Petrus I 5
5
Nongen le ndro su Kristen ma le ndro su, su da bogulue lodu.
1Io ndemani su labenen ber lodu, io homo asu, io homo i da gin ibdi ngendian ad Kristo, io homo asu su da gin ilndri engerang ad Ndorlaben, i da beg boharni i me ndro du heb eluen bui muren: 2Hian, orgulue su meh ad Jehova, orgulue su gle hian ge, Jehova i gin daui su gle ndro mu. Mbue de bangondrngondr le mburer ademu, ha mugmug ge, danmu hinen mburer ad Jehova. Mbue hanguruen heb surien ber boan gle mburer ad Ndorlaben, ha mugmug ge le mburer ademu, voamuiso mburer ademu. 3Mbue mu dege su ndorlaben le ndro su lao ad Jesu. Al hanu le sal asu, boen su dondrbon. 4Ar mu hinen mburer ademu hian ge, ndremda meh adu, aga Ndorlaben asu ndremda meh, i ghengen le ndro mu salion ber lang, i gabmugueni mu gleri. Salion ogo i de so meng bui. 5Heb nongen le ndro mu ulhou malabo: Hian delengamu le nongen asu labenen ber lodu. Mu masigane, homo ma homo, i sobani homo ge, i bo mburer aden ge, i dege hom lao dandendegei ad homo ge. Jehova i bo iil le ndro su, su da hanguruen manden ge le bergolsu, i golnisden su, su da hanguruen monen le bergolsu. 6Ha somui be nemen ad Jehova ndoun i da ndro mu, mbue gob iil le ndro i. Heb eluen bui muren, Ndorlaben i rui mu baghege ndro i, be rang aden gin me. 7E bieni hanguruen le longu masi ber boan le hauen ad Ndorlaben, i osbani mu. 8Hian mu mamed ge, Satan, aga ndremda rah ademu i hilou ge dege laion i da loholo, i da mundrul manden i gahi su, beg ien su. 9Bo iil le ndro Satan, mu ndoa le ndro i gle ndoui ber lang. Danmu, rang ogo momen i gina le ndro su ndern masi ber gor boan.
10Jehova i da gin loh du le golnisden aden, i da beg rui du le engerang aden, i da ndro du sidegesi le ngarn ad Jesu Kristo, i ge, i ghengen le ndro mu ndoui aden, i hinen mu ndoa ge le rang ber ngendian ademu, i da murai ge le ndro mu. 11Engerang ber gor lundielang i aden ge, i da ndoa le longu masigane bing si e rang si, sidegesi, Amen. 12Heb nongen ogoro io rendegien i le ndro mu, Silvanus, ndere ordo hian gin hondre heb nongen ogo. Io ndemani mu, io beg boharni me ndro mu golnisden ad Jehova, i da ge ndro mu, aga golnisden ad Jehova ndangen. 13Su ber lodu i da le gor Babilon, dagara nduro Markus i beani nongen hian le ndro mu. 14Homo golnisden homo be i ilndri bormarn aden. Mandri ad Ndorlaben i da ge ndro mu masi, mu da irgai le ngarn ad Kristo.
Currently Selected:
Petrus I 5: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
