Korint II 13
13
Paulus i leng bo gord monen ge.
1Malabo io beg meher ndro mu bersilie. Su boi: Be sor marmou, be su madilmou su vong bersi le longu hendre le gord asu, nongen asu i monen ge. 2Io gin bai le ndro su, su da gin bo longu momen goru, ma le ndro su masigane dagara io gin bai le ndro su hanu, be io gin meher le gor ademu, malabo io vong le ndro mu lie, io da manan, be io gmeher ndro mu bersilie, io ndoun le ndro su. 3Mu ha lengi Kristo i da vong me ndro io, i vong ndoun le ndro mu. Ehe, Kristo i da le molengamu ndoa ge. 4Su gin dadhe i le beldigei, be ndoui aden i da ndro i bui, malabo ge, i ndou gle ndoui ad Jehova. Iou dagara lie iou heb ndoa bui, iou ndoa ge gle ndoui ad Jehova, iou beg bosilieni le ndro mu, iou ndoun iou mamaren ge. 5Seslaini ndoui ademu, danmu boro ndoui ber lang de bui, seslaini meluamu. De danmu bergolmu bui, de danmu bui Jesu Kristo, i da le bergolmu ie? Ar danmu longu ogo bui, mu Kristen heb monen bui. 6Iou Kristen ndangen monen ge, iou beg henunuen mu gleri. 7Iou soling ndro Jehova, ir bogulue mu, debosan mu hinen heb longu momen ge. Iou lengi, mu ghinen longu hian ge, boen hanguruen adu gle bern ademu gina monen ge. 8Dandu bahilou hebsa bui, iou hanguruen longu monen ber belengan ge. 9Iou ha mugmug ge, be iou heb ndoa bui, ar mu ge, mu ndoa, iou ha soling le ndro Ndorlaben, i garbelueni bern ademu, boen danmu dogi monen ge. 10Io gin hondre le ndro mu heb nongen ogo, io da le gor manan malabo, debosan io ndoun ndoun le ndro mu, be io do da le gor ademu, Ndorlaben gin hengen me ndro io ndoui aden ber lang, io osbani mu ge, de ndumbue bui.
11Mu ndere hian, goloisden mu, ha mugmug ge, ha hirong nongen adu, delengamu le soling adu. Ghanguruen longu hian le bergolmu bersi. Voamuiso benu ge, boen Jehova i da voaniso golnisden e benu, i da ge ndro mu. 12Mugueni homo ma homo, be mu da hungung le golnisden rosan ge. Su lao helian masi su beani nongen hian le ndro mu. 13-14Golnisden ad Ndorlaben Jesu Kristo, gahaloseli ad Jehova, dagara Meluan Helian lie, i da baghege ndro mu masi.
Currently Selected:
Korint II 13: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
