KUTUHUKA 6
6
1Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.
2Zambi yahanjika ni Mose, ngwenyi, Yami Yehova. 3Nalisolwele kuli Apalahama ni kuli Izake ni kuli Yakomba ngwami, Yami Zambi Mukwa-Ndundo-Jeswe. Alioze ku jina liami lia Yehova, o kamunyingikine. 4Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize. 5Chikwo nawa hinevwa mikuma ya A-Izalele hanaakase kuli A-Engitu mu upinji. Hinewuluka usendo wami. 6Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo. 7Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu. 8Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova. 9Mose wahanjikile chocho ni A-Izalele alioze kapanjikile kuli Mose mumu ha kulipupula cha mbunge, ni mumu ha upinji ukalu.
10Yehova yahanjika ni Mose ngwenyi, 11Yako uhanjike ni Falau mwanangana wa Engitu, akeche A-Izalele akakatuke ku chifuchi chenyi. 12Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi? 13Mba Yehova yahanjika ni Mose ni Arone nikwaaha shimbi hali A-Izalele ni hali Falau mwanangana wa Engitu, akachize A-Izalele ku chifuchi cha Engitu.
14Miata ja majiko ja akako ngwo, Rupene, mwana mutangu wa Izalele, ana jenyi a malunga akwa jiko lienyi, wano; ni Hanoke, ni Palu, ni Hezerone, ni Kame. 15Ana a malunga a Simeone akwa jiko lienyi wano; ni Yemule, ni Yamine, ni Ohate, ni Yakine, ni Zohare, ni Shalo, mwana wa umwe pwo mukwa Kanana. 16Majina ja ana a malunga a Levi nikulita ni yisemuko yo, wano; ni Ngeshone, ni Kohate, ni Merari. Mba miaka ya mwono wa Levi yapwile kulakaji lia miaka ni makumi atatu a miaka ni miaka shimbiali. 17Ana a malunga a Ngeshone nikulita ni majiko jo, wano; Lipini ni Shimei. 18Ana a malunga a Kohate, wano; ni Amarame, ni Izehare, ni Heprone, ni Uziele. Miaka ya mwono wa Kohate yapwile kulakaji lia miaka ni makumi atatu a miaka ni miaka yitatu. 19Ana a malunga a Merari, wano; ni Mahile ni Mushi, a minyachi ya A-Levi nikulita ni yisemuko yo. 20Amarame wambachile Yokepete, ndumbu wa tato. Yasema nenyi Arone ni Mose, mba miaka ya mwono wa Amarame yapwile kulakaji lia miaka ni makumi atatu a miaka ni miaka shimbiali. 21Ana a malunga a Izehare, wano; ni Kora, ni Nefwe, ni Zikiri. 22Ana a malunga a Uziele, wano; ni Mishaele, ni Elezafwa, ni Shitiri. 23Mba Arone wambachile Eleshipa, mwana wa pwo wa Aminandambe, pangi ya Nashone. Iye yasema nenyi Nandambe, ni Ambihu, ni Eleazare, ni Itama. 24Ana a malunga a Kora, akwa jiko lienyi, wano; ni Asere, ni Elekana, ni Apasa. 25Eleazare, mwana wa lunga wa Arone, wambachile umwe wa kuli ana a mapwo a Putiele. Iye yasema nenyi Finehase. Wano te miata ja akwa jiko lia akako ja A-Levi nikulita ni minyachi yo.
26E a Arone ni Mose kuli wano Yehova yamba ngwenyi, Chizenu A-Izalele ku chifuchi cha Engitu nikulita ni yizavu yo. 27O ahanjikile ni Falau mwanangana wa Engitu akachize A-Izalele ku Engitu, wano a Mose ni Arone.
28Ha tangwa lize muze ahanjikile Yehova ni Mose mu chifuchi cha Engitu, 29Yehova yamba kuli Mose ngwenyi, Yami Yehova. Hanjika ni Falau mwanangana wa Engitu chize cheswe ngunambe kuli yena. 30Kumeso ja Yehova, Mose yamba ngwenyi, Mwane, yami nguli mukwa chilimi. Ngwe kuchi Falau mahalakana kuli yami?
Currently Selected:
KUTUHUKA 6: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 6
6
1Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.
