MUKANDA WA A-EFWESU 6
6
1Yenu ana, Ononokenu kuli yisemi jenu muli Mwene, mumu chino chinate. 2Ngwo, Lemesa tatenu ni noko; yenayo ye shimbi yitangu yikwete chilakenyo, 3ngwo, Hanga chikapwe chipema ni yena, hanga ukapwe ni mwono miaka yinji mu chifuchi. 4Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.
5Yenu ndungo, Ononokenu kuli waze nikulita ni musunya anapu akakenu, ni woma, ni kuchikima, ni kutuwika cha mbunge jenu, chizechene ngwe kuli Kristu. 6Hi ni kulingila cha meso ko, ngwe akwa kupemena kuli atu, alioze chizechene ngwe ndungo ja Kristu, nikulinga upale wa Zambi ni mbunge yeswe. 7Lingenu ni vumbi ngwe kuli Mwene, hi kuli atu ko, 8se nunanyingika chuma chipema cheswacho umwe malinga, chenacho makachitambula kuli Mwene, apwe ndungo, apwe mwenya chifuchi. 9Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.
10Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi. 11Zalenu mazalo a utale eswe a Zambi, hanga nukahase kumana ni kulimika ni unjiliji wa Ndiapu. 12Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu. 13Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú. 14Manenu kashika ngú, se hinunalijichika mu zalilo jenu muya wa umwenemwene, se hinunazala chipwiko cha utale cha ululi, 15se hinunazala ha yiliato yenu kululika cha sango lipema lia sambukila. 16Alioze helu lia yeswe, andenu lukepwe wa Ufulielo, yoze munukahasa kujima nenyi mivu yeswe ya kuyila ya mwe chingulungulu. 17Andenu nawa ngalau ya ulamwino, ni katana ka Spiritu, mwenawo liji lia Zambi. 18Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe. 19Ni hali yami, hanga akangwehe kuhanjika, ha kupakula kanwa liami ni hamu, mukusolola yinyingi ya chijimbiko cha sango lipema, 20ha liyo nguli kanganda mu malenge; hanga ngukahanjike ni hamu, chizechene ngwe changutamba kuhanjika.
21Alioze hanga ni yenu nawa nukanyingike chize cha kutwala kuli yami, ngwe chize ngunatwama, Techiku, ndumbwetu wa zango, ni kavumbi wamwenemwene muli Mwene, kumakanunyingikisa yuma yeswe. 22Hingunamutumu kuli yenu ha chikuma chino chene, hanga nukanyingike chize cha kutwala kuli yetu, hanga akalembejeke mbunge jenu.
23Sambukila yikapwe kuli mandumbu, ni zango hamwe ni Ufulielo, ya kuli Zambi Tata, ni ya kuli Mwene Yesu Kristu. 24Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.
Currently Selected:
MUKANDA WA A-EFWESU 6: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MUKANDA WA A-EFWESU 6
6
1Yenu ana, Ononokenu kuli yisemi jenu muli Mwene, mumu chino chinate. 2Ngwo, Lemesa tatenu ni noko; yenayo ye shimbi yitangu yikwete chilakenyo, 3ngwo, Hanga chikapwe chipema ni yena, hanga ukapwe ni mwono miaka yinji mu chifuchi. 4Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.
5Yenu ndungo, Ononokenu kuli waze nikulita ni musunya anapu akakenu, ni woma, ni kuchikima, ni kutuwika cha mbunge jenu, chizechene ngwe kuli Kristu. 6Hi ni kulingila cha meso ko, ngwe akwa kupemena kuli atu, alioze chizechene ngwe ndungo ja Kristu, nikulinga upale wa Zambi ni mbunge yeswe. 7Lingenu ni vumbi ngwe kuli Mwene, hi kuli atu ko, 8se nunanyingika chuma chipema cheswacho umwe malinga, chenacho makachitambula kuli Mwene, apwe ndungo, apwe mwenya chifuchi. 9Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.
10Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi. 11Zalenu mazalo a utale eswe a Zambi, hanga nukahase kumana ni kulimika ni unjiliji wa Ndiapu. 12Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu. 13Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú. 14Manenu kashika ngú, se hinunalijichika mu zalilo jenu muya wa umwenemwene, se hinunazala chipwiko cha utale cha ululi, 15se hinunazala ha yiliato yenu kululika cha sango lipema lia sambukila. 16Alioze helu lia yeswe, andenu lukepwe wa Ufulielo, yoze munukahasa kujima nenyi mivu yeswe ya kuyila ya mwe chingulungulu. 17Andenu nawa ngalau ya ulamwino, ni katana ka Spiritu, mwenawo liji lia Zambi. 18Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe. 19Ni hali yami, hanga akangwehe kuhanjika, ha kupakula kanwa liami ni hamu, mukusolola yinyingi ya chijimbiko cha sango lipema, 20ha liyo nguli kanganda mu malenge; hanga ngukahanjike ni hamu, chizechene ngwe changutamba kuhanjika.
21Alioze hanga ni yenu nawa nukanyingike chize cha kutwala kuli yami, ngwe chize ngunatwama, Techiku, ndumbwetu wa zango, ni kavumbi wamwenemwene muli Mwene, kumakanunyingikisa yuma yeswe. 22Hingunamutumu kuli yenu ha chikuma chino chene, hanga nukanyingike chize cha kutwala kuli yetu, hanga akalembejeke mbunge jenu.
23Sambukila yikapwe kuli mandumbu, ni zango hamwe ni Ufulielo, ya kuli Zambi Tata, ni ya kuli Mwene Yesu Kristu. 24Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.