MUKANDA WA A-EFWESU 5
5
1Kashika pwenu akwa kwimbulula Zambi, ngwe ana aze anaazange chikolo. 2Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.
3Alioze utanji, ni luchisa mweswe, chipwe kuzo, kanda ayivuluka hakachi kenu nichimwe, ngwe chinatela asandu; 4chipwe pande ja sonyi, chipwe miselo ya uhepuke, hanji lwelia yoze katelele, alioze Shinaho nupwe nikusakwila. 5Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi. 6Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia. 7Kanda nulikata no. 8Mumu yenu nwapwile milima ha miaka ya kunyima, alioze haliapwila nuli pangu muli Mwene: endenu chizechene ngwe akwa pangu, 9(mumu mihuko ya pangu yinasoloka ni upeme weswe ni ululi ni umwenemwene); 10esekenu chize chakupemena chikolo kuli Mwene. 11Kanda nuliendela ni yitanga ya kuseka ya milima, alioze Shinaho kuyikanjisa. 12Mumu yuma yize o akulinga ku tenga, yikola sonyi chipwe kuyivuluka. 13Mumu yuma yeswe, muze maakumikayo, mayisolola ku pangu: mumu chize chakusolola yuma yeswe, pangu. 14Kashika kanambe ngwenyi,
Laula, yena uli mu tulo, uhinduke hakachi ka afu,
ni Kristu makakutemukina.
15Talenu kanawa kashika ngwe chize nunende, hi ngwe waze keshi mana ko, alioze ngwe akwa mana; 16Kulenu we mwaka, mumu matangwa ano api. 17Kashika kanda nukazuzuka, alioze nyingikenu chize wapwa upale wa Mwene. 18Kanda nuzengewa ni vinyu, mu yenayo muchili chimbangwinya, alioze zalenu ni Spiritu. 19Nukalihanjikile umwe kuli mukwo ni masamu, ni miaso, ni mimbo ya Spiritu, nikwimba nikutangula mu mbunge jenu kuli Mwene; 20nikusakwila matangwa eswe ha yuma yeswe mu jina lia Mwene wetu Yesu Kristu kuli Zambi kanda mwe Tata.
21Lizeyelenu umwe kuli mukwo mu woma wa Kristu. 22Mapwo, zeyelenu kuli akwenumalunga, chizechene ngwe kuli Mwene. 23Mumu lunga iye mutwe wa mukwo-pwo, chizechene ngwe Kristu nawa iye mutwe wa chikungulwila, iye chilamwina cha mujimba. 24Alioze chizechene ngwe chikungulwila kuchakuzeya kuli Kristu, chocho nawa mapwo akazeye kuli akwo-malunga mu yuma yeswe. 25Yenu malunga, zangenu akwenumapwo, chizechene ngwe Kristu nawa wazajayile chikungulwila, walikunjikile ha chiyo; 26hanga akachisele chisandu, akachipemese ku kusanyisa cha meya ni tachi ja liji, 27hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia. 28Chocho nawa chatamba malunga kuzanga akwo-mapwo chizechene ngwe mijimba yo ene. Yoze mazanga mukwo-pwo, malizanga mwene, 29mumu niumwe mapwa ni kole ha musunya wenyi mwene nilimwe tangwa, alioze maulela, maufunga, chizechene ngwe Kristu nawa kakulinga ku chikungulwila. 30Mumu yetu tuli yihanda ya mujimba wenyi, ni ya musunya wenyi, ni ya yifwaha yenyi. 31Ha chikuma chino, mutu akahichike tato ni naye, akalinunge ni mukwo-pwo; ni e aali kumakapwa musunya umuwika. 32Chijimbikilo chino chinene: alioze ngunahanjika ha kutwala kuli Kristu ni chikungulwila. 33Hindu ni yenu nawa, eswe, mutu ni mutu, akazange chocho mukwo-pwo, chizechene ngwe analizange iye mwene; ha kutwala kuli pwo akavwile woma mukwo-lunga.
