Kolosa 3
3
Paulus henunuen su Kristen le bern hian monen.
1Ar mu gin ndne le ngad ademu la born ndro Kristo, hian gahi longu ber belengan le logna ad Kristo, i da le nemen sengen ad Jehova. 2Ehe, hanguruen longu ber belengan, mbue hanguruen memrad ber boan. 3Mu ginmad, mu mamaren ge la born ndro Kristo gle ndoui ad Jehova. 4Be Kristo, aga ndoui adu, na gmehere, mu masigane mu la born ndro i le engerang. 5Hian, mu daii hanguruen momen ber sengen ademu ber gor boan dege ogoro: Longu ber sungsou, hangungerou gle longu ber sengen, gle memrad ber boan, su da hanguruen dagara, su dohor le ndro su beld ge. 6Gus ad Jehova na gmeher ndro su, su da hanguruen dagara, ma le ndro su mbunana, delengasu le nongen ad Jehova bui. 7Goru, mu gin dogi momen dagara lie. 8Malabo ge, mu gin bieni longu hendre e hendre dege ogoro: Be ndrnemu gin mah, ar bergolmu gin irgu, ar mu gin hanguruen momen, ar mu gin rodi, gin boii su, ar bohomu gin bosoui nongen momen ge. 9Mbue bahilou hom le ndro homo. Mu gin bieni ndramed sagen ber goru, aga bern ademu ber goru gineao. 10Mu gin ibdi ndramed houen, aga bern houen ad Kristo ge. I sameluan ad Jehova ge i da gin mengseni i. 11I de hanguruen su ndramed bui, i de hanguruen bui, su Haiden de su Juda. I da hanguruen bui su ber gor manan, su lao dandendegei de su labenen. Su masigane bersi, be su lao ad Kristo. 12Jehova gin loh mu, i gin ha somui le ademu, i golnisden mu, i gin hinen bergolmu rosan ge, hian hanguruen bern monen ge: Ibdi gahaloseli le ndro su, hengen le ndro su heb gan ansu bui, ghanguruen monen ge le bergolmu, irbelengen su, su heb ndoun bui, osbani su. 13-14Mbue bo iil hom le ndro homo, golmu i ndud longu hendre e hendre ndern gin hinen le ndro uo. Dege Kristo goln gin dud longu ademu momen, hian, ghinen i dagara lie. 15Mandri ad Kristo ge na gmeher le bergolmu. I ge, i gin loh mu, mu masigane mu dege mandrn ad homo ge. Hian, gabmugueni Ndorlaben gleri! 16Nongen ad Kristo i da le molengamu dsoln ge, homo i henunuen homo, homo i osbani homo le lodu monen, su gabmugueni Ndorlaben le Psalm, le gagaile asu. Gagaile le ndro Jehova, gabmugueni i le bergolmu. 17Longu masi, mu da hinen i, nongen masi mu da bosoui, hian, ghinen i le ngarn ad Ndorlaben Jesu, gabmugueni Jehova, i Damen adu.
18Mu bihin, delengamu le nongen asu nambulen ademu, aga bern hian ge asu lao ad Jehova. 19Mu gamel, golmugisden su nambulen ademu, mbue ndrnemu i irgu le ndro su. 20Mu mbunana delengamu le nongen ad damen e nanen le longu hendre e hendre, aga Ndorlaben i ha lengi i. 21Mu damen, mbue hinen i, ndrnesu ndurn i mah le ademu, aga i de hian bui. 22Mu lao dandendegei, delengamu le nongen asu ndorlaben ademu ber boan, mbue mugueni su ge le bormarsu, mugueni su le bergolmu, Ghanguruen Ndolaben ber lang. 23Longu masigane mu da hinen i, mbue bangondrngondr leri ghinen i le bergolmu monen ge, ghinen i le ndro Ndorlaben ber lang, le ndro su ndramed bui. 24Danmu, Ndorlaben i surien mburer ademu, i ghengen le ndro mu memrad ber lang, mu da bo mburer le ndro Ndorlaben Kristo, mu lao dandendegei aden ge. 25Ar homo i bo longu momen, Ndolaben i surien i gle momen, i da hanguruen mandrn ad hom ndramed bui.
Currently Selected:
Kolosa 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
