JOELE 1
1
1Liji lia Yehova liejile kuli Joele mwana wa Petuele ngwo,
2Panjikenu enu makulwana a malunga,
ivwenu enu akwa chifuchi.
Chuma chino te hichasoloka kama ha matangwa jenu,
chipwe ha matangwa ja atatenu nyi?
3Ambulwilenu ana jenu
hanga o akambulwile ana jo,
ni ana jo akambulwile chisemuko chikwo.
4Chize mapasu hahichika,
makumbi halia.
Chize makumbi hahichika,
tuzeze halia.
Chize tuzeze hahichika yambi halia.
5Enu akwa kuzengewa, laulenu nulile.
Lilenu mbimbi enu eswe nwakunwanwa vinyu,
mumu ha vinyu yize yipema
hanayipatula ku makanwa jenu.
6Mumu vungu limwe hilieza mu chifuchi chami;
vungu limwe lia tachi,
chipwe kwaalulla kutuchi kuhasa.
Mazo jo kapwa ngwe mazo a ndumba;
yiwunji yo kuyapwa ngwe ya ndumba munene.
7O hanenyeka mutondo wami wa uva.
Hanamakuna mukuyu wami;
hanauhulula nikuumbila;
mitango yawo hanayitomesa tó.
8Lilenu ngwe *virgem unazala chikeleyi
mumu hali lunga lia wanuke wenyi.
9Mulambu wa wunga ni mulambu wa kunwa hiyinapatuka
mu zuwo lia Yehova.
Asasendote, tuvumbi twa Yehova, kanalili.
10Minda hanayenyeka.
Chifuchi chinalili,
mumu mbuto hanayenyeka.
Vinyu yaha hiyinomu,
ni maji hanatepuluka.
11Enu njimi, ivwenu sonyi;
enu akwa kululika miuva, lilenu mbimbi mumu ha tiliku ni ha sevada.
Mumu mbuto ya mu minda hiyafuwa.
12Mutondo wa uva hiunomu;
mukuyu unalele.
Chipwe mitondo ya romana, ni ya mingaji, ni ya masá,
ewa, mitondo yeswe ya kutumba hiyinomu.
Ni chiseke cha ana ja atu hichinomu nawa.
13Enu asasendote, lijikenu yikeleyi nukalinyenge.
Enu tuvumbi twa chilumbilo, lilenu mbimbi.
Enu tuvumbi twa Zambi yami,
tweyenu nukapombe ufuku weswe mu yikeleyi,
mumu mulambu wa wunga ni mulambu wa kunwa
hanayimina mu zuwo lia Zambi yenu.
14Liselenu tangwa lisandu lia kulitwamina kulia.
Tambikenu chikungulwila chilemu.
Kungululenu makulwana
ni akwa chifuchi eswe
ku zuwo lia Yehova Zambi yenu,
nukatete kuli Yehova.
15Mama yami! Lie tangwa!
Lie tangwa lia Yehova hiliakundama.
Muliza ngwe kwonwona cha kuli Mukwa-Ndundo-Jeswe.
16Yifwo hanayitete kumeso jetu.
Chiseke ni uwahililo hanayitete
ku zuwo lia Zambi yetu.
17Mbuto kuyinapolo mu mavu;
machila hanawondeka;
mazuwo a kuswekela kulia hanapuzuka;
mbuto hiyafuwa.
18Yimuna anatu mikuma Chichize!
Matanga a yimuna kanapinji
mumu kelo jakuhi.
Chipwe yendo ya mapanga kanamono lamba.
19Yehova! Kuli yena ngunatete,
mumu kahia hikalalisa ku ulilo wa mu puya;
milengi hiyocha mitondo yeswe ya kutumba.
20Chipwe tushitu a mu yambu kanahwimashana kuli yena,
mumu meya a mu yitwetwe hanomu,
ni kahia hikalalisa
ku ulilo wa mu puya.
