2 A-TESALONIKA 3
3
1Ha kusula, mandumbu, lembenu hali yetu, hanga liji lia Mwene likatambuke, likafumane, chizechene ngwe hakachi kenu; 2hanga tukapuluke kuli yihepuke ni yingulungulu; mumu hi eswe ko ali ni Ufulielo. 3Alioze Mwene wamwenemwene, mwenawo kumakanujikijisa, makanufunga ku yipi. 4Tunalikolela kuli Mwene ha kutwala kuli yenu, ngwetu, Nwakulinga, hindu munukalinga yuma yize tunanwambe. 5Mwene akatondekeze kama mbunge jenu ku zango lia Zambi, ni ku uhumikizo wa Kristu.
6Achi, shimbi tunanwehe, mandumbu, mu jina lia Mwene wetu Yesu Kristu, ngwetu, Nukalihandunune kuli ndumbu mweswe menda ni kulumbuka, keshi kwenda nikulita ni ndongo yize nwatambwile kuli yetu. 7Mumu nunanyingika yenwene ngwe chize Chanutamba kutwimbulula; mumu kutwendele ni kulumbuka hakachi kenu; 8chipwe kutwahle mbolo chawana kuli niumwe, alioze nikukilikita nikuhondangana, twalingile ufuku ni mwalwa, hanga kutuchi kalemena niumwe hakachi kenu. 9Kuchapwile ngwe kutushi chiyulo, alioze hanga tukalisele chilweza kuli yenu, hanga nukatwimbulule. 10Mumu chipwe muze twapwile hamwe ni yenu, chino twanwambile, ngwetu, Nyi umwe kazangile kulinga milimo, kanda alia. 11Mumu tunevu ngwo, Kwali amwe anende hakachi kenu ni kulumbuka, waze keshi kulinga milimo niyimwe, alioze kapwa akwa kalundanganyishi. 12Achi wano, shimbi tunaahe, tunaashinjila muli Mwene Yesu Kristu, akahole, akalinge milimo, akalie mbolo yo ene. 13Alioze yenu, mandumbu, kanda nulezumuka ha kulinga kanawa.
14Nyi kachi umwe keshi kwononoka ku liji lietu ku mukanda uno, nukamuse chinyingi, kanda nukaliendela nenyi, hanga akevwe sonyi. 15Hindu kanda numunyonga ngwe mukwa kole, alioze nukamukanyamise ngwe ndumbu.
16Haliapwila Mwene wa sambukila iye mwene akanwehe sambukila matangwa eswe mu majila eswe. Mwene apwe hamwe ni yenu eswe.
17Kumeneka cha yami Paulu, ni kwoko lia yami mwene, chenacho chinyingi mu mitonda yeswe, chocho nakusoneka. 18Vumbi lia Mwene wetu Yesu Kristu lipwe hamwe ni yenu eswe.
Currently Selected:
2 A-TESALONIKA 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
