Galatia 1
1
Heb nongen hanu.
1Io Paulus, hom Apostel, su ndramed de gin rendegien i le mburer aden bui, hom ndramed de gin sobani i le mburer ogo bui, Jesu Kristo ge, e Jehova Damen, i da gin hingeni i le ngad aden. I ge, gin loh io le mburer ogo. 2Io, ma su ndere masi, su da ndro io, iou beani nongen hian ge le ndro su lao ad Kristo ber Galatia. 3Golnisden ad Ndorlaben, mandri ad Jehova, i Damen adu, e mandri ad Ndorlaben adu Jesu Kristo i da ge ndro mu. 4Kristo i gin hengen mandrn e ndoui aden me ndro du le surien longu adu momen, le rumburdi du le gor ogo momen, dege Jehova e Damen adu i ha lengi i. 5Iou bamugueni i bing si e rang si sidegesi, Amen.
6Meluo i ieb le longu hendre ogo: Mu gin bieni sal hian ge, sal ad Kristo, i da gin loh mu le golnisden aden. Mu gin somui le nongen hendre e hendre, iou de gin bohernou le ndro mu bui. 7Nongen ber lang hendre ge, marndr bui. Su ndramed holel ge su bahilou ge le ndro mu, su gin henunuen mu momen ge, su gin belueni nongen ad Kristo le bahilou ge. 8Ar homo adu, de hom Angelo ber lang i beg bohernou le ndro mu longu hendre e hendre ber lang, i dege nongen ber belengan, hendre ge, iou da gin bohernou le ndro mu hanu bugane, i gina momen ge. 9Io gin bai le ndro mu goru, malabo io vong le ndro mu bersilie: Ar homo i bohernou le ndro mu longu hendre e hendre ber lang, ma i dege bohernou ordo bugane, io da gin henunuen mu hanu, ndramed ogo gina momen sumburli. 10Be io ha vong nongen dagara, io ha leng rui su ndramed holel gleri su lao ordo ge, de io rui su le ndro Jehova ge, su lao dangendegei aden ie? De io gahi mugueni asu ndramed gleri? Bugane, ar io gahi mugueni asu ndramed io lao dandendegei ad Kristo bui.
Bohernou ad Paulus i nongen ad hom ndramed bui.
11Mu ndere hian, goloisden mu, io ha lengi mu hanguruen longu hendre ogo: Bohernou ordo aga nongen ad hom ndramed bui. 12Hom ndramed de gin henunuen io leri bui, homo i de gin bosoui me ndro io bugane, aga nongen ad Jesu Kristo ge, i da gin boharni me ndro io.
13Mu gin hirong bern ordo ber goru, be io homo asu Juda. Ndrno gin mah le asu lao ad Jesu, io gin hingismad asu, io beg daii su. 14Io da gin bo lodu le bern asu Juda sidegesi, io hanu le asu masigane, io gin hanguruen bern asu labenen ber goru hian monen sidesi. 15Jehova ge, i da gin loh io le mburer aden, be io hom mamemei ge, i gin loh io le golnisden aden. 16Hanu i gin boharni me ndro io Ndurn. Boen io de gin ndemani su ndramed ber sengen e ndrai bugane. 17Io de gin dogi le gor Jerusalem le ndro su Apostel bui, io gin dogi le gor Arabia, boen io gin mul le gor Damaskus. 18Year madolo muren io gin gobad le gor Jerusalem, beg ilndri Kevas, aga Petrus. Io da le gor Jerusalem bing masongul e hahu le um aden. 19Io de gin ilndri su Apostel masi bui. Homo ge, io gin ilndri, aga Jakobus ndern ad Ndorlaben Jesu. 20Io hondre le ndro mu le bormarn ad Jehova ge, nongen ordo i ndangen. 21Boen io gin bieni gor Jerusalem, io gin dogi le gor Siria e Silisia. 22Su Kristen ber Judea dansu io bui. 23Ngarnongen gin hilou le ndro su ge, dansu: I ge i da gin bo iil me ndro du, gin hingismad du goru, i bohernou nongen ber lang, mahanu i da gin bo iil leri. 24Be su gin hirong i, su mugueni Jehova.
Currently Selected:
Galatia 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
