2 A-KORINDU 10
10
1Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu. 2Ewa, ngunaliumbu kuli yenu, hanga muze mungupwa hamwe ni yenu chichi kahamuka ni Ufulielo uze ngunashinginyeka kuhamuka nawo kuli amwe, waze akutumona ngwe twakwenda nikulita ni musunya. 3Mumu chipwe twakwenda mu musunya, kutushi kwasa jita nikulita ni musunya. 4(Mumu yitwa yetu ya jita hi ya musunya ko, alioze ya tachi nikulita ni Zambi ya kupupa yuma ya tachi;) 5twakupupa malinjekela ni yuma yeswe ya kwilu, yize yakulinangamisa kulimika ni chinyingi cha Zambi, twakutwala manyonga eswe ku ufunge akononoke kuli Kristu; 6tunazange kukala uhulia weswe muze kwononoka chenu muchimanunuka.
7Yenu nwakutala yuma yili kulutwe lia meso jenu. Kachi umwe malikolela ngwenyi, Yami wa Kristu, ashinginyeke chino cheka nawa ni muli iye mwene, chizechene ngwe iye wa Kristu, chocho nawa yetu tuli a Kristu. 8Mumu chipwe mungulisamba chimwe chahiana ha kutwala ku chiyulo chetu (chize hanatwehe Mwene mukunukolesa, hi mukunulimbwisa ko), kechi hangukolesa sonyi: 9hanga chichi kupwa ngwe mungunuvwisa woma chikolo ku mikanda yami. 10Mumu kanambe ngwo, Mikanda yenyi yilemu, ya tachi; alioze iye mwene mu mujimba mulelu, ni kuhanjika chenyi chamokomoko. 11Umwe ngwe yono ashinginyeke chino, cheswacho tuli ni liji lia mu mikanda muze kutushiko, chizechene nawa twapwa ni yilinga muze mutupwa hamwe ni yenu. 12Mumu kutushi kuhamuka kulialula hanji kulipalakenya ni amwe a kuli waze akulisangalisa: alioze ayo ene nikulieseka ene ni ene, nikulipalakenya ene ni ene keshi malinjekela.
13Alioze kutuchi kalisamba kuhiana cheseko chetu, alioze nikulita ni cheseko cha njiza, yize hanatwanyina Zambi, ngwe cheseko cha kuheta ndo kuli yenu. 14Mumu kutushi kuzoza kuhiana naye, ngwe kachi kutwahetele ndo kuli yenu ni sango lipema lia Kristu: 15kutushi kulisamba kuhiana naye, ngwe mutunjila mu kukilikita cha mukwo, ka; alioze twakutalatala, ngwe mu kutatuka cha Ufulielo wenu, mutukatoha hakachi kenu nikulita ni njiza yetu ndo ku kuhiana nawa. 16Hanga tukambujole sango lipema kuze kanda lia yenu, hi nikulisamba ko ha njiza ya mbala ayilulikile kulu. 17Alioze yoze malisamba akalisambe muli Mwene. 18Mumu hi yoze ko malisangalisa mamusela Shindakenyo yipema, alioze yoze Mwene mamusangalisa.
Currently Selected:
2 A-KORINDU 10: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
