KUTUHUKA 7
7
1Yehova yamba kuli Mose ngwenyi, Tala hinakupwisa ngwe Zambi kuli Falau. Yayenu Arone mapwa profeta ye. 2Yako ukahanjike yize yeswe ngunakwambe. Yayenu Arone akahanjike kuli Falau hanga akeche A-Izalele akakatuke ku chifuchi chenyi. 3Mungukalisa mbunge ya Falau. Mungwokesa yilayi yami ni yikomokeso yami mu chifuchi cha Engitu. 4Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene. 5Muze mungulamba chifuchi cha Engitu, ngukachize A-Izalele hakachi ko, A-Engitu kumakanyingika ngwo, Mwe Yehova. 6Chocho chialingile Mose ni Arone, chizechene ngwe Yehova aambile chocho alingile. 7Muze o ahanjikile ni Falau Mose wapwile ni makumi nake a miaka ni Arone makumi nake a miaka ni miaka yitatu.
8Yehova yahanjika ni Mose ni Arone ngwenyi, 9Muze Falau mamba kuli yenu ngwenyi, Lwezenu chilayi chimwe cha yenu, hohene muwamba kuli Arone ngwe, Anda mulumbu we uchiumbile hashi kumeso ja Falau hanga walumuke kapela. 10Mose ni Arone ahetele kuli Falau, yalinga chocho ngwe Yehova aambile. Arone yambila mulumbu wenyi hashi kumeso ja Falau ni kumeso ja ngamba jenyi, mba yiwalumuka kapela. 11Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo. 12Mumu mutu ha mutu yambila hashi mulumbu wenyi. Yiyialumuka tupela alioze mulumbu wa Arone waminyine milumbu yo. 13Mbunge ya Falau yakalile, kahalakanyine kuli ayo, ka, ngwe ambile Yehova.
14Yehova yamba kuli Mose ngwenyi, Mbunge ya Falau kuyakala, kasolo kwecha atu kuya. 15Ha chimene ukahete kuli Falau, muze iye maya ku lwiji ukamane ku mbumbulu ya lwiji, ukaliwane nenyi, mba we mulumbu uze unakalumuka kapela, ukwate mu kwoko lie. 16Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine. 17Chocho anambe Yehova ngwenyi, Muno mwene mukangunyingika ngwe, Mwe Yehova. Mulumbu uno uli mu kwoko liami mungukalamba nawo meya ali mu lwiji, o kumakalumuka manyinga. 18Yishi ali mu lwiji kumakafwa, mwe lwiji kumakanuka. A-Engitu kumevwa kuzelwoka ha kunwa meya a mu lwiji. 19Yehova yamba kuli Mose ngwenyi, Ambulwila Arone akande mulumbu wenyi, akolole kwoko lienyi ha meya a mu Engitu, ni ha njiji jo, ni ha tupila two twa meya, ni ha yitende yo, ni ha mashima jo eswe a meya, hanga meya jamo akalumuke manyinga, mba kumukukapwa manyinga ndusu chifuchi cheswe cha Engitu ni mu sapa ja mutondo ni mu sapa ja mawe.
20Ni Mose ni Arone yalinga chocho ngwe Yehova aambile. Iye yazundula we mulumbu, yalamba meya apwile mu lwiji, kumeso ja Falau ni kumeso ja ngamba jenyi. Meya eswe apwile mu lwiji yalumuka manyinga. 21Yishi apwile mu lwiji yafwa, mwe lwiji yanuka, mba A-Engitu kahashile kunwa meya a mu lwiji. Kwapwile manyinga ndusu chifuchi cheswe cha Engitu. 22Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova. 23Falau yatewuluka, yanjila mu zuwo lienyi, chipwe mbunge kayiseleko, ka. 24A-Engitu ashimine mu chikulo cha lwiji akawane meya a kunwa mumu te kahashile kunwa meya a mu lwiji.
25Chize haze Yehova alambile mwe lwiji, matangwa shimbiali yahwa.
