Jakobus 3
3
Mbue absou nongen molhege de nongen momen.
1Mu ndere, mbue hanguruen mburer ber lodu, aga mburer hian ge le ndro mu, ghanguruen i, gord ad Jehova i gmeher hanu le ndro su ndremda hernou, be su dogi monen bui. 2Iou masigane iou heb monen bui, iou da bo longu momen hendre e hendre, be nongen ad hom ndramed i monen gane, aga i hom ndramed monen ge, ir ndounen mandrn, sengen aden. 3Be iou daui le bohosu hors heb ndes ber aiern, su delengasu le nongen adu, dandu dulieni su dege iou ha lengi. 4E lele, su ndol mandromai ior manden i huri su le horo ma le horo, dandu ndounen su le mburndol mandehege, ndol i hilou ge dege ndramed mburndol i ha lengi i. 5Dagara germen ad hom ndramed, i longu ber mandrn ad ndramed mandehege, i danen bo longu manden ge, be homo i lug bohon monen ge. E lele, heb moan mandehege i danen hesul lonhou manden gane. 6Germen i dege heb moan, i danen bo longu momen hanu le ad mandrn masi, i danen hinen mandru masi segdan. I danen bo momen me ndro du, iou gina momen gane ri, ndangen i dege moan manden, be Satan i gin singeni i. 7Ndramed ber boan i gin ndounen longu masi ber lonhou, ndegen mahagal, ndorgan masi ber belengan, su moad ma longu ber ndas dege i gin hinen i sidesi, 8ndramed ogo i danen ndounen longu masigane ogoro, i de ndoa le germen aden bui, longu ogo mandehege i momen manden, i beb ge le dungian. 9Dandu mugueni Ndorlaben, i Damen adu gle germedu, dandu boii e rodi su ndramed leri, su ndramed, Jehova gin mengseni su, sameluan ad Jehova. 10Le bohon si ge iou hengen su, ma iou boii su. Aga i de heb monen bui, mu ndere hian. 11Ndran ngahan, e ndran hian i da le ndogun si bui. 12Mu ndere hian, gei heie mbuegei hian, e ngahan i da ndro i bugane. Dagara heb ndran hian i da le ndas bugane.
13Sie ademu i da hanguruen hian monen le bergolmu ie? I ogo i bosilieni me ndro du mburer aden, i gdogi monen ge le sal aden. 14Be mu gorni gus le bergolmu, mbue bahilou le nongen ademu, ar mu hanguruen, mu gdogi monen ge. 15Ar homo i da gorni dege ogoro, i de danen heb longu hian ber belengan masou, aga bern asu ber gor ad Satan ge. 16Be ndrnesu ndramed i mah, i irgu, logna asu i logna ber bahun ge, bern asu momen ge. 17I ge, i da gin ibdi bern hian ber lang, i voaniso benu ge, hanguruen aden i monen ge, de bahilou bui, i delengan le nongen ber lang, i ha dogi munie, ibdi gahaloseli le ndro su, i danen boro ndoui ber lang hian ge, i de gorni gus aden le bergoln bui. 18Aga mbuegei hian ber lang, Ndorlaben gin ilgi begen hian le beleng, hanu i reg hian ge le bergolsu, voasuiso benu, su bo mburer le benu.
Currently Selected:
Jakobus 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
