Evesus 1
1
Heb nongen hanu.
1Io Paulus, hom Apostel ad Jesu Kristo, Jehova gin loh i, io beani nongen hian le ndro su lao helian, le ndro su, su da gin boro ndoui ad Ndorlaben, Jesu Kristo. 2Golnisden ad Jehova, mandri ad Ndorlaben, i Damen adu, ma ad Ndorlaben Jesu Kristo i da ge ndro mu.
Enger memrad asu Kristen.
3Gabmugueni Jehova, i Damen ad Ndorlaben adu Jesu Kristo, i da gin hengen me ndro du memrad ber lang hendre e hendre gle ndoui ad Kristo. 4I gin loh du nandugian, be boan ogo masou, i ha lengi i, iou da monen ge, iou helian le bormarn gane. 5I gin hinen du le mbunana aden, gle ndoui ad Jesu Kristo, iou aden ge gle golnisden aden. I gin loh du, dege i ha lengi i. 6Aga golnisden aden ge hian, iou gabmugueni i, da gin hengen me ndro du gle memrad aden. 7I ogo gin bolumia du, i gin surhi longu adu momen le ndrai aden, aga le golnisden aden ge, i da gin hengen me ndro du bulhe. 8Ndangen i gin henunuen du gle memrad aden ber lang i da beg hengen me ndro du. 9I gin boharni longu hendre e hendre i ie lengi i. I beg hinen i bersi muren, 10be rang aden gin meher be longu masi hendre e hendre gin me dala, dege i gin bai. I leng hinen Kristo le Ndorlaben ber longu masigane i da le lang, ma i da le boan lie. 11I gin hengen me ndro du memrad ber belengan, dege i gin bai goru. I gin loh du, iou ibdi gle longu hian, dege i ha lengi i. 12Iou gin belengeni le Mesias, i ha lengi i, iou gabmugueni engerang aden. 13Mu aden ge, mu da gin hirong nongen ber lang, nongen hian ge, i da beg rumburdi mu, mu gin boro ndoui aden, mu gin ha somui le aden, i gin daui Meluan Helian le bergolmu, mu aden ge ndangen. 14Meluan Helian i boharni me ndro du, iou hilou, iou ngab le memrad adu ber lang. Nongen aden i monen ndangen, nongen aden i mugueni engerang ad Jehova.
Raring le begmarsu i greu.
15Be io hanguruen longu ogo masi, io bamugueni Ndorlaben sidesi, i da gin hengen le ndro mu, mu gin boro ndoui ad Ndorlaben Jesu, golmuisden su lao ad Jesu. 16Ndangen io hanguruen mu sidesi, be io bo raring le ndro Jehova, io bamugueni i, i da gin loh mu le ngab memrad ber lang. 17Jehova, Damen ad Ndorlaben adu Jesu Kristo, engerang i da ndro i, i ghengen le ndro mu Meluan Helian, i da henunuen mu, i gobharni le ndro mu longu hendre e hendre ber bern aden. 18I daui sul ber lang le bergolmu, begmarmu i greu, danmu hian ge sehe longu i ademu, mu da gin hirong nongen aden, i ghenunuen mu le memrad ber lang, i da gmeher ndro su lao aden helian. 19I bosilieni le ndro mu ndoui aden, i da le molengasu lao aden. Aga ndoui manden ge. 20Dege iou gin ilndri, i gin meher ndro Kristo, be Ndorlaben gin hingeni i le ngad aden, be i gin rui i le gor lundielang, le nemen sengen aden. 21I ogo, i hanu le asu ndorlaben masigane, i ndoa hanu le ndoui asu masigane, ngarn aden i hanu le ngarsu masigane ber gor boan, ma ber gor lundielang dagara lie. 22I gin ilgi longu masigane gle ndegen, i gin hinen i le Ndorlaben manden ge asu lao aden, 23Su lao aden masi, aga i vonei mandrn, i da gin bo mburer leri. I da bo mburer le longu masigane.
Currently Selected:
Evesus 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
