EZEKIEL 48
48
1Majina ja minyachi wano: Putu ku njiza ya ku Norte, chize ku kalunga-lwiji mu jila ya Hetelone ku unjililo wa Hamate ndo ku Haza-Ena (yili sali lia Norte lia njiza ya Ndamaseku hatalanganyi ni Hamate), chize ku sali lia Chivumbuko ndo ku sali lia Chitokelo, chihanda chimuwika, cha Ndane. 2Kulikaula ni chifuchi cha Ndane, chize ku Chivumbuko ndo ku Chitokelo, chihanda chimuwika, cha Ashe. 3Kulikaula ni chifuchi cha Ashe, chize ku Chivumbuko ndo ku Chitokelo, chihanda chimuwika, cha Napatali. 4Kulikaula ni chifuchi cha Napatali, chize ku Chivumbuko ndo ku Chitokelo, chihanda chimuwika, cha Manase. 5Kulikaula ni chifuchi cha Manase, chize ku Chivumbuko ndo ku Chitokelo, chihanda chimuwika, cha Eframe. 6Kulikaula ni chifuchi cha Eframe, chize ku Chivumbuko ndo ku Chitokelo, chihanda chimuwika, cha Rupene. 7Kulikaula ni chifuchi cha Rupene, chize ku Chivumbuko ndo ku Chitokelo, chihanda chimuwika, cha Yunda.
8Kulikaula ni chifuchi cha Yunda, chize ku Chivumbuko ndo ku Chitokelo, mukupwa mulambu uze munusela, wa makumi aali a tununu ni tununu atano a mbungu ha utohe, mba ha usuhe wakulita ni usuhe wa chihanda cha munyachi umuwika, chize ku Chivumbuko ndo ku Chitokelo, ni lie zuwo lisandu hakachi kawo. 9Mulambu uze munukasela Yehova muupwa wa makumi aali a tununu ni tununu atano a mbungu ha usuhe, ni kumi lia tununu ha utohe. 10Hali wano asasendote munusela mulambu usandu, sali lia ku Norte makumi aali a tununu ni tununu atano ha usuhe; ku Chitokelo kumi lia tununu ha utohe; ni ku Chivumbuko kumi lia tununu ha utohe; ni ku Sule makumi aali a tununu ni tununu atano ha usuhe. Zuwo lisandu lia Yehova mulikapwa he hakachi kawo. 11Chino muchikapwa cha asasendote asandu, ana ja Zadoke waze afungile shimbi jami, kapiangukile muze A-Izalele apiangukile, ngwe A-Levi alingile. 12Muchikapwa nicho mulambu umwe walipalikila ni mulambu usandu. Uno muukapwa mulambu usandu Wahiana, wakulihata ni njiza ya A-Levi. 13A-Levi makapwa ni chihanda cho cha makumi aali a tununu ni tununu atano ha usuhe, ni kumi lia tununu ha utohe, cha kulihata ni chifuchi cha asasendote. Usuhe weswe muukapwa wa makumi aali a tununu ni tununu atano, ni utohe wa kumi lia tununu. 14Kechi kalanjisa chipwe kusumbakenya nichimwe chihanda chako. Kechi kahasa kuhana chihanda chino chilemu cha chifuchi, mumu chisandu kuli Yehova.
