapasu.
Mbunga yinene ya tujita twami natumine hakachi kenu.
26Munukalia nikulumbama; munukuta,
mba munukahalisa jina lia Yehova Zambi yenu
yoze hanulingila yikomokeso.
Atu jami kechi kevwa nawa sonyi.
27Munukanyingika ngwenu, Zambi kwali hakachi ka A-Izalele.
Munukanyingika ngwenu, Yehova iye Zambi yetu, kukushi mukwo.
Atu jami kechi kevwa nawa sonyi.
28Mba kulutwe mungukazukula Spiritu yami hali atu eswe.
Ana jenu a malunga ni a mapwo makaprofeteza.
Makulwana jenu a malunga makateta yilota,
ni akweze jenu makamona usolwelo.
29Ha matangwa aze mungukazukula Spiritu yami
hali ndungo jenu a malunga ni a mapwo.
30Mungukasolola yipupu mwilu ni hashi; manyinga ni kahia ni malelwa a mwishi. 31Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo. 32Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.
Chokwe Bible © Bible Society in Angola, 1975.