A-FWILIPU 1
1
1Yetu, Paulu ni Timoteu, ndungo ja Kristu Yesu.
Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:
2Vumbi kuli yenu ni sambukila ya kuli Zambi Tata yetu ni Mwene Yesu Kristu.
3Nakusakwila kuli Zambi yami ha kunwiwuluka. 4Matangwa eswe ha kuliumba chami cheswe nakuliumba hali yenu eswe ni uwahililo, 5mumu ha kulikunda chenu ni yami mu sango lipema, chize ku tangwa litangu ndo haliapwila. 6Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu. 7Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi. 8Mumu Zambi iye chela chami, chize nakunuvwila eswe usona mu zango lia Yesu Kristu. 9Chino nakulemba, hanga zango lienu likalumbame nikuliwezela mu yinyingi yeswe ni mana; 10hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu; 11nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.
12Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema. 13Chocho makana jami asotokele muli Kristu hakachi ka #1.13 Te mu Palasiu yenyi.maswalale a Sesare, ni kuli akwo eswe. 14Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.
15Amwe chamwenemwene kakwambujola Kristu ni ukwa ni vunda; alioze amwe nawa ni mbunge yipema. 16Wano chamwenemwene ni zango, nikunyingika ngwe hanangusela ha usambiso wa sango lipema; 17alioze waze kakwambujola Kristu nikulimanangana, hi ni kutuwika cha mbunge ko, kanashinginyeka kuweza ku lamba lia makana jami. 18Kuchi kevwe? Chino wika, mu yuma yeswe, chipwe, ni ulembekese, hanji ni umwenemwene, kakwambujola Kristu, ni mu chino nakuwahilila.
Ewa, munguwahilila. 19Mumu ngunanyingika ngwami, Chino muchikalinga ulamwino wami ku kuliumba chenu, ni kukwasa cha Spiritu ya Yesu Kristu. 20Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa. 21Mumu kuli yami i kupwa ni mwono, Kristu, kufwa chapwa i kufumbuka. 22Alioze kachi kupwa ni mwono mu mujimba, kachi chino muchipwa mihuko ya ku milimo yami, kachi chize mungutongola Chanyingikine. 23Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana. 24Alioze kusala mu mujimba chinatambe hiana, mumu hali yenu. 25Mba se ngunalikolela ha chino, ngunanyingika ngwami, Mungusala, ewa, mungukatwama hamwe ni yenu eswe, mukunusenyesa kulutwe ni uwahililo wenu mu Ufulielo; 26hanga kulisamba chenu chikalumbame muli Kristu Yesu hali yami ku kuheta chami kuli yenu cheka nawa.
27Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema. 28Kanda nususuka nichimwe kuli akwa kulimika: chize chapwa kuli ayo chinyingi chamwenemwene cha kwonwona, alioze kuli yenu chinyingi cha ulamwino, uze wa kuli Zambi. 29Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye. 30Se nuli ni kulitachika chimuwika chize nwamwene muli yami, ni haliapwila nunevu ngwo, Chili muli yami.
Currently Selected:
A-FWILIPU 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
A-FWILIPU 1
1
1Yetu, Paulu ni Timoteu, ndungo ja Kristu Yesu.
Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:
2Vumbi kuli yenu ni sambukila ya kuli Zambi Tata yetu ni Mwene Yesu Kristu.
3Nakusakwila kuli Zambi yami ha kunwiwuluka. 4Matangwa eswe ha kuliumba chami cheswe nakuliumba hali yenu eswe ni uwahililo, 5mumu ha kulikunda chenu ni yami mu sango lipema, chize ku tangwa litangu ndo haliapwila. 6Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu. 7Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi. 8Mumu Zambi iye chela chami, chize nakunuvwila eswe usona mu zango lia Yesu Kristu. 9Chino nakulemba, hanga zango lienu likalumbame nikuliwezela mu yinyingi yeswe ni mana; 10hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu; 11nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.
12Alioze mandumbu, ngunazange nunyingike ngwe yuma yize yanguwanyine hiyinapu ya kusenyesa kulutwe lie sango lipema. 13Chocho makana jami asotokele muli Kristu hakachi ka #1.13 Te mu Palasiu yenyi.maswalale a Sesare, ni kuli akwo eswe. 14Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.
15Amwe chamwenemwene kakwambujola Kristu ni ukwa ni vunda; alioze amwe nawa ni mbunge yipema. 16Wano chamwenemwene ni zango, nikunyingika ngwe hanangusela ha usambiso wa sango lipema; 17alioze waze kakwambujola Kristu nikulimanangana, hi ni kutuwika cha mbunge ko, kanashinginyeka kuweza ku lamba lia makana jami. 18Kuchi kevwe? Chino wika, mu yuma yeswe, chipwe, ni ulembekese, hanji ni umwenemwene, kakwambujola Kristu, ni mu chino nakuwahilila.
Ewa, munguwahilila. 19Mumu ngunanyingika ngwami, Chino muchikalinga ulamwino wami ku kuliumba chenu, ni kukwasa cha Spiritu ya Yesu Kristu. 20Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa. 21Mumu kuli yami i kupwa ni mwono, Kristu, kufwa chapwa i kufumbuka. 22Alioze kachi kupwa ni mwono mu mujimba, kachi chino muchipwa mihuko ya ku milimo yami, kachi chize mungutongola Chanyingikine. 23Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana. 24Alioze kusala mu mujimba chinatambe hiana, mumu hali yenu. 25Mba se ngunalikolela ha chino, ngunanyingika ngwami, Mungusala, ewa, mungukatwama hamwe ni yenu eswe, mukunusenyesa kulutwe ni uwahililo wenu mu Ufulielo; 26hanga kulisamba chenu chikalumbame muli Kristu Yesu hali yami ku kuheta chami kuli yenu cheka nawa.
27Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema. 28Kanda nususuka nichimwe kuli akwa kulimika: chize chapwa kuli ayo chinyingi chamwenemwene cha kwonwona, alioze kuli yenu chinyingi cha ulamwino, uze wa kuli Zambi. 29Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye. 30Se nuli ni kulitachika chimuwika chize nwamwene muli yami, ni haliapwila nunevu ngwo, Chili muli yami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.