Currently Selected:
KUTUHUKA 7: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 7
7
1Yehova yamba kuli Mose ngwenyi, Tala hinakupwisa ngwe Zambi kuli Falau. Yayenu Arone mapwa profeta ye. 2Yako ukahanjike yize yeswe ngunakwambe. Yayenu Arone akahanjike kuli Falau hanga akeche A-Izalele akakatuke ku chifuchi chenyi. 3Mungukalisa mbunge ya Falau. Mungwokesa yilayi yami ni yikomokeso yami mu chifuchi cha Engitu. 4Hindu Falau kechi kuhalakana kuli yena. Mungulamba chifuchi cha Engitu, ngukachizeko yizavu yami, e atu jami A-Izalele, ku chifuchi cha Engitu, nikulinga upatwilo weka ni weka unene. 5Muze mungulamba chifuchi cha Engitu, ngukachize A-Izalele hakachi ko, A-Engitu kumakanyingika ngwo, Mwe Yehova. 6Chocho chialingile Mose ni Arone, chizechene ngwe Yehova aambile chocho alingile. 7Muze o ahanjikile ni Falau Mose wapwile ni makumi nake a miaka ni Arone makumi nake a miaka ni miaka yitatu.
8Yehova yahanjika ni Mose ni Arone ngwenyi, 9Muze Falau mamba kuli yenu ngwenyi, Lwezenu chilayi chimwe cha yenu, hohene muwamba kuli Arone ngwe, Anda mulumbu we uchiumbile hashi kumeso ja Falau hanga walumuke kapela. 10Mose ni Arone ahetele kuli Falau, yalinga chocho ngwe Yehova aambile. Arone yambila mulumbu wenyi hashi kumeso ja Falau ni kumeso ja ngamba jenyi, mba yiwalumuka kapela. 11Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo. 12Mumu mutu ha mutu yambila hashi mulumbu wenyi. Yiyialumuka tupela alioze mulumbu wa Arone waminyine milumbu yo. 13Mbunge ya Falau yakalile, kahalakanyine kuli ayo, ka, ngwe ambile Yehova.
14Yehova yamba kuli Mose ngwenyi, Mbunge ya Falau kuyakala, kasolo kwecha atu kuya. 15Ha chimene ukahete kuli Falau, muze iye maya ku lwiji ukamane ku mbumbulu ya lwiji, ukaliwane nenyi, mba we mulumbu uze unakalumuka kapela, ukwate mu kwoko lie. 16Amba kuli iye ngwe, Yehova, mwe Zambi ya A-Hepreu, hangutuma kuli yena ngwenyi, Echa atu jami aye, akangulingile mu puya. Kumanyi ndo haliapwila kwahalakanyine. 17Chocho anambe Yehova ngwenyi, Muno mwene mukangunyingika ngwe, Mwe Yehova. Mulumbu uno uli mu kwoko liami mungukalamba nawo meya ali mu lwiji, o kumakalumuka manyinga. 18Yishi ali mu lwiji kumakafwa, mwe lwiji kumakanuka. A-Engitu kumevwa kuzelwoka ha kunwa meya a mu lwiji. 19Yehova yamba kuli Mose ngwenyi, Ambulwila Arone akande mulumbu wenyi, akolole kwoko lienyi ha meya a mu Engitu, ni ha njiji jo, ni ha tupila two twa meya, ni ha yitende yo, ni ha mashima jo eswe a meya, hanga meya jamo akalumuke manyinga, mba kumukukapwa manyinga ndusu chifuchi cheswe cha Engitu ni mu sapa ja mutondo ni mu sapa ja mawe.
20Ni Mose ni Arone yalinga chocho ngwe Yehova aambile. Iye yazundula we mulumbu, yalamba meya apwile mu lwiji, kumeso ja Falau ni kumeso ja ngamba jenyi. Meya eswe apwile mu lwiji yalumuka manyinga. 21Yishi apwile mu lwiji yafwa, mwe lwiji yanuka, mba A-Engitu kahashile kunwa meya a mu lwiji. Kwapwile manyinga ndusu chifuchi cheswe cha Engitu. 22Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova. 23Falau yatewuluka, yanjila mu zuwo lienyi, chipwe mbunge kayiseleko, ka. 24A-Engitu ashimine mu chikulo cha lwiji akawane meya a kunwa mumu te kahashile kunwa meya a mu lwiji.
25Chize haze Yehova alambile mwe lwiji, matangwa shimbiali yahwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.