Petrus II 1
1
Heb nongen hanu.
1Io Simon Petrus, io hom lao dandendegei, io hom Apostel ad Jesu Kristo, io beani nongen hian ordo le ndro su, su da gin boro ndoui ad Ndorlaben, dege iou gin hinen i, ndoui le mburer ad Jehova, ma ad Ndorlaben adu Jesu Kristo. 2Golnisden ad Ndorlaben, ma mandri ber lang i da ge ndro mu, i henunuen mu longu masi ad Jehova, ma longu masi ad Ndorlaben adu Jesu, muren danmu longu ber lang bulhe.
Petrus i ndemani su Kristen su dogi monen le sal ad Jesu.
3Ndoui ad Ndorlaben i gin hengen me ndro du longu masigane ber boan ogo, i gin hengen me ndro du ndoui aden, dandu dogi monen ge, i gin henunuen du, dandu longu masi ber lang hian monen ge, i gin loh du, i ha lengi iou ibdi engerang ber lundielang, iou na ge monen gane ri. 4I gin boharni me ndro du longu hian ber belengan, i gin bai goru, i beg hengeni me ndro du. I gin rumburdi du le longu masi momen ber boan ogo, i da beg rui du gle momen, i ha leng hengen me ndro du le bern aden, bern ad Jehova ge. 5Be danmu longu ogoro, hian gob mburer ndoun, le ibdi bern hian monen ge, muren danmu longu ber belengan hian ge, 6boen danmu ndounen hangungerou ber sengen ademu, muren mu ndoa ge, danmu irgai hian monen ge le lodu ademu. 7-8Boen Ndorlaben i hengen me ndro mu, danmu golnisden su ndern, su ndern ge i de vonei bui, golmuisden su ndramed masigane. Ar bern dege ogoro i da ndro mu, ar mu gmenda gle bern ogoro, bern ademu hian monen ge, i danen henunuen mu hian monen ge, Ndorlaben adu Jesu Kristo. 9Ar homo de ibdi bern dege ogoro bui, i dege hom ndramed begmarn bui, i de danen lele hebsa bui, goln i ndud longu aden momen ber goru, Ndorlaben de gin sibui masou. 10Mu ndere hian, ghanguruen longu ogo, girgai monen le sal ademu, danmu ha somui le nongen ad Ndorlaben i da gin loh mu. Ar mu ghinen dege ogoro, mu de glos le sal ademu bui. 11Boen, Ndorlaben i ghengen le ndro mu gor aden lundielang, aga gor ad Ndorlaben adu Jesu Kristo, i da ge ndro mu sidegesi.
Su somui le nongen asu Apostel ma su Provet.
12Io ha lengi, mu ghanguruen longu ogoro sidesi, aga danmu, io ha lengi mu ndoa ge le nongen ogo. 13Aga mburer ordo, io da ghinen i le ndro mu, be io da le boan, io ghanguruen mu le longu ogo masigane, debosan mu gmedir. 14Io dono i, bersi io na gmed roud, dege Ndorlaben adu, Jesu Kristo gin boharni me ndro io. 15Io ha leng bo mburer gleri, be io gin bieni gor ogo, gina le gor ordo hian ber lang, danmu longu masigane, danmu hanguruen monen gleri. 16Iou de delengan le nongen molhe bui, le nongen mali molhe ber boan, be iou gin boharni le ndro mu ndoui ad Ndorlaben adu Jesu Kristo, be i gmeher lie le boan. Bugane, begmardu gin ilndri engerang aden, i da manden, mamali ge. 17Jehova Damen aden gin mugueni i, gin daui engerang ber lundielang le mandrn, be i gin loh, i gin bai: Aga nduro, goloisden i, io bamugueni i ge. 18Iou gin hirong ngasen ogo, nongen ogo i da gin meher le lang, be iou da ndre bahali helian le born ndro i. 19Nongen ogo i ndangen ge, aga nongen asu Provet, iou gin boro i. Hian, ghanguruen i: Nongen ogo i dege sul, i da hinganen le gor ndrogum, mabenan rang na gmehere, rang houen ge ma sul i da gobad le bergolmu. 20-21De danmu hanguruen longu marndr le nongen ad Jehova bugane, dandu bohernou dege iou ha lengi, le nongen ad Jehova bugane, nongen ad Jehova de gin meher le hanguruen asu ndramed bui, su de gin boharni dege su ha leng boharni bugane. Meluan Helian ge gin goharni le ndro su, boen su ndramed gin ha bosoui boharni ad Meluan Helian ge.
Currently Selected:
Petrus II 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
