JOELE 3
3
1Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme, 2mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami. 3Hanatela chela atu jami. Hanalande chikoi ni mwanalunga; hanalande vinyu ni mwana-pwo hanga akanwe.
4Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu. 5Se hinweya prata yami ni oru yami, hinwatwala ku tembele jenu yuma yami yilemu yipema, 6ni ana ja Yunda ni ana ja Yerusaleme hinwaalanjisa kuli A-Ngresia hanga nukaatwale kusuku ni chifuchi cho; 7kashika mungwakatwisa kuze nwaalanjishile ngukahilwise chitanga chenu ha mitwe yenu. 8Mungulanjisa anenu a malunga ni a mapwo kuli A-Yunda, mba o maalanjisa kuli akwa Shipa, ku vungu limwe liatwama kusuku. Mumu Yehova hanachambe, kashika.
9Ambululenu chino hakachi ka mavungu ngwenu,
Lulikenu jita!
Sungenu malunga a ndundo!
Malunga eswe a jita eze,
akanduke ku kuno.
10Fulenu yikungo ya sharua yikapwe tutana;
poko jenu ja kululika mitondo ya mihuko jikapwe makunga.
Alelu ambe ngwo, Tuli yitakame.
11Tambukenu nwize nukunguluke,
enu mavungu eswe nwajingilika.
Ena Yehova, tumako akwa ndundo je.
12Mavungu alisunge,
akanduke ku chana cha Yehosofate,
mumu kwenako mungutwama ni kusopesa mavungu eswe a kujingilika.
13Senu kwengo mumu mbuto hiyahia.
Tweyenu, nuliate
mumu ukamino wa uva hiwazala,
yikwachilo yinasupwoka,
mumu ungulungulu wo woka.
14Yihuji ni yihuji
mu chana cha upatwilo,
mumu tangwa lia Yehova hiliakundama
mu chana cha upatwilo.
15Tangwa ni kakweji kakulá,
ni matongonoshi kakulitwamina kutemuka.
16Yehova makakulunguza ku Zaione,
makahiohiesa liji lienyi ku Yerusaleme.
Yuma ya mwilu ni hashi muyikanyika,
alioze Yehova makapwa chiswamo kuli atu jenyi,
makapwa pembo kuli A-Izalele.
17Chocho munukanyingika ngwenu, Yehova iye Zambi yetu
katwama ha mulundu wenyi usandu wa Zaione.
Mba Yerusaleme muyikapwa yisandu,
ni yilambala kechi kupalikako nawa.
18Ha tangwa lize milundu muyikasutwoka vinyu yipema,
ni mindundena muyikapukumuna yamwa.
Yitwetwe yeswe ya Yunda muyikazala ni meya.
Mba fuji limwe mulikapukukila mu zuwo lia Yehova
nikutuchikisa chana cha Shitime.
19Engitu muyikapwa ya hululu,
ni Endome muyikapwa puya ya hululu
mumu ha upupilo uze alingile kuli A-Yunda,
mumu mu chifuchi cho hamwanga manyinga a kusamba.
20Alioze Yunda kumakatwama ku miaka ya mutolo.
Yerusaleme kumuyikatwama chize ku yisemuko ndo ku yisemuko.
21Kumungukakala manyinga jo aze te chaakalile;
mumu Yehova katwama mu Zaione.
Currently Selected:
JOELE 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
JOELE 3
3
1Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme, 2mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami. 3Hanatela chela atu jami. Hanalande chikoi ni mwanalunga; hanalande vinyu ni mwana-pwo hanga akanwe.
4Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu. 5Se hinweya prata yami ni oru yami, hinwatwala ku tembele jenu yuma yami yilemu yipema, 6ni ana ja Yunda ni ana ja Yerusaleme hinwaalanjisa kuli A-Ngresia hanga nukaatwale kusuku ni chifuchi cho; 7kashika mungwakatwisa kuze nwaalanjishile ngukahilwise chitanga chenu ha mitwe yenu. 8Mungulanjisa anenu a malunga ni a mapwo kuli A-Yunda, mba o maalanjisa kuli akwa Shipa, ku vungu limwe liatwama kusuku. Mumu Yehova hanachambe, kashika.
9Ambululenu chino hakachi ka mavungu ngwenu,
Lulikenu jita!
Sungenu malunga a ndundo!
Malunga eswe a jita eze,
akanduke ku kuno.
10Fulenu yikungo ya sharua yikapwe tutana;
poko jenu ja kululika mitondo ya mihuko jikapwe makunga.
Alelu ambe ngwo, Tuli yitakame.
11Tambukenu nwize nukunguluke,
enu mavungu eswe nwajingilika.
Ena Yehova, tumako akwa ndundo je.
12Mavungu alisunge,
akanduke ku chana cha Yehosofate,
mumu kwenako mungutwama ni kusopesa mavungu eswe a kujingilika.
13Senu kwengo mumu mbuto hiyahia.
Tweyenu, nuliate
mumu ukamino wa uva hiwazala,
yikwachilo yinasupwoka,
mumu ungulungulu wo woka.
14Yihuji ni yihuji
mu chana cha upatwilo,
mumu tangwa lia Yehova hiliakundama
mu chana cha upatwilo.
15Tangwa ni kakweji kakulá,
ni matongonoshi kakulitwamina kutemuka.
16Yehova makakulunguza ku Zaione,
makahiohiesa liji lienyi ku Yerusaleme.
Yuma ya mwilu ni hashi muyikanyika,
alioze Yehova makapwa chiswamo kuli atu jenyi,
makapwa pembo kuli A-Izalele.
17Chocho munukanyingika ngwenu, Yehova iye Zambi yetu
katwama ha mulundu wenyi usandu wa Zaione.
Mba Yerusaleme muyikapwa yisandu,
ni yilambala kechi kupalikako nawa.
18Ha tangwa lize milundu muyikasutwoka vinyu yipema,
ni mindundena muyikapukumuna yamwa.
Yitwetwe yeswe ya Yunda muyikazala ni meya.
Mba fuji limwe mulikapukukila mu zuwo lia Yehova
nikutuchikisa chana cha Shitime.
19Engitu muyikapwa ya hululu,
ni Endome muyikapwa puya ya hululu
mumu ha upupilo uze alingile kuli A-Yunda,
mumu mu chifuchi cho hamwanga manyinga a kusamba.
20Alioze Yunda kumakatwama ku miaka ya mutolo.
Yerusaleme kumuyikatwama chize ku yisemuko ndo ku yisemuko.
21Kumungukakala manyinga jo aze te chaakalile;
mumu Yehova katwama mu Zaione.
Chokwe Bible © Bible Society in Angola, 1975.