KUTUHUKA 8
8
1Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile. 2Nyi yena kusolo kwaecha, mungukalamba chifuchi che cheswe ni yula-ya-mbwota chize ku njiza yimwe ndo ku njiza yikwo. 3Lwiji mweswe makatakana ni yula-ya-mbwota. Meza kukanduka akanjile mu zuwo lie, ni mu chipatulo che cha kupomba, ni ha muhela we, ni mu mazuwo ja ngamba je, ni mazuwo ja atu je, ni mu forno je, ni mu mboke je ja kuchikilamo mbolo. 4E yula-ya-mbwota meza kunyina ni hali yenu, ni hali atu je, ni hali ngamba je eswe. 5Yehova yamba kuli Mose ngwenyi, Ambulwila Arone, ngwe, Olola kwoko lie ni mulumbu we ha njiji, ni ha tupila twa meya, ni ha yitende, ukandwisemo yula-ya-mbwota ha chifuchi cha Engitu. 6Arone yolola kwoko lienyi ha meya eswe a mu Engitu mba yula-ya-mbwota yakanduka, yalianyiza kweswe ku chifuchi cha Engitu. 7Yimbanda alingile chizechene ni umbanda wo, yakandwisa yula-ya-mbwota ku chifuchi cha Engitu.
8Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova. 9Mose yamba kuli Falau ngwenyi, Yena mutumina. Hi yami ko. Tangwa lika munguliumba hali yena, ni hali ngamba je, ni hali atu je, hanga yula-ya-mbwota akakuwe kuli yena ni ku mazuwo je, akasale mu lwiji wika? 10Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka. 11E yula-ya-mbwota kumakakatuka kuli yena, ni ku mazuwo je, ni kuli ngamba je, ni kuli atu je. Mu lwiji wika kumakasalamo. 12Mose ni Arone yakatuka kuli Falau. Mose yateta kuli Yehova mumu ha yula-ya-mbwota aze iye te haneha kuli Falau. 13Yehova yalinga nikulita ni liji lia Mose. E yula-ya-mbwota yafwa ni ku mazuwo, ni ku maze, ni mu yambu. 14O aakongele milumba mba chifuchi chanukine. 15Alioze muze Falau amwene ngwenyi, Kuliwima chiliko, yakalisa mbunge yenyi, kahalakanyine kuli ayo chizechene ngwe Yehova wambile.
16Yehova yamba kuli Mose ngwenyi, Ambulwila Arone ngwe, Zundula mulumbu we ulambe fufuta ya hashi hanga yialumuke yina ndusu mu chifuchi cheswe cha Engitu. 17Chocho alingile, Arone yolola kwoko lienyi ni mulumbu wenyi, yalamba fufuta ya hashi, mba yina apwile hali atu, ni hali tushitu, fufuta yeswe ndusu mu chifuchi cha Engitu yiyialumuka yina. 18Yimbanda esekele chocho ni umbanda wo kuneha yina, alioze kachihashile. Chocho kwapwile yina hali atu ni hali tushitu. 19Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.
20Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile. 21Nyi ka, nyi kuchi kwecha atu jami kuya, kumungukatuma mazaji a jiji hali yena, ni hali ngamba je, ni hali atu je, ni mu mazuwo je, mba mazuwo ja A-Engitu makazala tò ni mazaji a jiji ni ha mavu nawa haze o atwama. 22Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi. 23Hakachi ka atu jami ni atu je, yami mungukahandununa. Chilayi chino muchikapwa hamene. 24Chocho alingile Yehova. Kwahetele mazaji anene a jiji ndo mu zuwo lia Falau ni mu mazuwo ja ngamba jenyi, ewa, ndo mu chifuchi cheswe cha Engitu. Che chifuchi yichipiha mumu ha mukunda wa mazaji a jiji.
25Falau yasanyika Mose ni Arone ngwenyi, Yénu nulambule yitapo kuli Zambi yenu, muno mwene mu chifuchi. 26Mose yamba ngwenyi, Kuchatele kulinga chocho, mumu yetu mututambula kuli Yehova Zambi yetu yitapo yize muyipihila A-Engitu. Nyi mututambula kumeso ja A-Engitu ya kwapihila kumanyi o kechi kutwasa mawe nyi? 27Etu mutuya mu puya, wenyi wa matangwa atatu, tukalambule kuli Yehova Zambi yetu yitapo chizechene ngwe iye matwamba. 28Falau yamba ngwenyi, Mungunwecha nuye, nukalambule kuli Yehova Zambi yenu yitapo mu puya; chino wika, kanda nuya kusuku. Liumbenu hali yami. 29Mose yamba ngwenyi, Mwane, mungukatuka kuli yena, munguliumba kuli Yehova hanga mazaji a jiji akakatuke hamene kuli Falau, ni kuli ngamba jenyi, ni kuli atu jenyi. Chino wika, ngwami, Falau kanda ulinga ni kalimbalimba nawa kuchi kwecha atu kuya akatambule yitapo kuli Yehova. 30Mose yakatuka kuli Falau; yaliumba kuli Yehova. 31Yehova yalinga nikulita ni liji lia Mose, yachiza e mazaji a jiji kuli Falau, ni kuli ngamba jenyi, ni kuli atu jenyi. Kukwasalile chipwe umuwika, ka. 32Mba tangwa lize nawa Falau yakalisa mbunge yenyi. Kechele atu kuya, ka.