Currently Selected:
JOELE 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
JOELE 1
1
1Liji lia Yehova liejile kuli Joele mwana wa Petuele ngwo,
2Panjikenu enu makulwana a malunga,
ivwenu enu akwa chifuchi.
Chuma chino te hichasoloka kama ha matangwa jenu,
chipwe ha matangwa ja atatenu nyi?
3Ambulwilenu ana jenu
hanga o akambulwile ana jo,
ni ana jo akambulwile chisemuko chikwo.
4Chize mapasu hahichika,
makumbi halia.
Chize makumbi hahichika,
tuzeze halia.
Chize tuzeze hahichika yambi halia.
5Enu akwa kuzengewa, laulenu nulile.
Lilenu mbimbi enu eswe nwakunwanwa vinyu,
mumu ha vinyu yize yipema
hanayipatula ku makanwa jenu.
6Mumu vungu limwe hilieza mu chifuchi chami;
vungu limwe lia tachi,
chipwe kwaalulla kutuchi kuhasa.
Mazo jo kapwa ngwe mazo a ndumba;
yiwunji yo kuyapwa ngwe ya ndumba munene.
7O hanenyeka mutondo wami wa uva.
Hanamakuna mukuyu wami;
hanauhulula nikuumbila;
mitango yawo hanayitomesa tó.
8Lilenu ngwe *virgem unazala chikeleyi
mumu hali lunga lia wanuke wenyi.
9Mulambu wa wunga ni mulambu wa kunwa hiyinapatuka
mu zuwo lia Yehova.
Asasendote, tuvumbi twa Yehova, kanalili.
10Minda hanayenyeka.
Chifuchi chinalili,
mumu mbuto hanayenyeka.
Vinyu yaha hiyinomu,
ni maji hanatepuluka.
11Enu njimi, ivwenu sonyi;
enu akwa kululika miuva, lilenu mbimbi mumu ha tiliku ni ha sevada.
Mumu mbuto ya mu minda hiyafuwa.
12Mutondo wa uva hiunomu;
mukuyu unalele.
Chipwe mitondo ya romana, ni ya mingaji, ni ya masá,
ewa, mitondo yeswe ya kutumba hiyinomu.
Ni chiseke cha ana ja atu hichinomu nawa.
13Enu asasendote, lijikenu yikeleyi nukalinyenge.
Enu tuvumbi twa chilumbilo, lilenu mbimbi.
Enu tuvumbi twa Zambi yami,
tweyenu nukapombe ufuku weswe mu yikeleyi,
mumu mulambu wa wunga ni mulambu wa kunwa
hanayimina mu zuwo lia Zambi yenu.
14Liselenu tangwa lisandu lia kulitwamina kulia.
Tambikenu chikungulwila chilemu.
Kungululenu makulwana
ni akwa chifuchi eswe
ku zuwo lia Yehova Zambi yenu,
nukatete kuli Yehova.
15Mama yami! Lie tangwa!
Lie tangwa lia Yehova hiliakundama.
Muliza ngwe kwonwona cha kuli Mukwa-Ndundo-Jeswe.
16Yifwo hanayitete kumeso jetu.
Chiseke ni uwahililo hanayitete
ku zuwo lia Zambi yetu.
17Mbuto kuyinapolo mu mavu;
machila hanawondeka;
mazuwo a kuswekela kulia hanapuzuka;
mbuto hiyafuwa.
18Yimuna anatu mikuma Chichize!
Matanga a yimuna kanapinji
mumu kelo jakuhi.
Chipwe yendo ya mapanga kanamono lamba.
19Yehova! Kuli yena ngunatete,
mumu kahia hikalalisa ku ulilo wa mu puya;
milengi hiyocha mitondo yeswe ya kutumba.
20Chipwe tushitu a mu yambu kanahwimashana kuli yena,
mumu meya a mu yitwetwe hanomu,
ni kahia hikalalisa
ku ulilo wa mu puya.
Chokwe Bible © Bible Society in Angola, 1975.