Johanes I 3
3
Be homo golnisden Jehova ndangen, i mbueren bo longu momen.
1E lele, sehe golnisden ad Damen i da ndro du: I ha bosoui du mbunana ad Jehova, iou mbunana aden ndangen. Su ber gor boan de dansu du bui, de dansu i lie bugane. 2Mu ndere, e lele, malabo ge, iou mbunana ad Jehova, longu hendre e hendre ber muren de gin meher ndro du masou. Dandu longu hendre ge, be longu masi na gmeher, dege bohon gin bai goru, iou dege i ge, muren dandu ilndri i, i sie, i derbe. 3Homo ma homo ir belengeni i, i hinen bergoln rosan, muren i rosan dege i ge. 4Homo ma homo i da bo longu momen, i bieni nongen ad Jehova. Aga longu momen adu, be iou bieni nongen Helian ad Jehova. 5Danmu, Kristo gin meher, beg sibui longu momen giao. Heb longu momen i da ndro i bui. 6Homo ma homo i da ge ndro i, i de bo longu momen bui. Ar homo i bo longu momen, i de gin ilndri Kristo masou, i de danen i bui. 7Mu mbunana ordo, goloisden mu, orgulue meluamu, debosan homo i rui mu le sal momen. Ar homo i bo longu monen, bern aden i monen ge, i monen dege Kristo i da monen ge. 8Ar homo i bo longu momen, i ad Sadan ge. Beld Satan i bo longu momen ber nandugian. Ndur Jehova gin meher le ndumbue longu ad beld Satan. 9Homo, Jehova gin ilgi i, i de bo longu momen bui, i mamaren ge le ndoui ad Jehova. I de danen bo longu momen bui, Jehova ge gin ilgi i. 10Aga dandu, sie i mbunana ad Jehova, de sie i mbunana ad beld Satan: Homo ma homo i de voaniso longu hian monen bui, i ad Jehova bugane, dagara homo ma homo i de golnisden ndern bui.
Be homo golnisden ndern bui, i hom lao ad Satan.
11Aga nongen ber lang, mu da gin hirong i goru: Homo golnisden homo. 12Dege Kain bui, i mbunana ad Satan ge, i gin daii ndern. Bern aden gina momen gane, bern ad ndern i monen ge. 13Mu ndere hian, mbue meluamu i ieb, be su gor masi ndrnesu i irgu le ademu. 14Dandu, iou de somad bui, iou mamaren ge, golduisden su ndere. Ar homo de golnisden ndern bui, i na gmed. 15Homo ma homo ndrnen i mah ad ndern, i ogo i hom daiandramed, danmu, hom daiandramed de la lundielang bui. 16Dandu, golnisden aden monen ndangen. I ge, i gin hengen me ndro du mandrn, gin henunuen du leri. Hian iou ghinen i dege i gin hinen i, iou ghengen ndoui adu le ndro su ndere. 17Ar homo, memrad aden ber boan dsoln i da ndro i, i ilndri ndern, i mundrul, i gina momen ge, i de sobani ndern bui gle gan anen: Golnisden ad Jehova i da le bergoln hi derbe? 18Mu mbunana ordo, mbue golnisden ge le nongen ma le germen ademu, golmuisden ge le mburer ademu, aga i ndangen.
19Muren dandu, iou mbunana ber lang, iou de ha noh hebsa bui be iou da meher le bormarn. 20Be meluan adu i gdieni du, Jehova i manden hanu gle ad meluan adu, i danen longu masigane. 21Mu ndere, ar meluadu i de gdieni du bui, iou ha mugmug ge, be iou meher ndro Jehova. 22Longu hendre e hendre iou ha soling ndro i, i ghengen me ndro du. Iou delengan le nongen aden ge, iou hinen longu masigane dege Ndorlaben i ha lengi i. 23Aga Jehova i ha lengi: Iou boro ngarn ad Ndurn Jesu Kristo ndoa ge, golduisden homo ma homo, dege i gin bai le nongen aden, i da gin boharni me ndro du. 24Ar homo i delengan le nongen aden, i da ge ndro Jehova, Jehova i da ge ndro i. Dandu, i da ge ndro du: Meluan aden i da le bergoldu.
Currently Selected:
Johanes I 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