Currently Selected:
KUTUHUKA 8: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 8
8
1Mba Yehova yamba kuli Mose ngwenyi, Heta kuli Falau, umwambulwile ngwe, Chocho anambe Yehova ngwenyi, Echa atu jami aye, akangulingile. 2Nyi yena kusolo kwaecha, mungukalamba chifuchi che cheswe ni yula-ya-mbwota chize ku njiza yimwe ndo ku njiza yikwo. 3Lwiji mweswe makatakana ni yula-ya-mbwota. Meza kukanduka akanjile mu zuwo lie, ni mu chipatulo che cha kupomba, ni ha muhela we, ni mu mazuwo ja ngamba je, ni mazuwo ja atu je, ni mu forno je, ni mu mboke je ja kuchikilamo mbolo. 4E yula-ya-mbwota meza kunyina ni hali yenu, ni hali atu je, ni hali ngamba je eswe. 5Yehova yamba kuli Mose ngwenyi, Ambulwila Arone, ngwe, Olola kwoko lie ni mulumbu we ha njiji, ni ha tupila twa meya, ni ha yitende, ukandwisemo yula-ya-mbwota ha chifuchi cha Engitu. 6Arone yolola kwoko lienyi ha meya eswe a mu Engitu mba yula-ya-mbwota yakanduka, yalianyiza kweswe ku chifuchi cha Engitu. 7Yimbanda alingile chizechene ni umbanda wo, yakandwisa yula-ya-mbwota ku chifuchi cha Engitu.
8Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova. 9Mose yamba kuli Falau ngwenyi, Yena mutumina. Hi yami ko. Tangwa lika munguliumba hali yena, ni hali ngamba je, ni hali atu je, hanga yula-ya-mbwota akakuwe kuli yena ni ku mazuwo je, akasale mu lwiji wika? 10Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka. 11E yula-ya-mbwota kumakakatuka kuli yena, ni ku mazuwo je, ni kuli ngamba je, ni kuli atu je. Mu lwiji wika kumakasalamo. 12Mose ni Arone yakatuka kuli Falau. Mose yateta kuli Yehova mumu ha yula-ya-mbwota aze iye te haneha kuli Falau. 13Yehova yalinga nikulita ni liji lia Mose. E yula-ya-mbwota yafwa ni ku mazuwo, ni ku maze, ni mu yambu. 14O aakongele milumba mba chifuchi chanukine. 15Alioze muze Falau amwene ngwenyi, Kuliwima chiliko, yakalisa mbunge yenyi, kahalakanyine kuli ayo chizechene ngwe Yehova wambile.
16Yehova yamba kuli Mose ngwenyi, Ambulwila Arone ngwe, Zundula mulumbu we ulambe fufuta ya hashi hanga yialumuke yina ndusu mu chifuchi cheswe cha Engitu. 17Chocho alingile, Arone yolola kwoko lienyi ni mulumbu wenyi, yalamba fufuta ya hashi, mba yina apwile hali atu, ni hali tushitu, fufuta yeswe ndusu mu chifuchi cha Engitu yiyialumuka yina. 18Yimbanda esekele chocho ni umbanda wo kuneha yina, alioze kachihashile. Chocho kwapwile yina hali atu ni hali tushitu. 19Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.
20Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile. 21Nyi ka, nyi kuchi kwecha atu jami kuya, kumungukatuma mazaji a jiji hali yena, ni hali ngamba je, ni hali atu je, ni mu mazuwo je, mba mazuwo ja A-Engitu makazala tò ni mazaji a jiji ni ha mavu nawa haze o atwama. 22Ha tangwa lize mungukahandununa chifuchi cha Ngoshone muze mwatwama atu jami, hanga mazaji niamwe a jiji kechi kapwamo, hanga ukangunyingike ngwe, Mwe Yehova mu chifuchi. 23Hakachi ka atu jami ni atu je, yami mungukahandununa. Chilayi chino muchikapwa hamene. 24Chocho alingile Yehova. Kwahetele mazaji anene a jiji ndo mu zuwo lia Falau ni mu mazuwo ja ngamba jenyi, ewa, ndo mu chifuchi cheswe cha Engitu. Che chifuchi yichipiha mumu ha mukunda wa mazaji a jiji.
25Falau yasanyika Mose ni Arone ngwenyi, Yénu nulambule yitapo kuli Zambi yenu, muno mwene mu chifuchi. 26Mose yamba ngwenyi, Kuchatele kulinga chocho, mumu yetu mututambula kuli Yehova Zambi yetu yitapo yize muyipihila A-Engitu. Nyi mututambula kumeso ja A-Engitu ya kwapihila kumanyi o kechi kutwasa mawe nyi? 27Etu mutuya mu puya, wenyi wa matangwa atatu, tukalambule kuli Yehova Zambi yetu yitapo chizechene ngwe iye matwamba. 28Falau yamba ngwenyi, Mungunwecha nuye, nukalambule kuli Yehova Zambi yenu yitapo mu puya; chino wika, kanda nuya kusuku. Liumbenu hali yami. 29Mose yamba ngwenyi, Mwane, mungukatuka kuli yena, munguliumba kuli Yehova hanga mazaji a jiji akakatuke hamene kuli Falau, ni kuli ngamba jenyi, ni kuli atu jenyi. Chino wika, ngwami, Falau kanda ulinga ni kalimbalimba nawa kuchi kwecha atu kuya akatambule yitapo kuli Yehova. 30Mose yakatuka kuli Falau; yaliumba kuli Yehova. 31Yehova yalinga nikulita ni liji lia Mose, yachiza e mazaji a jiji kuli Falau, ni kuli ngamba jenyi, ni kuli atu jenyi. Kukwasalile chipwe umuwika, ka. 32Mba tangwa lize nawa Falau yakalisa mbunge yenyi. Kechele atu kuya, ka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.