Evesus 2
2
Jehova hinen su ndramed momen horuan.
1I gin hingeni mu, mu da ginmad le longu ademu momen, mu da gin hinen i. 2Mu gin dogi sal momen ge, dege su ber gor boan, mu gin hinen longu asu Ndorlaben ber boan ogo, delengamu le ngasen ad meluan momen dege su ber boan ogo. 3Iou gin dogi le molengasu lie, iou gin hangungerou hendre e hendre ber sengen adu, iou gin ha somui le hangungerou ber sengen adu, gus ad Jehova i da meher ndro du dege i da ndro su lie. 4Jehova ge, i da ibdi gahaloseli mabosanged, i gin boharni me ndro du golnisden aden manden ge. 5Ehe, iou ginmad le longu adu momen iou da gin hinen i, golnisden ad Jehova ge gin hingeni du, dege i gin hingeni Kristo, iou mamaren gle ndoui aden. I gin rumburdi du le golnisden aden ge. 6I gin hingeni du gle ndoui ad Jesu Kristo, i gin rui du le gor aden lundielang. 7I beg henunuen su masi le golnisden aden, i beg hengen me ndro du gle memrad aden bulhe gle gous, aga le golnisden aden i da ndro Jesu Kristo ge. 8I gin rumburdi du, iou da gin boro ndoui aden aga golnisden aden ge, i da gin hinen i, aga le mburer adu, le longu adu hian bui. Bugane, Jehova i gin hengeni gle gous ge. 9Aga le surien mburer adu bugane, debosan homo i bamugueni longu aden. 10I gin mengseni du le ndoui ad Jesu Kristo, i gin hengen ndoui aden le ndro du, dandu irgai hian monen ge, dandu bo mburer hian ge.
11Hian mu hangurueni, goru mu asu Haiden ge, su Juda su mbueresu ademu, gelman ad Jehova i da ndro su, i de gin meher ndro mu bui. 12Goru mu da manan ge le ad Kristo, mu dege su Israel bui, nongen ad Jehova i da gin meher ndro su goru, i ademu bui, heb longu hian ber lang de gin belengen mu bugane, Jehova i Ndorlaben ademu bui. 13Malabo ge, mu ad Jesu Kristo, ehe, mahanu mu da manan ge, malabo mu da baghege ndro Kristo gle ndrai aden. 14I ge, i mandri adu, i da gin lug benu le ndro su, ma le ndro du, i gin bieni gineao longu hendre e hendre ber bahun. I gin hengen mandrn me ndro du. 15I gin hinen nongen ad Mose boen, i gin rui me goure su ber horo, ma su ber horo. Su masi, su ad Kristo, su ndramed houen ge. 16I gin regunha su ma du lie le ndro Jehova, i gin hengen mandrn aden, su gin dadhe i le gei. Aga gin daii bahun sumburdi. 17Ehe, i gin me, i gin daui benu aden le ndro mu ber manan, ma le ndro su, su da baghege, i gin bohernou me ndro du longu hian ber lang. 18Iou ber horo, ma su ber horo su gin danoni sal le ndro Damen adu gle Meluan ad homo ge. 19Malabo mu ber manan bui, mu ber gor ad Jehova ge, mu la born ndro su lao ad Jehova, mu da le mandrgosgeao aden lie. 20Mu ber um ad Kristo lie, i da gin mengseni le nemen asu Apostel, ma asu Provet. Jesu Kristo, aga bahud ber um. 21Homo ma homo i gei heie ber um helian ad Ndorlaben. 22Mu dagara lie, mu ber um ad Jehova gle Meluan Helian.
Currently Selected:
Evesus 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