2Zambi yahanjika ni Mose, ngwenyi, Yami Yehova. 3Nalisolwele kuli Apalahama ni kuli Izake ni kuli Yakomba ngwami, Yami Zambi Mukwa-Ndundo-Jeswe. Alioze ku jina liami lia Yehova, o kamunyingikine. 4Nakolesele no usendo wami mukwaaha chifuchi cha Kanana, chifuchi cha unjize wo kuze atwamine njize. 5Chikwo nawa hinevwa mikuma ya A-Izalele hanaakase kuli A-Engitu mu upinji. Hinewuluka usendo wami. 6Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo. 7Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu. 8Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova. 9Mose wahanjikile chocho ni A-Izalele alioze kapanjikile kuli Mose mumu ha kulipupula cha mbunge, ni mumu ha upinji ukalu.
10Yehova yahanjika ni Mose ngwenyi, 11Yako uhanjike ni Falau mwanangana wa Engitu, akeche A-Izalele akakatuke ku chifuchi chenyi. 12Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi? 13Mba Yehova yahanjika ni Mose ni Arone nikwaaha shimbi hali A-Izalele ni hali Falau mwanangana wa Engitu, akachize A-Izalele ku chifuchi cha Engitu.
14Miata ja majiko ja akako ngwo, Rupene, mwana mutangu wa Izalele, ana jenyi a malunga akwa jiko lienyi, wano; ni Hanoke, ni Palu, ni Hezerone, ni Kame. 15Ana a malunga a Simeone akwa jiko lienyi wano; ni Yemule, ni Yamine, ni Ohate, ni Yakine, ni Zohare, ni Shalo, mwana wa umwe pwo mukwa Kanana. 16Majina ja ana a malunga a Levi nikulita ni yisemuko yo, wano; ni Ngeshone, ni Kohate, ni Merari. Mba miaka ya mwono wa Levi yapwile kulakaji lia miaka ni makumi atatu a miaka ni miaka shimbiali. 17Ana a malunga a Ngeshone nikulita ni majiko jo, wano; Lipini ni Shimei. 18Ana a malunga a Kohate, wano; ni Amarame, ni Izehare, ni Heprone, ni Uziele. Miaka ya mwono wa Kohate yapwile kulakaji lia miaka ni makumi atatu a miaka ni miaka yitatu. 19Ana a malunga a Merari, wano; ni Mahile ni Mushi, a minyachi ya A-Levi nikulita ni yisemuko yo. 20Amarame wambachile Yokepete, ndumbu wa tato. Yasema nenyi Arone ni Mose, mba miaka ya mwono wa Amarame yapwile kulakaji lia miaka ni makumi atatu a miaka ni miaka shimbiali. 21Ana a malunga a Izehare, wano; ni Kora, ni Nefwe, ni Zikiri. 22Ana a malunga a Uziele, wano; ni Mishaele, ni Elezafwa, ni Shitiri. 23Mba Arone wambachile Eleshipa, mwana wa pwo wa Aminandambe, pangi ya Nashone. Iye yasema nenyi Nandambe, ni Ambihu, ni Eleazare, ni Itama. 24Ana a malunga a Kora, akwa jiko lienyi, wano; ni Asere, ni Elekana, ni Apasa. 25Eleazare, mwana wa lunga wa Arone, wambachile umwe wa kuli ana a mapwo a Putiele. Iye yasema nenyi Finehase. Wano te miata ja akwa jiko lia akako ja A-Levi nikulita ni minyachi yo.
26E a Arone ni Mose kuli wano Yehova yamba ngwenyi, Chizenu A-Izalele ku chifuchi cha Engitu nikulita ni yizavu yo. 27O ahanjikile ni Falau mwanangana wa Engitu akachize A-Izalele ku Engitu, wano a Mose ni Arone.
28Ha tangwa lize muze ahanjikile Yehova ni Mose mu chifuchi cha Engitu, 29Yehova yamba kuli Mose ngwenyi, Yami Yehova. Hanjika ni Falau mwanangana wa Engitu chize cheswe ngunambe kuli yena. 30Kumeso ja Yehova, Mose yamba ngwenyi, Mwane, yami nguli mukwa chilimi. Ngwe kuchi Falau mahalakana kuli yami?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.