Philipi 3
3
Paulus i henunuen su Kristen, su gmenda derbe.
1Mu ndere ordo, ha mugmug ge le ngarn ad Ndorlaben ar io hondre le ndro mu longu dege ogoro bersi e bersilie, aga i hian ge, i danen sobani mu ge. 2E lele su mui, su ndramed su da bo mburer momen ge, e lele su gamel, su da sindrdi ge. 3Iou ge, iou lao ad Jehova hohunan, iou da bo mburer ad Jehova gle meluadu, iou ha mugmug ge le ad Jesu Kristo, iou da hanguruen longu hendre e hendre molhe ber boan bui. 4Io dono mugueni longu hendre e hendre hian ordo lie, ar homo, de homo i mugueni longu aden ber boan ogo, io dono hinen i hanu. 5Be bing ordo manondruo, su gin sindrdi mondro, gelman asu Juda. Io homo asu Israel, io homo ber um ad Benjamin, io homo asu Hebru, mburer ordo mburer ad hom Pharisi. 6Io gin bo mburer ad Jehova ndoun ge. Io gin hingismad su lao ad Jesu, io gin hanguruen nongen ad Mose hian monen ge. 7Longu hendre e hendre ogo io gin mugueni i goru, malabo ge io gin bieni i, aga molhege me ndro io, aga momen ge le ngarn ad Kristo. 8Longu hendre e hendre aga momen ge, longu hendr ge i hian: Aga Jesu Kristo, Ndorlaben ordo, io mugmug ge, io dono i io gin bieni longu masigane le ngarn aden. Io hanguruen longu masigane ber boan, aga molhege, io hanguruen longu hendre ge, io ha lengi Kristo ge. 9Io ha lengi i, Kristo i hanguruen io lie, io homo i de hanguruen longu hendre de hendre hian aden bui, io na ge monen gle nongen ad Mose bui. Io na ge monen gle mburer ordo hian bugane, io na ge monen le ndoui ad Jesu Kristo ge, io na ge monen gle ndoui ad Jehova, i ge, i hinen io monen ge. 10Io ha leng dono i, io ha leng dono ndoui aden ge, gle ndoui ogo i gin ndne lie le ngad aden. Io ha lengi la born ndro Kristo, beg ibdi ngendian aden gme ndro io. Io ha lengi, bern ordo i dege bern aden ge, io dege i ge, be io na gmed. 11Io ha lengi, io gedne lie le ngad ordo bersi muren. 12Io de gin boro longu ogo hian masou, io gina monen gane masou, io hilou ge, io ha leng boro i. Jesu Kristo i gin bordoui io hanu. 13Mu ndere hian, io de hanguruen bui, io gin boro i boen. Longu hendre ge io hinen i, golo i ndud longu masi ber goru, io hilou ge io ha leng boro ge longu hendre i da le bormoro. 14Io hilou ge io ha leng bordoui memrad hian ge i da manan hebe, memrad hian ge ber lang, Jehova i beg hengeni me ndro io le ngarn ad Jesu Kristo.
15Iou masigane, iou na ge montn gle ndoui ad Kristo, io ha leng hanguruen dagara lie. Ar homo i de danen hanguruen hian monen gle longu ogo masou, Jehova, i ge i ghenunuen mu gleri. 16Hian, be i gin henunuen mu le longu hendre e hendre ghanguruen i gle hian le bergolmu, girgai monen ge le sal ademu, dege Ndorlaben gin henunuen mu leri.
17Mu ndere hian, ir ndrbom sal ordo, ha lele su, su ha dogi dege iou gin dogi. 18Su mabosanged su de dogi monen bui, su bo iil le ndro Kristo, su mbueresu beldigei ad Kristo, aga io gin bai le ndro mu goru, malabo io boi le ndro mu bersilie, bergolo i reng leri: Su ndremda rah ad Kristo. 19Su gina momen ge, be su na gmed, gan e mandrn i ndorlaben asu, su hanguruen ge longu hendre e hendre ber boan. 20Iou ge, iou hanguruen gor lundielang, aga gor adu, iou ha belengeni Ndorlaben Jesu Kristo, i gmeher lie, beg rumburdi du. 21Boen ir belueni mandru ber boan ogo, iou ibdi mandrn ber engerang ge, iou ibdi mandrn ad Ndorlaben Kristo. Aga i hinen i gle ndoui aden, i danen rui su gor masi gle ndoui ogo.
Currently Selected:
Philipi 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
