Johanes I 4
4
Mbue somui le meluan bahilou.
1Mu ndere hian, mbue delengamu le nongen asu masi, seslaini nongen asu, su da bohernou le ndro mu, nongen asu ad Jehova, de bui. Su Provet bahilou mabosanged gin meher le boan. 2Danmu homo i boharni le ngarn ad Jehova de bui: Homo ma homo i da boharni, Jesu aga Mesias adu, i da gin meher le boan, gin ibdi sengen asu ndramed, i ogo ad Jehova ge. 3Homo ma homo i de boharni longu le ad Jesu dege ogoro bui, i ad Jehova bugane, aga i meluan aden ge, i da bo iil le ndro Kristo. Danmu, i beg meher, e lele, malabo i do da le gor. 4Mu mbunana hian, goloisden mu, mu ad Jehova ge, mu gin robieni su Provet bahilou gle ndoui aden ge, i da bo mburer le bergolmu, i ndoa hanu le Ndorlaben ber boan ogo. 5Su masi ber boan ge, su ha vong, dege su ber boan su da vong. Su ber boan hirong nongen asu. 6Iou ad Jehova ge, ar homo i danen Jehova, i hirong nongen adu. Ar homo i ad Jehova bui, de hirong nongen adu bugane, aga dandu, dandu sie ndramed meluan ad Ndorlaben i da ndro i, sie ndramed meluan ad Satan i da ndro i.
Homo golnisden Jehova, i golnisden ndern lie.
7Mu ndere hian, homo golnisden homo. Ar homo i golnisden, i ad Jehova ge. Homo ma homo i da golnisden su ndramed, Jehova gin ilgi i, i danen Jehova ge. 8Ar homo de danen golnisden bui, i de danen Jehova bugane. Jehova i golnisden ge. 9I gin boharni me ndro du golnisden aden: I gin rendegien Ndurn, i homo ge, le boan ogo. I ha lengi iou na ge mamaren gle ndoui aden. 10Aga golnisden ndangen: Dandu golnisden Jehova bui, i ge i golnisden du, i gin rendegien Ndurn, i ogo, i surian le longu adu momen. 11Mu ndere, hian ar Jehova i golnisden du dagara, i ha lengi, i monen ge, be homo i golnisden homo dagara lie. 12Homo de gin ilndri Jehova masou, ar dandu golnisden homo ma homo, Jehova i da le bergoldu, golnisden aden i gin bo mburer le bergoldu hian monen ge. 13Ar iou da ge ndro i, ar i da ge ndro du, i ghengen Meluan Helian me ndro du. 14Iou gin ilndri le begmardu, bohodu i boharni: Damen i gin rendegien Ndurn le gor boan, i bolumia su ndramed. 15Ar homo i boharni, Jesu i Ndur Jehova, Jehova i da ge ndro i, i da ndro Jehova ge. 16Dandu, golnisden ad Jehova me ndro du, iou gin boro i. Jehova i golnisden du, ar homo i da le golnisden ad Jehova, i da ndro Jehova sidesi, ma Jehova i da ge ndro i.
17Golnisden aden i gin bo mburer le bergoldu hian monen ge. Iou de noh rang ber gord bugane, iou ha mugmug ge, iou da le gor boan dege Jesu Kristo i do da le boan. 18Ar homo ha noh, i de golnisden bui. Ar homo golnisden hian monen ge, i de ha noh behsa bui. I ge, i ha noh, i ha noh longu hendre e hendre ber gor. Ar homo i ha noh, golnisden ad Ndorlaben i da le bergoln hian monen masou. 19Golduisden i ge, i golnisden du hanu. 20Ar homo i boi: Goloisden Jehova, hendre ge, ndrnen i mah le ad ndern i ogo i bahilou ge. Ar homo i de golnisden ndern bui, i do da le um aden, begmarn danen ilndri i, i de golnisden Jehova hebsa bui, begmarn de danen ilndri i bui. 21Aga nongen aden ge, i gin bai: Ar homo golnisden Jehova, i golnisden ndern lie.
Currently Selected:
Johanes I 4: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
