Rom 10

1Mu ndere hian, io ha soling ndro Jehova, io ha lengi i, Ndorlaben i bolumiasu Israel. 2Io dono vong le ndro mu, su da bo mburer ad Jehova, su de hinen i hian monen bui, de dansu mburer ad Jehova bugane. 3Su hanguruen ge mburer asu, su de hinen i bui, dege Jehova i ha lengi. 4Jesu Kristo, i gin hinen nongen ad Mose boen. Homo ma homo i da boro ndoui ad Jesu Kristo i mamaren ge. 5Mose gin hondre dugian: Be hom ndramed i hinen longu masigane dege bohon gin bai, i de somad bui, i mamaren ge. 6Mburer ad Jehova i vong dege ogoro: Mbue hanguruen le bergolm: Sie i beg gobad le gor lundielang, beg rui Kristo le boan. 7De: Sie i la ndogun beg rui Kristo le belengan i da ginmad. 8Hanguruen monen i dege ogoro, su da gin hondre goru: Nongen i da baghege ndro uo, i da le bohom, i da le bergolm, nongen hian ge ber lang iou gin boro i, iou bohernou leri. 9Be uo boharni gle bohom: Jesu i Ndorlaben adem, be uo danem boro le bergolm, Jehova gin hingeni Jesu le ngad aden, uo horuan, uo mamaren ge. 10Bergoldu i boro ndoui aden, bohodu i da boharni le aden, iou da mamaren gleri. 11Dege su gin hondre dugian: Ar homo ir belengeni i, de belengen dahed bui. 12Ndorlaben i hanguruen mandrsu ndramed bui, i de hanguruen bui ogoro su Juda, ma ogoro su Greg, i Ndorlaben homo ge, asu masi, i hengen le ndro su bulhe, su da soling ndro i. 13Homo ma homo i eloh ngarn ad Ndorlaben, Ndorlaben i rumburdi i. 14Su loh ngarn aden derbe, be su de gin boro ndoui aden bugane, dansu boro ndoui aden derbe, be su de gin hirong heb le aden masou, dansu hirong nongen aden derbe, ar homo de bohernou de la ndro su bui. 15Su da bohernou le ndro su derbe, be homo de gin rendegien su bui, dege su gin hondre goru: Ndegesu horuan ge, su da hilou, su da bohernou longu hian ber lang. 16Su masigane su da gin hirong longu ber lang de delengasu le nongen ogo bui, dege Jesaia i bai: Ndorlaben, sie delengan le bohernou adu? 17Kristo i da rendegien su, su gobhernou le ndro su, su da bohernou le ndro su, su boro ndoui ad Ndorlaben. 18Malabo io ndemani longu hendre: Su de gin hirong nongen ad Jehova masou? Su gin hirong i, nongen ad Ndorlaben gin hilou le gor masigane ber boan, nongen ad Ndorlaben gina le horo ma le horo le gor ma gor bosanged. 19Malabo io ndemani longu hendre lie, su Israel dansu longu ber lang hian bui, de derbe? Su dansu i, Mose i gin bai le asu: su da gin gahi io bui, su ge, su dansu io, su da gin Gus ademu le ndro su, su lao ordo bui, ndrnemu i mah le asu, hanguruen asu i da heb monen bui. 20Boen Jesaia i gin bai: Su ge su gin danoni io, hanguruen io bui. 21Ma i hondre le asu Israel dege ogoro: Rang si bing si nemo gina le ndro su, io beg bogarni su, io gin bo mburer dahed, delengasu le nongen ordo, bui, bergolsu ndoun ndoun ge.

Currently Selected:

Rom 10: LLENT

Highlight

Copy