Popular Bible Verses from Jakobus 3

Share

I ge, i da gin ibdi bern hian ber lang, i voaniso benu ge, hanguruen aden i monen ge, de bahilou bui, i delengan le nongen ber lang, i ha dogi munie, ibdi gahaloseli le ndro su, i danen boro ndoui ber lang hian ge, i de gorni gus aden le bergoln bui.

Sie ademu i da hanguruen hian monen le bergolmu ie? I ogo i bosilieni me ndro du mburer aden, i gdogi monen ge le sal aden.

Aga mbuegei hian ber lang, Ndorlaben gin ilgi begen hian le beleng, hanu i reg hian ge le bergolsu, voasuiso benu, su bo mburer le benu.

Be ndrnesu ndramed i mah, i irgu, logna asu i logna ber bahun ge, bern asu momen ge.

Dandu mugueni Ndorlaben, i Damen adu gle germedu, dandu boii e rodi su ndramed leri, su ndramed, Jehova gin mengseni su, sameluan ad Jehova. Le bohon si ge iou hengen su, ma iou boii su. Aga i de heb monen bui, mu ndere hian.

Germen i dege heb moan, i danen bo longu momen hanu le ad mandrn masi, i danen hinen mandru masi segdan. I danen bo momen me ndro du, iou gina momen gane ri, ndangen i dege moan manden, be Satan i gin singeni i.

ndramed ogo i danen ndounen longu masigane ogoro, i de ndoa le germen aden bui, longu ogo mandehege i momen manden, i beb ge le dungian.

Mu ndere, mbue hanguruen mburer ber lodu, aga mburer hian ge le ndro mu, ghanguruen i, gord ad Jehova i gmeher hanu le ndro su ndremda hernou, be su dogi monen bui.