Currently Selected:
MUKANDA WA A-EFWESU 5: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MUKANDA WA A-EFWESU 5
5
1Kashika pwenu akwa kwimbulula Zambi, ngwe ana aze anaazange chikolo. 2Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.
3Alioze utanji, ni luchisa mweswe, chipwe kuzo, kanda ayivuluka hakachi kenu nichimwe, ngwe chinatela asandu; 4chipwe pande ja sonyi, chipwe miselo ya uhepuke, hanji lwelia yoze katelele, alioze Shinaho nupwe nikusakwila. 5Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi. 6Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia. 7Kanda nulikata no. 8Mumu yenu nwapwile milima ha miaka ya kunyima, alioze haliapwila nuli pangu muli Mwene: endenu chizechene ngwe akwa pangu, 9(mumu mihuko ya pangu yinasoloka ni upeme weswe ni ululi ni umwenemwene); 10esekenu chize chakupemena chikolo kuli Mwene. 11Kanda nuliendela ni yitanga ya kuseka ya milima, alioze Shinaho kuyikanjisa. 12Mumu yuma yize o akulinga ku tenga, yikola sonyi chipwe kuyivuluka. 13Mumu yuma yeswe, muze maakumikayo, mayisolola ku pangu: mumu chize chakusolola yuma yeswe, pangu. 14Kashika kanambe ngwenyi,
Laula, yena uli mu tulo, uhinduke hakachi ka afu,
ni Kristu makakutemukina.
15Talenu kanawa kashika ngwe chize nunende, hi ngwe waze keshi mana ko, alioze ngwe akwa mana; 16Kulenu we mwaka, mumu matangwa ano api. 17Kashika kanda nukazuzuka, alioze nyingikenu chize wapwa upale wa Mwene. 18Kanda nuzengewa ni vinyu, mu yenayo muchili chimbangwinya, alioze zalenu ni Spiritu. 19Nukalihanjikile umwe kuli mukwo ni masamu, ni miaso, ni mimbo ya Spiritu, nikwimba nikutangula mu mbunge jenu kuli Mwene; 20nikusakwila matangwa eswe ha yuma yeswe mu jina lia Mwene wetu Yesu Kristu kuli Zambi kanda mwe Tata.
21Lizeyelenu umwe kuli mukwo mu woma wa Kristu. 22Mapwo, zeyelenu kuli akwenumalunga, chizechene ngwe kuli Mwene. 23Mumu lunga iye mutwe wa mukwo-pwo, chizechene ngwe Kristu nawa iye mutwe wa chikungulwila, iye chilamwina cha mujimba. 24Alioze chizechene ngwe chikungulwila kuchakuzeya kuli Kristu, chocho nawa mapwo akazeye kuli akwo-malunga mu yuma yeswe. 25Yenu malunga, zangenu akwenumapwo, chizechene ngwe Kristu nawa wazajayile chikungulwila, walikunjikile ha chiyo; 26hanga akachisele chisandu, akachipemese ku kusanyisa cha meya ni tachi ja liji, 27hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia. 28Chocho nawa chatamba malunga kuzanga akwo-mapwo chizechene ngwe mijimba yo ene. Yoze mazanga mukwo-pwo, malizanga mwene, 29mumu niumwe mapwa ni kole ha musunya wenyi mwene nilimwe tangwa, alioze maulela, maufunga, chizechene ngwe Kristu nawa kakulinga ku chikungulwila. 30Mumu yetu tuli yihanda ya mujimba wenyi, ni ya musunya wenyi, ni ya yifwaha yenyi. 31Ha chikuma chino, mutu akahichike tato ni naye, akalinunge ni mukwo-pwo; ni e aali kumakapwa musunya umuwika. 32Chijimbikilo chino chinene: alioze ngunahanjika ha kutwala kuli Kristu ni chikungulwila. 33Hindu ni yenu nawa, eswe, mutu ni mutu, akazange chocho mukwo-pwo, chizechene ngwe analizange iye mwene; ha kutwala kuli pwo akavwile woma mukwo-lunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.