15Chize chalisalaho, tununu atano ha utohe ni makumi aali a tununu ni tununu atano ha usuhe, muchipwa cha milimo ya akwa chihunda, cha mazuwo ni cha musenge. He hakachi kacho muhapwa che chihunda. 16Cheseko chacho chino: sali lia ku Norte tununu awana ni kulakaji atano, ni sali lia ku Sule tununu awana ni kulakaji atano, ni sali lia ku Chivumbuko tununu awana ni kulakaji atano, ni sali lia ku Chitokelo tununu awana ni kulakaji atano. 17Chihunda muchikapwa ni musenge wamokomoko; sali lia Norte kulakaji aali ni makumi atano, sali lia Sule kulakaji aali ni makumi atano, sali lia Chivumbuko kulakaji aali ni makumi atano, sali lia Chitokelo kulakaji aali ni makumi atano. 18Chize chalisalaho ku usuhe wa kulihata ni chihanda chisandu muchikapwa kumi lia tununu ku Chivumbuko, ni kumi lia tununu ku Chitokelo, cha kulihata ni mulambu usandu. Mbuto yako muyikapwa kulia cha akwa milimo ja chihunda. 19Akwa milimo a mu chihunda waze anakatuka ku minyachi yeswe ya Izalele o machilima. 20Mulambu weswe uze munusela muupwa wa makumi aali a tununu ni tununu atano ha usuhe ni makumi aali a tununu ni tununu atano ha utohe—acho mulambu usandu hamwe ni chihinga cha chihunda.
21Chize chalisalaho sali ni sali lia mulambu usandu ni chihela cha chihunda muchipwa cha mbala cha mulemu. Chize ku makumi aali a tununu ni tununu atano a mulambu usando ndo ku njiza ya ku Chivumbuko, ni chize ku makumi aali a tununu ni tununu atano ndo ku njiza ya ku Chitokelo kulikaula ni chihanda cha minyachi muchipwa cha mbala cha mwe mulemu. Mulambu usandu ni zuwo lisandu lia tembele muyipwa hakachi kacho. 22Chikwo nawa chize ku chihanda cha A-Levi, ni ku chihanda cha chihunda, hakachi ka chize cha mwe mulemu, hakachi ka njiza ya A-Yunda ni njiza ya A-Mbenjamine muchipwa cha mbala cha mwe mulemu.
23Ha kutwala ku minyachi yikwo: chize ku Chivumbuko ndo ku Chitokelo, chihanda chimuwika, cha Mbenjamine. 24Kulikaula ni chifuchi cha Mbenjamine, chize ku Chivumbuko ndo ku Chitokelo, chihanda chimuwika, cha Simeone. 25Kulikaula ni chifuchi cha Simeone, chize ku Chivumbuko ndo ku Chitokelo, chihanda chimuwika, cha Isaka. 26Kulikaula ni chifuchi cha Isaka, chize ku Chivumbuko ndo ku Chitokelo, chihanda chimuwika, cha Zapulone. 27Kulikaula ni chifuchi cha Zapulone, chize ku Chivumbuko ndo ku Chitokelo, chihanda chimuwika, cha Ngate. 28Kulikaula ni chifuchi cha Ngate ku Sule, njiza muyikapalika chize ku Tama ndo ku meya ja Meripa-Kandeshe, mba ku kuze muyikalisesa ni lwiji wa Engitu ndo ku Kalunga-lwiji Munene. 29Che chifuchi munukachisela chihinga hakachi ka minyachi ya Izalele chenacho, ni yino yihanda yo, chimwe ha chimwe. Chocho kanambe Mwene Yehova.
30Yikolo ya chihunda yino: sali lia Norte linapu tununu awana ni kulakaji atano ha kweseka, 31yikolo yitatu sali lia Norte: chikolo cha Rupene, ni chikolo cha Yunda, ni chikolo cha Levi, yikolo ya chihunda te yili ni majina ja minyachi ya Izalele. 32Sali lia Chivumbuko, linapu lia tununu awana ni kulakaji atano, yikolo yitatu: chikolo cha José, ni chikolo cha Mbenjamine, ni chikolo cha Ndane. 33Sali lia Sule, linapu lia tununu awana ni kulakaji atano ha kweseka, yikolo yitatu: chikolo cha Simeone, ni chikolo cha Isaka, ni chikolo cha Zapulone. 34Sali lia Chitokelo, linapu lia tununu awana ni kulakaji atano, yikolo yitatu: chikolo cha Ngate, ni chikolo cha Ashe, ni chikolo cha Napatali. 35Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.
Currently Selected:
EZEKIEL 48: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
