Philipi 2
2
1Ar io ndemani mu le longu hendre io ndemani mu le ngarn ad Kristo. Hian ha somui ri, goloisden mu ge. Ar Meluan Helian i da le bergolmu, ar golnisden ad Kristo i da ndro mu, ar danmu golnisden lie, 2hian hengen me ndro io, io ha mugmug manden gle longu dege ogoro: Ghanguruen gmonen bersi mu masigane, golmgisden homo ma homo, girgai gmonen le sal hasel bersi. 3Mbue hinen longu hendre le hanguruen momen, hian ghanguruen monen ge le bergolmu hom le ndro homo, mbue hanguruen uo hanu le ad ndern. 4Mbue hanguruen longu adem ge, hian osbani nderm gle longu adem lie. 5Hian hanguruen ademu, bern ademu i dege bern ad Jesu Kristo. 6Goru i da le mandrn ad Jehova ge. I de gin ibdi memrad ber lang gle aden bui, 7i gin bieni engerang aden i ibdi mandrn ad hom lao dandendegei, ad hom ndramed ber boan ge. Mandrn aden i dege mandrn ad hom ndramed ndangen. 8I hom Ndorlaben bui, i delengan le nongen ad Jehova, mabenan i ginmad, ehe, mabenan i ginmad le beldigei. 9Malabo Jehova gin hinen i le Ndorlaben, i gin daui ngarn manden le ndro i, ngarn aden i manden hanu le asu ngarsu masigane. 10Su godurhu ngondrnegesu le ngarn ad Jesu su masigane ber lang, su masi ber boan, ma su masi su da le lundieboan. 11Germesu masigane su gobharni, Jesu Kristo i Ndorlaben ge, su mugueni Jehova Damen gleri. 12Mu ndere hian, goloisden mu, mu da delengan le nongen ad Jehova sidegesi hian, gob mburer dege mu gin hinen i be io do da le gor ademu, ghinen i malabo lie, io do da manan ge: Gob mburer le longu ber lang, ha noh, ha rerr, debosan mu glos. 13Jehova, i ge i ghinen i, bergolmu ghanguruen longu ber lang, mu ndoa le ghinen i ge. Aga mburer ad Ndorlaben ge i da hinen i, i voaniso ademu. 14Mbue bangondrngondr ar mu hinen longu hendre. 15Io ha lengi i, mu ghinen longu masigane hian monen ge, boen mu mbunana ad Jehova monen ge le molengasu ndramed momen ber boan. Io ha lengi, mu hinganen dege su biri ber lang, le gor ndrogum ber boan ogo. 16Ar mu boro nongen ber lang, i da mamaren ge, aga i hian me ndro io, io ha mugmug ge le rang ad Kristo, ar Ndorlaben i gmeher lie. Io dono longu hendre ge. Io de gin hilou molhe bui, io de gin bo mburer dahed bugane. 17Be su harengeni ndrai ordo, io ha leng dohor ndrai ordo le ndro Ndorlaben. Io mugmug gleri. Mu masi, mu ha mugmug la born ndro io. 18Hian, ha mugmug la born ndro io.
Heb nongen le ad Timoteus sor Epavroditus.
19Io hanguruen gle ndoui ad Ndorlaben Jesu, io dono rendegien le ndro mu Timoteus heb eluen bui muren. Aga i hian me ndro io lie, be io dono, mu hi derbe, mu hian de bui. 20Homo i da ndro io bui dege Timoteus, i da hanguruen hian ge le ademu. 21Su masigane su hanguruen longu asu ge, su de hanguruen mburer ad Jesu Kristo bui. 22I ge, i gin bo mburer ad Ndorlaben monen ge, aga danmu, ehe, i dege ndurn le ndro damen, i gin sobani io le mburer ordo dagara. 23Io hanguruen, io dono rendegien i le ndro mu roud, be io dono heb le longu ordo monen ge. 24Io dono i gle ndoui ad Ndorlaben, io gmeher ndro mu lie heb eluen bui muren. 25Io gin hanguruen, aga i hian, aga i monen ge, ar io rendegien mul le ndro mu ndere, i da gin sobani io le mburer ordo, i da gin bo iil bahun ad Jehova la born ndro io, aga Epavroditus. Mu gin rendegien i me ndro io goru. I gin daui memrad ademu, mu gin hengen me ndro io le nemo. 26Bergoln gunuen hi bui le ndro mu masi, i de danen hengang heb hian bui be i gin hirong i, ngarnongen le sik aden gin hilou ndro mu. 27Aga ndangen baghege i ginmad, Jehova ge gin ibdi gahaloseli le ndro i, le ndro i ge, bui, me ndro io dagara lie, debosan ndrno i gosusngo le longu ogo. 28Malabo io beg rendegien i le ndro mu roud, ar mu ilndri bormarn, mu ha mugmug ge. Aga i hian me ndro io lie. 29Hian ha somui le aden, le ngarn ad Ndorlaben ha mugmug leri, gabmugueni su ndramed dege i. 30Baghege i ginmad, i gin hanguruen mburer ad Kristo ge, i de gin hanguruen mandrn bui, i gin sobani io dege mu de danmu hinen i bui, mu da le gor manan ge.
Currently Selected:
Philipi 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
