Kolosa 2
2
Paulus henunuen su Kolosa, su gobgulue meluasu le henunuen asu misionare bahilou.
1Io ha lengi, danmu i, sehe bahun i da gin meher ndro io, sehe mburer io da gin hinen le ndro mu, le ndro su ber Laodisea, ma le ndro su masigane, io de gin ilndri bormarsu masou. 2Io ha lengi, su boro ndoui ad Ndorlaben, su me goure le golnisden ad Jesu, su ibdi memrad ber lang, longu hendre e hendre ad Kristo, Jehova gin gorni i dugian. 3Malabo i gin boharni le ndro su, i ha lengi, dansu gleri. 4Io gin hondre nongen ogo le ndro mu, debosan homo i bahilou le ndro mu, i grui mu le sal momen. 5Mondro i da manan ge le gor ademu, meluo i da baghege ndro mu. Io ha mugmug be io ilndri, mu gin bo iil hian monen ge gle ndoui ad Kristo. 6Danmu Ndorlaben Jesu Kristo, hian ha dogi monen ge le bormarn. 7Hian, mu dege gei heie ngondrn i la boan, ndoun ndoun, ibdi ndoui aden ge, iou gin henunuen mu leri. Gabmugueni Ndorlaben sidegesi. 8Orgulue meluamu, debosan homo i hosi mu gle nongen aden bahilou ge, le nongen asu ndramed ge, le nongen asu Angelo, aga nongen ad Kristo bui.
9Meluan ad Jehova i da le bergoln ad Kristo sumburdi. 10Ndoui ad Jesu Kristo i da le bergolmu, i Ndorlaben ademu, dagara le asu masigane. 11Mu gin ibdi gelman aden, nemesu ndramed de gin hinen i bui, aga gelman ad Kristo ge. Aga: Ar mu bieni longu ber sengen ademu. 12Mu gin ibdi surhi aden, i gin doni mu le ngad aden bersi. I gin hingeni mu le ndoui aden, aga ndoui ad Jehova ge, i da gin hingeni Kristo le ngad aden lie. 13Dagara mu masi, mu da ginmad le longu ademu momen, longu ber sengen ademu momen, Jehova ge, i gin hinen mu mamaren, dege i gin hingeni Jesu goru. I gin sibui longu adu momen masi gineao le golnisden aden ge. 14I gin sibui longu adu masi momen i da gin hondre le buk aden, iou gina momen ri. I ge, i gin bieni lendi, i gin dadhe longu adu momen le beldigei. 15I gin bo bahun le ndro beld Satan, i gin ndounen i gane, beldigei aden gin dieni su sumburdi.
16Homo i de gdieni mu bui, be mu de hanguruen gan e ndran, uru de vara, de sabbath, dege su labenen su hanguruen leri bugane. 17Longu ogo masi aga i dege sameluan ge le longu hendre i da beg meher muren. Longu hian ndangen i gmeher le ndoui ad Kristo ge. 18Mbue homo i hedi memrad ademu ber lang giao. Su da mugueni su Angelo, su da mugueni bern asu hian ge, su da mugueni gelman i da gin meher ndro su, su hanguruen momen ge, su hanguruen sengen asu ge. 19Su de baghege ndro Ndorlaben bugane, i dege balen ad hom ndramed, mandrn masi i delengan le hanguruen ad balen, i menda hian ge. 20Ar mu baghege ndro Kristo, longu hendre e hendre asu Angelo da ge ndro mu bui, mu gin bieni i gane. Desa mu ibdi bern asu labenen, hendre e hendre. 21Dege ogoro: Mbue boro longu ogoro, mbue ien gan ogo, aga i helian, aga i helian. 22Ar mu hanguruen longu hendre e hendre ber boan dege ogoro, mu hanguruen molhege. Bohosu ndramed gin sendraini longu hendre e hendre, su ndramed ber boan gin henunuen mu leri. 23Su hanguruen, su hian ge, su dogi monen ge, be su ha bandri mabosanged, aga longu molhege, i vonei gle mandrsu ge.
Currently Selected:
Kolosa 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
